ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ରାଜ୍ୟ ବଜେଟ୍‍ର ଚେହେରା ବଦଳିବ

ରାଜ୍ୟ ବଜେଟ୍‍ର ଚେହେରା ବଦଳିବ । କରୋନା ମୁକାବିଲା ଖର୍ଚ୍ଚ ଅସ୍ୱାଭାବିକ ଭାବେ ବୃଦ୍ଧି ପାଉଥିବାରୁ ରାଜ୍ୟ ସରକାର ତାଙ୍କ ବଜେଟ୍‍ ରୂପରେଖରେ ପରିବର୍ତ୍ତନ କରିବାକୁ ଯାଉଛନ୍ତି । ଗୋଟିଏ ପଟେ କରୋନା ମୁକାବିଲା ଖର୍ଚ୍ଚ ବୃଦ୍ଧି ଓ ଅନ୍ୟ ପଟେ ରାଜସ୍ୱ ହ୍ରାସ ପାଉଥିବାରୁ ସରକାର ଏଭଳି ପଦକ୍ଷେପ ପାଇଁ ଏକ ପ୍ରକାର ବାଧ୍ୟ ।

ବର୍ତ୍ତମାନ କରୋନା ସଂକ୍ରମଣ ବ୍ୟାପୁଥିବାରୁ ଏ ବାବଦରେ କେତେ ଖର୍ଚ୍ଚ ହେବ ତାହା କେହି ପୂର୍ବାନୁମାନ କରିପାରୁ ନାହାନ୍ତି । ତେବେ ଏଥିପାଇଁ ବିପୁଳ ଅର୍ଥ ଆବଶ୍ୟକ ପଡିବ ବୋଲି ବିଶେଷଜ୍ଞମାନେ କହୁଛନ୍ତି । ତେଣୁ ଗ୍ରାମାଞ୍ଚଳରେ କର୍ମସଂସ୍ଥାନ, କରୋନା ପରିଚାଳନା, ସ୍ୱାସ୍ଥ୍ୟସେବା, ଶିକ୍ଷା ଏବଂ ଅନ୍ୟାନ୍ୟ ସାମାଜିକ କ୍ଷେତ୍ର ଗୁଡିକ ଉପରେ ଫୋକସ କରି ବରିଷ୍ଠ ଅଧିକାରୀମାନେ ବିଭିନ୍ନ ଖର୍ଚ୍ଚ ପ୍ରସ୍ତାବକୁ ନୂଆ ରୂପ ଦେବାରେ ଲାଗି ପଡିଛନ୍ତି ।

ଯଦିଓ ବଜେଟ୍‍ର ରୂପରେଖ ପରିବର୍ତ୍ତନ ସଂକ୍ରାନ୍ତରେ ଅଧିକାରୀମାନେ ମୁହଁ ଖୋଲୁ ନାହାନ୍ତି ତେବେ କରୋନା ମୁକାବିଲା ପାଇଁ ରାଜ୍ୟ ବଜେଟ୍‍ରେ ପରିବର୍ତ୍ତନ ହୋଇପାରେ ବୋଲି ସ୍ୱୀକାର କରୁଛନ୍ତି । କେନ୍ଦ୍ର ସରକାର ତାଙ୍କର ବଜେଟ୍‍ ପ୍ରସ୍ତାବରେ ପରିବର୍ତ୍ତନ ଆଣିଥିବାରୁ ତାହାକୁ ଦୃଷ୍ଟିରେ ରଖି ରାଜ୍ୟ ବଜେଟ୍‍ର ଚେହେରା ବଦଳିବ । କେନ୍ଦ୍ର ସରକାର ଏବେ ସିଧାସଳଖ ଭାବେ ଗ୍ରାମ୍ୟ ନିଯୁକ୍ତି ଯୋଜନା, କରୋନା ପରିଚାଳନା, ସ୍ୱାସ୍ଥ୍ୟସେବା ଏବଂ ଅନ୍ୟ ସାମାଜିକ କ୍ଷେତ୍ରକୁ ଅର୍ଥ ପ୍ରଦାନ କରୁଥିବାରୁ ରାଜ୍ୟ ସରକାର ମାନେ ମଧ୍ୟ ତଦନୁଯାୟୀ ପଦକ୍ଷେପ ଗ୍ରହଣ କରୁଛନ୍ତି ।

