ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ରାଜସ୍ୱ ଆୟ କମିବ

କରୋନା ଆକ୍ରମଣ ଯୋଗୁ ଏ ବର୍ଷ ରାଜସ୍ୱ ଆଦାୟ ହ୍ରାସ ପାଇବ । ବିଶେଷ କରି ଆର୍ଥିକ ବର୍ଷ ଶେଷ ପୂର୍ବରୁ ମାର୍ଚ୍ଚ ମାସରେ ବିଭିନ୍ନ ସୂତ୍ରରୁ ବହୁ ପରିମାଣର ରାଜସ୍ୱ ସଂଗ୍ରହ ହୋଇଥାଏ । କିନ୍ତୁ ଗୋଟିଏ ପଟେ କରୋନା ଭୟ ଓ ଅନ୍ୟପଟେ ସାରା ରାଜ୍ୟରେ ଲକ୍‍ ଡାଉନ୍‍ ପରିସ୍ଥିତି ଘୋଷଣା କରାଯାଇଥିବାବେଳେ ଲୋକେ ଘରୁ ବାହାରି ଟିକସ ପୈଠ କରିବା ସମ୍ଭବ ହେଉନାହିଁ ।

ଅନ୍ୟପକ୍ଷରେ ଅନ୍‍ଲାଇନ୍‍ରେ ଘରେ ବସି ଟିକସ ପୈଠ କରିବା ଲାଗି ବିଭିନ୍ନ ବିଭାଗ ଓ ସଂସ୍ଥା ପକ୍ଷରୁ ପରାମର୍ଶ ଦିଆଯାଉଛି । ତେବେ ରାଜ୍ୟର ସଂଖ୍ୟାଧିକ ପରିବାରରେ ଇଣ୍ଟରନେଟ୍‍ ନ ଥିବା ଏବଂ ଅନେକ ଲୋକ ଇଣ୍ଟରନେଟ୍‍ ବ୍ୟବହାର ଜାଣିନଥିବା ପରିପ୍ରେକ୍ଷୀରେ ଅନ୍‍ଲାଇନ୍‍ରେ ଟିକସ ପୈଠ କରିବା ସେମାନଙ୍କ ପକ୍ଷେ ସମ୍ଭବପର ନୁହେଁ । ଗୋଟିଏ ପଟେ ଲୋକେ ଘରୁ ବାହାରି ପାରୁନଥିବା ବେଳେ ଅନ୍ୟପଟେ ଅନେକ ଦପ୍ତର ବନ୍ଦ ରହିଥିବା ପରିପ୍ରେକ୍ଷୀରେ ଟିକସ ଆଦାୟ ବ୍ୟାପକ ଭାବେ ପ୍ରଭାବିତ ହେଉଛି ।

ଜମିବାଡ଼ି ପାଇଁ ରାଜସ୍ୱ ବିଭାଗ ଆର୍‍ଆଇମାନଙ୍କ ମାଧ୍ୟମରେ ଖଜଣା ସଂଗ୍ରହ କରିଥାଏ । ସେହିଭଳି ପୌର ସଂସ୍ଥାମାନେ ହୋଲ୍ଡିଂ ଟିକସ ମଧ୍ୟ ଆଦାୟ କରିଥାନ୍ତି । ଏହାଛଡ଼ା ଖାଉଟି ଭାବେ ଲୋକେ ପାଇପ୍‍ ଜଳ ଓ ବିଦ୍ୟୁତ୍‍ ବାବଦ ଦେୟ ମଧ୍ୟ ଦେଇଥାନ୍ତି । ଏହାଛଡ଼ା ଆଉ ଅନେକ କିସମର ଟିକସ ରହିଛି । କିନ୍ତୁ ଗୋଟିଏ ପଟେ ଦପ୍ତର ବନ୍ଦ ଓ ଅନ୍ୟପଟେ ଲକ୍‍ ଡାଉନ୍‍ ବାତାବରଣ ଭିତରେ ଏ ସବୁ କ୍ଷେତ୍ରରେ ଟିକସ ଆଦାୟ କମିବାର ସମ୍ଭାବନା ରହିଛି ।

