ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ରାଜସ୍ୱ ଅବିବୃଦ୍ଧି ୯ ପ୍ରତିଶତ

ଚଳିତ ଆର୍ଥିକ ବର୍ଷ ଅକ୍ଟୋବର ଶେଷସୁଦ୍ଧା ଓଡ଼ିଶାର ରାଜସ୍ୱ ସଂଗ୍ରହରେ ୯ ପ୍ରତିଶତ ଅବିବୃଦ୍ଧି ଘଟିଛି । ଆଜି ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଚିବସ୍ତରୀୟ ବୈଠକର ଅଲୋଚନାରୁ ଏହି ସୂଚନା ମିଳିଛି ।

ବିଭିନ୍ନ ବିଭାଗର ଆର୍ଥିକ ପରି•ଳନା କାର୍ଯ୍ୟ ସମୀକ୍ଷା କରି ମୁଖ୍ୟ ଶାସନ ସଚିବ ଶ୍ରୀ ତ୍ରିପାଠୀ ବଜେଟ୍ ବିନିଯୋଗକୁ ତ୍ୱରାନ୍ୱିତ କରି ଡ଼ିସେମ୍ବର ମାସ ଶେଷସୁଦ୍ଧା ଅତିକମରେ ଆବଣ୍ଟିତ ଅର୍ଥର ୬୦% ବିନିଯୋଗ କରିବାକୁ ନିର୍ଦ୍ଦେଶ ଦେଇଛନ୍ତି ।

ମୁଖ୍ୟ ଶାସନ ସଚିବ ଶ୍ରୀ ତ୍ରିପାଠୀ କହିଥିଲେ ଯେ ବର୍ତମାନ ବିଭିନ୍ନ ଆନ୍ତର୍ଜାତିକ ସଂସ୍ଥାମାନେ ଓଡ଼ିଶାକୁ ଏକ ପ୍ରଗତିଶୀଳ ଓ କର୍ମଚଞ୍ଚଳ ରାଜ୍ୟଭାବେ ପ୍ରଶଂସା କରୁଥିବାରୁ ଏହାକୁ ଏକ ଉତମ ମାନର ଅନୁଶାସିତ ରାଜ୍ୟରେ ପରିଣତ କରିବା ପାଇଁ ସରକାରୀ ବିଭାଗମାନେ ଆଗଭର ହୁଅନ୍ତୁ । ତ୍ୱରିତ ଓ ସଠିକ୍ ସେବା ଯୋଗାଣ ମାଧ୍ୟମରେ ଏହା ସମ୍ଭବ ହେବ ।

ଅଧିକରୁ ଅଧିକ ସରକାରଙ୍କଠାରୁ ନାଗରିକ ଓ ବ୍ୟବସାୟ ସଂସ୍ଥା ମାନଙ୍କୁ ଯୋଗାଯାଉଥିବା ସେବାକୁ ଅନଲାଇନ୍ କରିବା ପାଇଁ ଶ୍ରୀ ତ୍ରିପାଠୀ ବିଭାଗମାନଙ୍କୁ ନିର୍ଦ୍ଦେଶ ଦେଇଥିଲେ । ଓରସାକ୍ ଦ୍ୱାରା ପ୍ରସ୍ତୁତ କରାଯାଇଥିବା ଓଡ଼ିଶା-୪ କେ-ଜିଓ ପୋର୍ଟାଲରେ ସମସ୍ତ ସାଧାରଣ ସଂପତି ବିବରଣୀ ଅପଲୋଡ କରିବା ପାଇଁ ଉନ୍ନୟନ କମିଶନର ସୁରେନ୍ଦ୍ର ଚନ୍ଦ୍ର ମହାପାତ୍ର ପରାମର୍ଶ ଦେଇଥିଲେ ।

ଏହା ଫଳରେ ସେଗୁଡିକର ଅଗ୍ରଗତି ଅନୁଧ୍ୟାନ ଏବଂ ରକ୍ଷଣାବେକ୍ଷଣ ସଠିକ୍ ସମୟରେ କରାଯାଇ ପାରିବ ବୋଲି ଶ୍ରୀ ମହାପାତ୍ର କହିଥିଲେ । ଏହି ବୈଠକରେ ଅର୍ଥ ବିଭାଗ ପ୍ରମୁଖ ଶାସନ ସଚିବ ଅଶୋକ କୁମାର ମୀନା ଅକ୍ଟୋବର ମାସ ଶେଷସୁଦ୍ଧା ରାଜସ୍ୱ ସଂଗ୍ରହ ଓ ବଜେଟ୍ ବିନିଯୋଗ ସମ୍ବନ୍ଧିତ ବିଷୟବସ୍ତୁ ଆଲୋଚନା ପାଇଁ ଉପସ୍ଥାପନ କରିଥିଲେ ।

