ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

୩୫ହଜାର ନିକଟରେ କରୋନା

ରାଜ୍ୟରେ ସଂକ୍ରମିତଙ୍କ ସଂଖ୍ୟା ୩୫ହଜାର ନିକଟରେ ପହଞ୍ଚିଛି । ୧୪୩୪ ନୂଆ ସଂକ୍ରମିତ ଚିହ୍ନଟ ପରେ ରାଜ୍ୟରେ ମୋଟ୍‍ କରୋନା ସଂକ୍ରମିତଙ୍କ ସଂଖ୍ୟା ୩୪,୯୧୩ରେ ହୋଇଛି । ତେବେ ଏମାନଙ୍କ ମଧ୍ୟରୁ ୨୧ହଜାରରୁ ଅଧିକ ସୁସ୍ଥହୋଇ ଘରକୁ ଫେରିସାରିଲେଣି ।

ସେହିଭଳି ଆଉ ୧୦ ମୁଣ୍ଡ ଗଡିବା ସହିତ କରୋନା ମୃତ୍ୟୁ ସଂଖ୍ୟା ୨୦୦ ଠାରୁ ମାତ୍ର ୩ଟି କମ୍‍ ରହିଛି । ତେବେ ରାଜ୍ୟରେ ଘଟିଥିବା କରୋନା ମୃତ୍ୟୁର ଅଧାରୁ ଅଧିକ ଅର୍ଥାତ୍‍ ୧୦୩ଟି ଗଞ୍ଜାମ ଜିଲ୍ଲାରେ ଘଟିଥିବାବେଳେ ୨୮ ମୃତ୍ୟୁ ସହିତ ଖୋରଧା ଜିଲ୍ଲା ଦ୍ୱିତୀୟ ସ୍ଥାନରେ ରହିଛି ।

ରାଜ୍ୟର ୨୯ ଜିଲ୍ଲାରେ ୧୪୩୪ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ଏମାନଙ୍କ ମଧ୍ୟରେ ଗଞ୍ଜାମରୁ ସର୍ବାଧିକ ୩୨୦, ଖୋରଧାରୁ ୨୧୮, ରାୟଗଡାରୁ ୧୯୭ ଓ କଟକରୁ ୧୨୩ଜଣ ଅଛନ୍ତି । ସେହିଭଳି ସୁନ୍ଦରଗଡ ଜିଲ୍ଲାରୁ ୭୬, ପୁରୀରୁ ୬୫, ଯାଜପୁରରୁ ୫୭, ସମ୍ବଲପୁରରୁ ୫୧ଜଣ ଚିହ୍ନଟ ହୋଇଥିବାବେଳେ ଅନ୍ୟ ଜିଲ୍ଲା ଗୁଡିକରେ ଏହି ସଂଖ୍ୟା ୫୦ ତଳକୁ ରହିଛି । ତେବେ ସବୁଠାରୁ କମ୍‍ ମାତ୍ର ଜଣେ ଆକ୍ରାନ୍ତ ମୟୁରଭଞ୍ଜ ଜିଲ୍ଲାରୁ ଚିହ୍ନଟ ହୋଇଥିବାବେଳେ କେନ୍ଦୁଝରରେ ଏହି ସଂଖ୍ୟା ୨ ରହିଛି ।

ଆଜି ସୁଦ୍ଧା ରାଜ୍ୟରେ ୪,୪୩,୩୧୬ ଟି କରୋନା ନମୂନା ପରୀକ୍ଷା ହୋଇଥିବାବେଳେ ଏଥିରୁ ୬.୪୩ ପ୍ରତିଶତ ପଜିଟିଭ ଚିହ୍ନଟ ହୋଇଥିବା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଦର୍ଶାଯାଇଛି । ତେବେ କରୋନାରେ ଆକ୍ରାନ୍ତଙ୍କ ହେଉଥିବା ମହିଳାଙ୍କ ସଂଖ୍ୟା ରାଜ୍ୟରେ ବଢିବାରେ ଲାଗିଛି । ଗତ ଦୁଇଦିନ ମଧ୍ୟରେ ଏହା ୨୩ ପ୍ରତିଶତରୁ ୨୯ ପ୍ରତିଶତକୁ ବଢିଛି ।

ସେହିଭଳି ରାଜ୍ୟରେ ମୃତ୍ୟୁବରଣ କରିଥିବା ୧୦କରୋନା ଆକ୍ରାନ୍ତଙ୍କ ମଧ୍ୟରେ ଗଞ୍ଜାମରୁ ସର୍ବାଧିକ ୪ଜଣ ଥିବାବେଳେ ଖୋରଧାରୁ ୩ ଏବଂ କଳାହାଣ୍ଡି, ଯାଜପୁର ଓ ସୁନ୍ଦରଗଡରୁ ଜଣେ କରି ରହିଛନ୍ତି । ମୃତକଙ୍କ ମଧ୍ୟରେ ୪ଜଣ ମହିଳା ଆକ୍ରାନ୍ତ ଥିବା ଜଣାଯାଇଛି ।
 



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020