ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ସ୍ୱାସ୍ଥ୍ୟ ପ୍ରତିଷ୍ଠାନ ପାଇଁ ନୂଆ ନିର୍ଦ୍ଦେଶନାମା

ରାଜଧାନୀରେ କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ସତର୍କତାମୂଳକ ପଦକ୍ଷେପ ସ୍ୱରୂପ ଘରୋଇ ହସ୍ପିଟାଲ୍‌ଗୁଡ଼ିକ ନିମନ୍ତେ ନୂତନ ନିର୍ଦ୍ଦେଶନାମା ଜାରି କରାଯାଇଛି ।

ତଦନୁଯାୟୀ ଭୁବନେଶ୍ୱର ମହାନଗର ନିଗମ ଅଧୀନସ୍ଥ ବସ୍ତି ଅଞ୍ଚଳରେ ରହୁଥିବା ଘରୋଇ ହସ୍‌ପିଟାଲ୍‌ ଏବଂ ନର୍ସିଂ ହୋମ୍‌ର ସ୍ୱାସ୍ଥ୍ୟ କର୍ମଚାରୀମାନଙ୍କ ଏକ ଡାଟାବେସ୍‌ ସଂପୃକ୍ତ ଅନୁଷ୍ଠାନ ଦ୍ୱାରା ପ୍ରସ୍ତୁତ କରାଯିବ ।

ଉକ୍ତ କର୍ମଚାରୀମାନେ ସିଫଫ ଡୁ୍ୟଟିରେ ୧୪ ଦିନ କାର୍ଯ୍ୟ କରିବେ ଏବଂ ସେମାନଙ୍କ ପାଇଁ ଘରୋଇ ହସ୍ପିଟାଲ୍‌/ନର୍ସିଂ ହୋମମାନେ ହସ୍ପିଟାଲ୍‌ ପରିସରରେ ରହିବା ବ୍ୟବସ୍ଥା କରିବେ । ୧୪ ଦିନ ପରେ କୋଭିଡ୍‌ ପରୀକ୍ଷାରେ ନେଗେଟିଭ୍‌ ଆସିଲେ ସେମାନେ ଘରକୁ ଯାଇପାରିବେ । ଏହି ଭଳି ଭାବେ ପର୍ଯ୍ୟାୟ କ୍ରମେ କର୍ମଚାରୀମାନେ ୧୪ ଦିନ ଡୁ୍ୟଟି କରିବେ ।

ଘରୋଇ ଡାକ୍ତରଖନା ଓ ନର୍ସିଂହୋମ୍‌ ଗୁଡିକ ସେମାନଙ୍କ ସଂସ୍ଥାରୁ ଜଣେ ଅଧିକାରୀଙ୍କୁ ନୋଡାଲ ଅଫିସର ଭାବେ ଚୟନ କରିବା ସହିତ ତାଙ୍କ ନାମ ବିଏମ୍‌ସିକୁ ଅବଗତ କରିବେ । ସମ୍ପୃକ୍ତ ଅଫିସରଙ୍କ ନାମ ଫୋନ୍‌ ନମ୍ବର ସହିତ କେଉଁ ସିଫଫରେ କେଉଁ କେଉଁ କର୍ମଚାରୀଙ୍କୁ କାର୍ଯ୍ୟରେ ମୁତୟନ କରାଯାଉଛି ତାହାର ବିସ୍ତୃତ ସୂଚନା ମଧ୍ୟ ପ୍ରଦାନ କରିବେ ।
 



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020