ଶ୍ରୀ ମୀନା ଜଣାଇଥିଲେ ଯେ ବିଭାଗମାନଙ୍କ ଦ୍ୱାରା ବିଭିନ୍ନ ବ୍ୟାଙ୍କ୍ ରେ ଫଣ୍ଡିଂ- ପାର୍କିଂ ସମସ୍ୟା କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି ହୋଇଛି । ବର୍ତମାନ ବିଭାଗ ମାନଙ୍କର ପ୍ରକୃତ ଖର୍ଚ୍ଚ ସାଧାରଣ ଟ୍ରେଜେରୀ ପୋର୍ଟାଲ୍ ରେ ପ୍ରତିଫଳିତ ହେଉଛି ଯାହାକି ନଗଦ କାରବାର ସ୍ଥିତିର ପରି•ଳନାରେ ବିଶେଷ ସହାୟକ ହେବ ।

ସୂଚନା ଅନୁଯାୟୀ ଚଳିତ ଆର୍ଥିକ ବର୍ଷ ଅକ୍ଟୋବର ଶେଷସୁଦ୍ଧା ପ୍ରାୟ ୭୩୯୯ କୋଟି ଟଙ୍କା ଅଣ-ଟିକସ ରାଜସ୍ୱ ବାବଦରେ ସଂଗ୍ରହ ହୋଇ ଏ କ୍ଷେତ୍ରରେ ୧୨.୨୪ % ଅବିବୃଦ୍ଧି ଘଟିଛି । ଖଣି ରାଜସ୍ୱ ଆଦାୟରେ ପ୍ରାୟ ୧୧ % ଏବଂ ଜଳଟିକସ ବାବଦରେ ପ୍ରାୟ ୪୬ % ଅବିବୃଦ୍ଧି ଘଟିଛି । ସେହିପରି ନିଜସ୍ୱ -ଟିକସ୍ କ୍ଷେତ୍ରରେ ମଧ୍ୟ ୭.୫୬ % ବୃଦ୍ଧି ଘଟିଛି ।

ଗତ ଆର୍ଥିକ ବର୍ଷ ଅକ୍ଟୋବର ଶେଷସୁଦ୍ଧା ନିଜସ୍ୱ-ଟିକସ୍ ବାବଦରେ ୨୨,୮୭୧ କୋଟି ଟଙ୍କା ଆଦାୟ ହୋଇଥିବା ବେଳେ ଚଳିତ ବର୍ଷ ସେପ୍ଟେମ୍ବର ସୁଦ୍ଧା ୨୪୯୦୯ କୋଟି ଟଙ୍କା ଆଦାୟ ହୋଇଛି । ସମତାଳରେ ବଜେଟ୍ ବିନିଯୋଗରେ ମଧ୍ୟ ପ୍ରାୟ ୧୬% ଅବିବୃଦ୍ଧି ଘଟିଛି । ଗତ ଆର୍ଥିକ ବର୍ଷ ଅକ୍ଟୋବର ମାସ ଶେଷସୁଦ୍ଧା ବିଭିନ୍ନ ବିଭାଗମାନେ ୫୨,୫୨୫ କୋଟି ଟଙ୍କା ବିନିଯୋଗ କରିଥିବା ବେଳେ ଚଳିତ ବର୍ଷ ଏହି ବିନିଯୋଗ ୬୦,୪୪୮ କୋଟି ଟଙ୍କା ଅତିକ୍ରମ କରିଛି ।

ବୈଠ ବିଭିନ୍ନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ, ପ୍ରମୁଖ ଶାସନ ସଚିବ, ଶାସନ ସଚିବ ଏବଂ ସ୍ୱତନ୍ତ୍ର ଶାସନ ସଚିବମାନେ ବୈଠକ ଆଲୋଚନାରେ ଅଂଶଗ୍ରହଣ କରିଥିଲେ । 



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020