ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

୫-ଟିକୁ ରାଜ୍ୟପାଳଙ୍କ ପ୍ରଶଂସା


ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଅଭିଭାଷଣ ସହିତ ଆଜିଠାରୁ ଓଡ଼ିଶା ବିଧାନସଭାର ବଜେଟ୍‍ ଅଧିବେଶନ ଆରମ୍ଭ ହୋଇଛି । ପରମ୍ପରା ଅନୁଯାୟୀ ରାଜ୍ୟପାଳ ପ୍ରଥମ ଦିନରେ ତାଙ୍କର ଦୀର୍ଘ ଅଭିଭାଷଣ ଗୃହରେ ରଖିଛନ୍ତି ।

ରାଜ୍ୟପାଳ ତାଙ୍କ ଅଭିଭାଷଣରେ କହିଛନ୍ତି ଯେ ୫-ଟି ଓ ମୋ ସରକାର ପରି ଅଭିନବ ପଦକ୍ଷେପ ସରକାର ଗ୍ରହଣ କରୁଥିବା ବେଳେ ଏହାକୁ ଦୃଢ଼ ଇଚ୍ଛାଶକ୍ତି ସହିତ କାର୍ଯ୍ୟକାରୀ କରାଯାଉଛି । ୨୦୦୦ ମସିହା ପରଠାରୁ ସରକାର ଓଡ଼ିଶାକୁ ଏକ ନୂତନ ଶିଖରରେ ପହଞ୍ଚାଇବାକୁ କଠିନ ପରିଶ୍ରମ କରୁଛନ୍ତି । ମହାତ୍ମା ଗାନ୍ଧୀଙ୍କ ଆଦର୍ଶ ଆଧାରିତ ଅନ୍ତ୍ୟୋଦୟ ନୀତି ପ୍ରତି ପ୍ରାଥମିକତା ଦେବା ଜନକୈନ୍ଦ୍ରିକ ଯୋଜନମାନ ପ୍ରଣୟନ ଓ ରୂପାୟନ ଦିଗରେ ସରକାର ପ୍ରତିଶ୍ରୁତିବଦ୍ଧ ।

ରାଜ୍ୟପାଳ କହିଛନ୍ତି ଯେ ଓଡ଼ିଶା ହେଉଛି ଭାରତର ଆତ୍ମା । ଓଡ଼ିଶାର ସମୃଦ୍ଧ, ସାଂସ୍କୃତିକ ପରମ୍ପରା ଏବଂ ଇତିହାସ, ଓଡ଼ିଶାର ମାଟି ଓ ଏହାର ବିବିଧତାରେ ଗଭୀର ଭାବେ ପ୍ରତିରୋପିତ । ପୁରୀର ଶ୍ରୀମନ୍ଦିର ଓ ଭୁବନେଶ୍ୱର ଶ୍ରୀ ଲିଙ୍ଗରାଜ ମନ୍ଦିର ଭିତ୍ତିଭୂମିର ବିକାଶ ନିମନ୍ତେ ସରକାର ପଦକ୍ଷେପ ଗ୍ରହଣ କରିଛନ୍ତି ।

ପ୍ରଫେସର ଗଣେଶୀ ଲାଲ କହିଛନ୍ତି ଯେ ୨୦୨୦-୨୧ ବର୍ଷରେ ସରକାର ୧.୮୪ ଲକ୍ଷ ହେକ୍ଟର ଚାଷଜମିକୁ ଜଳସେଚନ ସୁବିଧା ଯୋଗାଇ ଦେବାର ଲକ୍ଷ୍ୟ ରଖିଛନ୍ତି । ୨୦୦ଟି କ୍ଷୁଦ୍ର ଜଳଭଣ୍ଡାରର ଉନ୍ନତିକରଣ ଓ ୧୨୦୦ଟି ଅଚଳ ଉଠାଜଳସେଚନ ପ୍ରକଳ୍ପକୁ କାର୍ଯ୍ୟକ୍ଷମ କରାଯିବ ।

ଖାଦ୍ୟ ସୁରକ୍ଷା ଯୋଜନାରେ ରାଜ୍ୟର ୩,୨୮,୫୦,୮୧୬ ହିତାଧିକାରୀଙ୍କୁ ଅନ୍ତର୍ଭୁକ୍ତ କରାଯାଇଛି । ଏମାନଙ୍କୁ ମାସିକ ମୁଣ୍ଡପିଛା ୫କିଲୋ ଚାଉଳ ୧ ଟଙ୍କା ଦରରେ ଯୋଗାଯାଉଛି ।

ସରକାର ୪୮ଲକ୍ଷ ୩୮ହଜାର ୫୪୮ ଜଣଙ୍କୁ ସାମାଜିକ ସୁରକ୍ଷା ଯୋଜନାରେ ପେନସନ୍‍ ଯୋଗାଇ ଦେଉଛନ୍ତି । ୬୪୩୬ ଜଣ ଭିନ୍ନକ୍ଷମ ଛାତ୍ରଛାତ୍ରୀଙ୍କ ପାଠପଢ଼ା ନିମନ୍ତେ ୧୦୨ଟି ସ୍ୱତନ୍ତ୍ର ବିଦ୍ୟାଳୟ ପ୍ରତିଷ୍ଠା ହୋଇଛି ।

୨୦୦୨-୦୩ ବର୍ଷରେ ରାଜ୍ୟର ଋଣ-ଘରୋଇ ଅନୁପାତ ୫୦.୭ ପ୍ରତିଶତ ଥିବା ବେଳେ ୨୦୧୮-୧୯ରେ ତାହା ୧୬.୮ ପ୍ରତିଶତକୁ ହ୍ରାସ ପାଇଛି । ରାଜସ୍ୱ ପ୍ରାପ୍ତି ଓ ଦେୟ ସୁଧ ଅନୁପାତ ୨୦୦୧-୦୨ ବର୍ଷରେ ୪୦.୨ ପ୍ରତିଶତ ଥିବା ବେଳେ ୨୦୧୮-୧୯ରେ ଏହା ୫.୮ ପ୍ରତିଶତକୁ କମିଛି ।

ବିଧାୟକ ଆଞ୍ଚଳିକ ବିକାଶ ପାଣ୍ଠିରୁ ୧୯୫୭.୩୬ କୋଟି ଟଙ୍କା ବର୍ତ୍ତମାନ ସୁଦ୍ଧା ବ୍ୟୟ କରାଯାଇ ୨,୭୫,୮୩୬ଟି ପ୍ରକଳ୍ପର କାର୍ଯ୍ୟ ସମାପ୍ତ ହୋଇଛି । ୨୦୧୯-୨୦ ବର୍ଷ ବଜେଟ୍‍ରେ ଡିଜିଟାଲ ପ୍ରକ୍ରିୟା ପ୍ରୟୋଗ କରାଯାଇ ବଜେଟ୍‍ ପୁସ୍ତକ ମୁଦ୍ରଣ ହ୍ରାସ କରାଯାଇଛି । ଏଥିଯୋଗୁ ୭୦୦ ଗଛକୁ ବଞ୍ଚାଯାଇପାରିଛି । ଆଗାମୀ ବର୍ଷଗୁଡ଼ିକରେ କାଗଜ ରହିତ ବଜେଟ୍‍ ତିଆରି ପାଇଁ ଆଶା ରହିଛି ।  



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020