ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ପାସ୍‍ ବଣ୍ଟନ କେନ୍ଦ୍ରରେ ସଂକ୍ରମଣ ଭୟ

ଜରୁରୀ ସେବାରେ ନିୟୋଜିତ ବ୍ୟକ୍ତିଙ୍କୁ ପାସ୍‍ ପ୍ରଦାନ ପାଇଁ କମିଶନରେଟ ପୁଲିସ୍‍ର ପାସ୍‍ ବଣ୍ଟନ ଶିବିରରେ ଏବେ ସଂକ୍ରମଣ ଭୟ । ଏଠାରେ ପାସ୍‍ ଖଣ୍ଡେ ପାଇଁ ଗଣମାଧ୍ୟମ ପ୍ରତିନିଧିଙ୍କ ଆରମ୍ଭ କରି ବ୍ୟାଙ୍କ୍‍ କର୍ମଚାରୀ ଏପରିକି ରୋଗୀଙ୍କ ସମ୍ପର୍କୀୟମାନେ ଠେଲାପେଲା ହେଉଛନ୍ତି । ପୁଲିସ୍‍ କର୍ମଚାରୀମାନେ ବି ଏକ ପ୍ରକାର ନାଚାର ।

ଯେଉଁମାନେ ଜରୁରୀ ସେବାରେ ନିୟୋଜିତ ସେମାନେ ନିଜ ନିଜର ପରିଚୟପତ୍ର ଦେଖାଇ ଯାଇପାରିବେ ବୋଲି ପ୍ରଥମେ କୁହାଯାଇଥିଲା । ତେବେ ପରେ କମିଶନରେଟ ପୁଲିସ୍‍ ପକ୍ଷରୁ ଏମାନଙ୍କୁ ସ୍ୱତନ୍ତ୍ର ପାସ୍‍ ପ୍ରଦାନ କରାଯିବ ଓ ସେମାନେ କେଉଁ ଅଞ୍ଚଳରେ ଯାତାୟତ କରିବେ ତାହା ଉଲ୍ଲେଖ ରହିବ ବୋଲି କୁହାଗଲା ।

ଏଥିପାଇଁ କର୍ମଚାରୀ ଓ ଗଣମାଧ୍ୟମ ପ୍ରତିନିଧିମାନେ ସେମାନଙ୍କ ଦପ୍ତର ଅଞ୍ଚଳରେ ଆସୁଥିବା ଥାନା ଗୁଡିକରୁ ପାସ୍‍ ନେବାପାଇଁ କୁହାଯାଇଥିଲା । ତେବେ ପାସ୍‍ ପ୍ରଦାନ କଥା ପ୍ରଚାର ହେବାପରେ ଥାନା ଗୁଡିକରେ ସାଧାରଣ ଲୋକେ ଭିଡ ଜମାଇଥିଲେ । ଏହାକୁ ଦେଖି ତୁରନ୍ତ ପୁଲିସ୍‍ କମିଶନର ଏହି ପାସ୍‍ କେବଳ ଜରୁରୀ ସେବାରେ ନିୟୋଜିତ ବ୍ୟକ୍ତିଙ୍କ ପାଇଁ ଉଦ୍ଦିଷ୍ଟ ବୋଲି ସ୍ପଷ୍ଟ କରିଥିଲେ ।

ତେବେ ଆଜି ଜରୁରୀ ସେବାରେ ନିୟୋଜିତ ଲୋକେ ନିଜ ନିଜ ଅଞ୍ଚଳର ଥାନା ଗୁଡିକୁ ପାସ୍‍ ପାଇଁ ଯାଇଁ ପହଞ୍ଚିବା ପରେ ସେଠାରେ କୁହାଯାଇଥିଲା ଯେ ଏହି ପାସ୍‍ ଡିସିପି ଅଫିସରୁ ମିଳିବ । ନିଷ୍ପତ୍ତି କାଲି ରାତିରେ ହୋଇଛି । ତେଣୁ ସମସ୍ତେ ଏକ ମୁହାଁ ହୋଇ ବାଣୀବିହାରରେ ଥିବା ଡିସିପି ଅଫିସକୁ ଦଉଡିଥିଲେ । କିଛି ଥାନା ଅଧିକାରୀ ଆସିଥିବା ଲୋକଙ୍କ ଆବେଦନପତ୍ର ଗ୍ରହଣ କରି ତାହାକୁ ଡିସିପି ଅଫିସ ପଠାଯିବ ବୋଲି କହିଥିଲେ ।

ଯେଉଁମାନେ ଥାନାରେ ନିଜ ନିଜର ଦରଖାସ୍ତ ଦେଇଥିଲେ ସେମାନଙ୍କୁ ମଧ୍ୟାହ୍ନ ସୁଦ୍ଧା ଡିସିପି ଅଫିସରୁ ପାସ୍‍ ନେଇଯିବାପାଇଁ ଫୋନ୍‍ ଆସିଥିଲା । ହେଲେ ସେଠାରେ ପହଞ୍ଚିବା ବେଳକୁ ସ୍ଥିତି ଏକ ପ୍ରକାର ଅସମ୍ଭାଳ । ପାସ୍‍ ପାଇଁ ଉଦ୍ଦିଷ୍ଟ ଫର୍ମ ନଥିବାବେଳେ ଡିସିପି ଅଫିସ ବାହାରେ ଲୋକେ ଗେଟ୍‍କୁ ଠେଲାପେଲା କରୁଥିବା ଦେଖିବାକୁ ମିଳିଥିଲା ।

ଥାନା ସ୍ତରରେ ପାସ୍‍ ଦେଇଥିଲେ ଏଭଳି ଗହଳି ହୋଇନଥାନ୍ତା । ତେବେ ନିଷ୍ପତ୍ତି ବଦଳାଇ ସମସ୍ତଙ୍କୁ ଡିସିପି ଅଫିସ ଡାକି ଯେଉଁ ଗହଳି ହୋଇଛି ସେଥିରେ ସରକାରଙ୍କ ୭ଜଣିଆ ସଂଗରୋଧ କଟକଣା ଏକ ପ୍ରକାର ଅଚଳ । ପୁଲିସ୍‍ କର୍ମଚାରୀଙ୍କ ସହିତ ଗଣମାଧ୍ୟମ ପ୍ରତିନିଧି, ସାଧାରଣ ଲୋକେ ସେଠି ଏକାକାର ହୋଇଛନ୍ତି ।

ଫର୍ମ ନଥିବାରୁ ଅନେକ ଲୋକ ଫେରିଥିବାବେଳେ ଏହାର ଉତ୍ତର କିନ୍ତୁ କାହା ପାଖରେ ନାହିଁ । ଯଦି ଫର୍ମ ନାହିଁ ତେବେ ଲୋକଙ୍କୁ କାହିଁକି ଲକ୍‍ ଡାଉନ୍‍ ସମୟରେ ଡାକି ଗହଳି କରୁଛ ବୋଲି ଅନେକ ପ୍ରଶ୍ନ କରୁଥିଲେ । କିଛି ବ୍ୟକ୍ତି ସଂକ୍ରମଣ ଭୟରେ ସେଠାରୁ ପଳାଇ ଯାଉଥିବା ଲକ୍ଷ୍ୟ କରାଯାଇଥିଲା ।
 



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020