୩୦ ଜିଲ୍ଲାରୁ ୪୧୮୯ ନୂଆ କରୋନା ସଂକ୍ରମିତ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧୮୮୩୧୧କୁ ବୃଦ୍ଧି  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୭୧୨ ସଂକ୍ରମିତ ଚିହ୍ନଟ  କଟକରେ ୫୮୬, ପୁରୀରେ ୨୬୫, ସୁନ୍ଦରଗଡ଼ରେ ୨୦୧, ଯାଜପୁରରେ ୧୮୭, ମୟୂରଭଞ୍ଜରେ ୧୭୪ ଜଣ ଚିହ୍ନଟ  ରାଜ୍ୟରେ ଆଜି ସୁଦ୍ଧା ୨୮୬୦୪୧୦ କୋଭିଡ ନମୁନା ପରୀକ୍ଷା   କରୋନାରେ ଆଜି ୧୧ ଜଣଙ୍କ ମୃତ୍ୟୁ  ରାଜ୍ୟରେ ମୋଟ୍‍ କରୋନା ମୃତ୍ୟୁସଂଖ୍ୟା ୭୨୧କୁ ବୃଦ୍ଧି  

ଗ୍ରୀଡ୍‍କୋର ବାକି ୮୯୫୯ କୋଟି


ଗ୍ରୀଡ୍‍କୋଠାରୁ ବିଦ୍ୟୁତ୍‍ ଖରିଦ କରି ଉପଭୋକ୍ତାଙ୍କୁ ଦେଉଥିବା ରାଜ୍ୟର ୪ଟି ବିଦ୍ୟୁତ୍‍ ବିତରଣ କମ୍ପାନୀ ଉପରେ ଏବେ ଗ୍ରୀଡ୍‍କୋର ୮୯୫୯ କୋଟି ଟଙ୍କା ବାକି ଗଡ଼ୁଛି । ଏଥିମଧ୍ୟରୁ ୩୬୯୮ କୋଟି ୮୦ ଲକ୍ଷ ଟଙ୍କା କେବଳ ବିଳମ୍ବ ବିଲ୍‍ ପୈଠ ଜନିତ ଜରିମାନା ଅର୍ଥ ।

ବିଜେଡି ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଏକ ପ୍ରଶ୍ନର ଉତ୍ତରରେ ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ର ଆଜି ବିଧାନସଭାରେ ଏହି ସୂଚନା ଦେଇଛନ୍ତି । ମନ୍ତ୍ରୀ ଦର୍ଶାଇଛନ୍ତି ଯେ ଗ୍ରୀଡ୍‍କୋ ଓ ବିତରଣ କମ୍ପାନୀମାନଙ୍କଠାରୁ ମିଳିଥିବା ସୂଚନାନୁଯାୟୀ ସେପ୍ଟେମ୍ବର ଶେଷ ସୁଦ୍ଧା ୱେସ୍କୋ, ନେସ୍କୋ, ସାଉଥ୍‍କୋ ଓ ସେସୁଠାରୁ ଗ୍ରୀଡ୍‍କୋର ୮୯୫୯ କୋଟି ୬୩ ଲକ୍ଷ ପାଇବାର ଅଛି । ଏଥିମଧ୍ୟରେ ବିତରଣ କମ୍ପାନୀମାନଙ୍କର ଗ୍ରୀଡ୍‍କୋଠାରୁ କିଣିଥିବା ବିଜୁଳି ଓ ଅନ୍ୟାନ୍ୟ ଋଣ ବାବଦକୁ ଦେୟ ଦେବାର ଅଛି ।

ବାକି ଗଡ଼ାଉଥିବା ୪ଟି ବିତରଣ କମ୍ପାନୀ ମଧ୍ୟରୁ ସର୍ବାଧିକ ଅର୍ଥ ରହିଛି ସେସୁର । ସେସୁ ଗ୍ରୀଡ୍‍କୋକୁ ସର୍ବାଧିକ ୨୮୮୬ କୋଟି ୯୧ ଲକ୍ଷ ଟଙ୍କା ଦେବାକୁ ଥିବା ବେଳେ ୱେସ୍କୋର ୨୫୦୩ କୋଟି ୨୫ ଲକ୍ଷ, ନେସ୍କୋର ୧୮୬୨ କୋଟି ୭୮ ଲକ୍ଷ ଓ ସାଉଥ୍‍କୋର ୧୭୦୬ କୋଟି ୬୯ ଲକ୍ଷ ଟଙ୍କା ବାକି ପଡ଼ିଛି । ତେବେ ବିଳମ୍ବଜନିତ ଦେୟ ବାବଦକୁ ଜରିମାନା ଆକାରରେ ୱେସ୍କୋ ଉପରେ ସର୍ବାଧିକ ୧୩୮୯ କୋଟି ଟଙ୍କା ଗଡ଼ୁଛି ।

ମନ୍ତ୍ରୀଙ୍କ ସୂଚନାନୁଯାୟୀ ବିତରଣ କମ୍ପାନୀମାନେ ଗ୍ରୀଡ୍‍କୋଠାରୁ ଭିନ୍ନ ଭିନ୍ନ ଦରରେ ବିଦ୍ୟୁତ କିଣୁଛନ୍ତି । ୱେସ୍କୋ କର୍ତ୍ତୃପକ୍ଷ ୟୁନିଟ୍‍ ପିଛା ସର୍ବାଧିକ ୩ଟଙ୍କା ୪ ପଇସା ଦରରେ ବିଜୁଳି ଖରିଦ କରୁଥିବା ବେଳେ ନେସ୍କୋ ୨ ଟଙ୍କା ୯୮ ପଇସା, ସେସୁ ୨ ଟଙ୍କା ୬୧ ପଇସା ଓ ସାଉଥ୍‍କୋ ୧ ଟଙ୍କା ୮୬ ପଇସାରେ ବିଦ୍ୟୁତ୍‍ କିଣୁଛନ୍ତି । ଏହି ୪ଟି କମ୍ପାନୀ ହାରାହାରି ଭାବେ ୟୁନିଟ୍‍ ପିଛା ୨୭୦.୪୭ ପଇସାରେ ବିଜୁଳି କିଣିଥିବା ମନ୍ତ୍ରୀ ଉଲ୍ଲେଖ କରିଛନ୍ତି ।  



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020