.gif)
କରୋନା ମୁକାବିଲାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ୨୨୦୦ କୋଟି ଟଙ୍କାର ପ୍ୟାକେଜ ଘୋଷଣା କରିଛନ୍ତି । ଏହାଦ୍ୱାରା ରାଜ୍ୟର ଗରିବ ଲୋକଙ୍କ ଜୀବନ ଜୀବିକା ସୁରକ୍ଷିତ ହୋଇପାରିବ ।
ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ କରୋନା ଭାଇରସ ଆଜି ସାରା ବିଶ୍ୱ ପାଇଁ ଏକ ବଡ ସଙ୍କଟ ଭାବରେ ଦେଖା ଦେିଚି । ଏହି ସଙ୍କଟ ଦ୍ୱାରା ଆମର ଗରିବ ଲୋକଙ୍କ ଜୀବନ ଜୀବିକା ବିଶେଷ ଭାବରେ ପ୍ରଭାବିତ ହୋଇଛି । ସେମାନଙ୍କ କଲ୍ୟାଣ ପାଇଁ ସରକାର ୨୨୦୦ କୋଟି ଟଙ୍କାର ପ୍ୟାକେଜ ଘୋଷଣା କରୁଛନ୍ତି ।
ଏହି ପ୍ୟାକେଜରେ ଖାଦ୍ୟ ସୁରକ୍ଷା ଯୋଜନାର ସବୁ ହିତାଧିକାରୀଙ୍କୁ ରାଜ୍ୟ ସରକାର ୩ମାସର ରାସନ ଆଗୁଆ ଦେଉଛନ୍ତି । ଏହି ଯୋଜନାର ସମସ୍ତ ୯୪ଲକ୍ଷ ପରିବାରକୁ ରାଜ୍ୟ ସରାକର ୧୦୦୦ ଟଙ୍କା ଲେଖାଁଏ ସହାୟତା ଯୋଗାଇଦେବେ ଏବଂ ଏଥିପାଇଁ ୯୪୦କୋଟି ଟଙ୍କା ଖର୍ଚ୍ଚ ହେବ ।
ବିଭିନ୍ନ ସାମାଜିକ ସୁରକ୍ଷା ଯୋଜନାରେ ୪୮ଲକ୍ଷ ହିତାଧିକାରୀଙ୍କୁ ୪ମାସର ଭତ୍ତା ଆଗୁଆ ଦିଆଯାଉଛି । ଏଥିପାଇଁ ରାଜ୍ୟ ସରକାର ୯୩୨ କୋଟି ଟଙ୍କା ଖର୍ଚ୍ଚ କରିବେ ।
ସେହିଭଳି ୨୨ଲକ୍ଷ ନିର୍ମାଣ ଶ୍ରମିକମାନଙ୍କୁ ୧୫୦୦ ଟଙ୍କା ଲେଖାଁଏ ସହାୟତା ଦିଆଯିବ । ଏଥିରେ ୩୩୦କୋଟି ଟଙ୍କା ଖର୍ଚ୍ଚ ହେବ । ଏହି ଘୋଷଣାସହିତ ଲୋକେ ସରକାରଙ୍କ ନିୟମ ମାନ ଘରେ ରହିବାକୁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ପୁଣିଥରେ ଅନୁରୋଧ କରିଛନ୍ତି ।