ରାଜ୍ୟର ରାଜସ୍ୱ ଆଦାୟ ହ୍ରାସ ପାଉଥିବା ଦୃଷ୍ଟିରୁ ଅଳ୍ପ ବ୍ୟୟ ହେଉଥିବା ପ୍ରକଳ୍ପ ଗୁଡିକ କାର୍ଯ୍ୟକାରୀ କରିବା ସହିତ ଅଧିକ ବ୍ୟୟ ହେବାକୁ ଥିବା ନୂଆ ପ୍ରକଳ୍ପ ଗୁଡିକୁ କାର୍ଯ୍ୟକାରୀ ନକରିବା ପାଇଁ ବିଶେଷଜ୍ଞମାନେ ମତ ଦେଉଛନ୍ତି । ରାଜ୍ୟ ସରକାର ଇତି ମଧ୍ୟରେ ୧୭ହଜାର କୋଟି ଟଙ୍କାର ପ୍ୟାକେଜ ଘୋଷଣା କରିଥିବାବେଳେ ଅନୁରୂପ ବଡ ପ୍ୟାକେଜ ନହେଲେ ମଧ୍ୟ ଆଗାମୀ ଦିନରେ ଛୋଟ ଛୋଟ ପ୍ୟାକେଜର ଆବଶ୍ୟକତା ରହିଛି । ତଦନୁଯାୟୀ ଭବିଷ୍ୟତରେ ରାଜ୍ୟ ସରକାରଙ୍କୁ ଏକାଧିକ ପ୍ୟାକେଜ ଘୋଷଣା କରିବାକୁ ପଡିବ ବୋଲି ବିଶେଷଜ୍ଞମାନେ ବିଚାରୁଛନ୍ତି ।

ସେହିଭଳି ରାଜ୍ୟ ସରକାର ବ୍ୟୟ ସଙ୍କୋଚନ ନୀତି ଆପଣେଇବା ସହିତ ତାହା ଉପରେ କାର୍ଯ୍ୟ ଆରମ୍ଭ କରିଛନ୍ତି । ସର୍ବଭାରତୀୟ ସେବା ଅଧିକାରୀଙ୍କର ୫୦ ପ୍ରତିଶତ ଦରମା କାଟ୍‍ ହୋଇଥିବାବେଳେ ଅନ୍ୟ ସେବାର ଅଧିକାରୀମାନଙ୍କର ଏଭଳି ହୋଇପାରେ । ଅତି କମ୍‍ରେ ସମସ୍ତ କର୍ମଚାରୀଙ୍କର ୨୫ପ୍ରତିଶତ ଦରମା କାଟ୍‍ ବିପୁଳ ଅର୍ଥ ସଞ୍ଚୟ ହୋଇପାରିବ । ଅଯଥା ଖର୍ଚ୍ଚରୁ ରାଜ୍ୟ ସରକାର ଦୂରେଇ ରହିବେ ବୋଲି ମଧ୍ୟ ଅଧିକାରୀମାନେ ସଙ୍କେତ ଦେଲେଣି ।

ବ୍ୟୟ କ୍ଷେତ୍ରରେ ପରିବର୍ତ୍ତନ ଓ ଖର୍ଚ୍ଚ କାଟ୍‍ ଯୋଗୁଁ ଏହାର ପ୍ରଭାବ ଅଭିବୃଦ୍ଧି ଉପରେ ପଡିବ ବୋଲି ବିଶେଷଜ୍ଞମାନେ କହୁଛନ୍ତି । ଅଧିକାଂଶ ରାଜ୍ୟ ସରକାର ଖୋଲା ବାଜରରୁ ସ୍ୱଳ୍ପ ମିଆଦୀ ଋଣ କରୁଥିବାବେଳେ ଓଡିଶା ସରକାର କିନ୍ତୁ ଆରଆଇଡିଏଫ୍‍ରୁ କମ୍‍ ସୁଧରେ ଋଣ ଆଣୁଛନ୍ତି । ଚଳିତବର୍ଷ ରାଜ୍ୟ ସରକାର ଆରଆଇଡିଏଫ୍‍ରୁ ଭିତ୍ତିଭୂମି ପାଇଁ କମ୍‍ ସୁଧ ଯୁକ୍ତ ଅଧିକ ଋଣ ଆଣିବାକୁ ଚିନ୍ତା କରୁଛନ୍ତି । ନାବାର୍ଡ ନିୟନ୍ତ୍ରଣରେ ଥିବା ଏହି ପାଣ୍ଠି ରାଜ୍ୟ ପାଇଁ ବିଶେଷ ସହାୟକ ହେବ । ଅନୁରୂପ ଭାବେ ରାଜ୍ୟ ସରକାର ମଧ୍ୟ ଓଏମ୍‍ବିଏଡିସି ଓ କାମ୍ପାରୁ ଋଣ ଆଣିବାକୁ ସ୍ଥିର କରିଛନ୍ତି । କରୋନା ଜନିତ ଲକ୍‍ ଡାଉନ୍‍ର ମିଆଦ ଅଧିକ ଦିନ ବଢିବା ଆଶଙ୍କା କରାଯାଉଥିବାବେଳେ ଏଭଳି ପଦକ୍ଷେପ ରାଜ୍ୟ ପାଇଁ ବିଶେଷ ସହାୟକ ହେବବୋଲି ଅଧିକାରୀମାନେ ବିଚାରୁଛନ୍ତି ।  



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020