ରାଜ୍ୟର ପ୍ରମୁଖ ଟିକସ ଜିଏସ୍‍ଟିରୁ ମିଳିଥାଏ । ରାଜ୍ୟ ଜିଏସ୍‍ଟି ସିଧାସଳଖ ଭାବେ ବ୍ୟବସାୟୀକ ପ୍ରତିଷ୍ଠାଗୁଡ଼ିକ ଠାରୁ ଆସୁଥିବା ବେଳେ କେନ୍ଦ୍ର ଜିଏସ୍‍ଟିରୁ ରାଜ୍ୟ ମଧ୍ୟ ତାହାର ଅଂଶ ପାଇଥାଏ । କରୋନା ପାଇଁ ଲକ୍‍ ଡାଉନ୍‍ ଘୋଷଣା ପରେ ବଜାରରେ କିଣାବିକା ପ୍ରାୟତଃ ବନ୍ଦ ହୋଇଯାଇଛି । ପନିପରିବା, ଫଳମୂଳ, ଦୁଧ, ଔଷଧ, ପେଟ୍ରୋଲ, ଗ୍ୟାସ୍‍, ତେଜରାତି ଦୋକାନରୁ ରୋଷେଇ ସାମଗ୍ରୀ ଆଦି ସୀମିତ ଭାବେ ମିଳୁଛି । ଗାଡ଼ି ମୋଟରଠାରୁ ଆରମ୍ଭ କରି ସୌଖୀନ ସାମଗ୍ରୀ, ପୋଷାକପତ୍ର, ବୈଦ୍ୟୁତିକ ସରଞ୍ଜାମ ଓ ଅନ୍ୟାନ୍ୟ ଜିନିଷର ବିକ୍ରିବଟା ଏକପ୍ରକାର ବନ୍ଦ ରହିଛି । ଫଳରେ ଏ ବାବଦରେ ଉଭୟ କେନ୍ଦ୍ର ଓ ରାଜ୍ୟ ଜିଏସ୍‍ଟିରୁ ଯେତେ ଅର୍ଥ ମିଳିବା କଥା ତାହା ମିଳିବାର ସମ୍ଭାବନା ନାହିଁ ।

ଅନ୍ୟପଟେ ବ୍ୟାଙ୍କସେବା ପ୍ରଭାବିତ ହେବା ସଙ୍ଗେ ସଙ୍ଗେ ସେନ୍‍ସେକ୍ସ ମଧ୍ୟ ଭୁଷୁଡ଼ୁଛି । ଖଣି ଖାଦାନରୁ କଳ କାରଖାନା ପର୍ଯ୍ୟନ୍ତ ସବୁ ବି କରୋନାର ଛାଟ ଖାଉଛନ୍ତି । ଇତିମଧ୍ୟରେ ଡଲାରର ମୂଲ୍ୟ ୭୫ ଟଙ୍କାକୁ ଟପିଲାଣି । ଏହା ଦେଶର ଅର୍ଥନୀତି ଉପରେ ପ୍ରତିକୂଳ ପ୍ରଭାବ ପକାଉଛି । କେବଳ ଭାରତ ନୁହେଁ ସମଗ୍ର ବିଶ୍ୱର ଅର୍ଥନୀତିକୁ କରୋନା ଶକ୍ତ ଧକ୍‍କା ଦେଇଛି । ଏ ପରିପ୍ରେକ୍ଷୀରେ ଓଡ଼ିଶା ଭଳି ରାଜ୍ୟରେ ଧାର୍ଯ୍ୟ ଲକ୍ଷ୍ୟଠାରୁ ରାଜସ୍ୱ ସଂଗ୍ରହ ପରିମାଣ କମିବା ଘେନି ଯେଉଁ ଆଶଙ୍କା ପ୍ରକାଶ ପାଇଛି ସେଥିଘେନି ଅର୍ଥନୀତିଜ୍ଞମାନେ ବେଶ୍‍ ଚିନ୍ତିତ ।  



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020