ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ମାତୃମୃତ୍ୟୁ ୧୬୮କୁ ହ୍ରାସ


ରାଜ୍ୟରେ ମାତୃମୃତ୍ୟୁ ସଂଖ୍ୟା ୧୬୮କୁ ହ୍ରାସ ପାଇଛି । ୨୦୧୧-୧୩ ରେ ଏହା ପ୍ରତି ଏକ ଲକ୍ଷରେ ୨୩୫ ଥିବାବେଳେ ସର୍ବଶେଷ ନମୂନା ପଞ୍ଜିକରଣ ବ୍ୟବସ୍ଥା (ଏସ୍‍ଆରଏସ୍‍) ଅନୁଯାୟୀ ଏହା ୧୬୮କୁ କମି ଆସିଥିବା ଜଣାଯାଇଛି । ୨୦୧୫-୧୭ ବର୍ଷର ତଥ୍ୟ ଆଧାରରେ ଏସ୍‍ଆରଏସ୍‍ ପ୍ରସ୍ତୁତ ହୋଇଥିବାବେଳେ ସ୍ୱାସ୍ଥ୍ୟ ମିଶନକୁ ଏ କ୍ଷେତ୍ରରେ ବଡ ସଫଳତା ମିଳିଛି ।

ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର କମିଶନର ତଥା ଶାନନ ସଚିବ ଡାକ୍ତର ପ୍ରମୋଦ କୁମାର ମେହେର୍ଦ୍ଦା ଓ ସ୍ୱାସ୍ଥ୍ୟ ମିଶନ ନିର୍ଦ୍ଦେଶିକା ଶାଳିନୀ ପଣ୍ଡିତ ମିଶନର ଯୋଜନା ଗୁଡିକୁ ସଫଳତାର ସହ କାର୍ଯ୍ୟକାରୀ କରିଥିବାରୁ ରାଜ୍ୟକୁ ଏଭଳି ସଫଳତା ମିଳିଛି ।

ଏସ୍‍ଆରଏସ୍‍ ଡାଟା ଅନୁଯାୟୀ ୨୦୧୪-୧୬ ରୁ ୨୦୧୫-୧୭ ମଧ୍ୟରେ ମାତୃ ମୃତ୍ୟୁହାର ୧୨ ପ୍ରତିଶତ ହ୍ରାସ ପାଇଛି ଯାହାକି ସମଗ୍ର ଦେଶରେ ଦ୍ୱିତୀୟ । ରାଜସ୍ଥାନ ୧୩ ପ୍ରତିଶତ ହ୍ରାସ ସହିତ ପ୍ରଥମ ସ୍ଥାନରେ ରହିଛି ।

ରାଜ୍ୟ ସରକାର ମାତୃ ମୃତ୍ୟୁହାର ହ୍ରାସ ଉପରେ ଅଧିକ ଗୁରୁତ୍ୱ ଦେବା ସହିତ ଠିକଣା ଭାବେ ‘ସମ୍ପୂର୍ଣ୍ଣ’ ଯୋଜନା କାର୍ଯ୍ୟକାରୀ କରିଥିବାରୁ ଏଭଳି ସଫଳତା ମିଳିଛି । ସମ୍ପୂର୍ଣ୍ଣ କାର୍ଯ୍ୟକ୍ରମ ପାଇଁ ସରକାର ବଜେଟ୍‍ରେ ୩୦୦ କୋଟି ଟଙ୍କାର ବ୍ୟବସ୍ଥା କରିଛନ୍ତି ।

ମାତୃ ମୃତ୍ୟୁ ହାର ହ୍ରାସ କ୍ଷେତ୍ରରେ ପ୍ରସୂତୀ ଗୃହ ପ୍ରମୁଖ ଭୂମିକା ଗ୍ରହଣ କରିଛି । ରାଜ୍ୟ ସରକାର ଆନୁଷ୍ଠାନିକ ପ୍ରସବକୁ ପ୍ରୋତ୍ସାହିତ କରିବାପାଇଁ ପ୍ରସୂତୀ ଗୃହ ସ୍ଥାପନ ସହିତ ଅପହଞ୍ଚ ଇଲାକାରୁ ଏଠାକୁ ଆସୁଥିବା ପ୍ରସୂତୀମାନଙ୍କୁ ପ୍ରୋତ୍ସାହନ ବାବଦରେ ୧୦୦୦ ଟଙ୍କାକରି ପ୍ରଦାନ କରୁଛନ୍ତି । ପ୍ରସବ ପରେ ଘରକୁ ଯିବାପାଇଁ ମଧ୍ୟ ୫୦୦ ଟଙ୍କା ଦିଆଯାଉଛି ।

ଆନୁଷ୍ଠାନିକ ପ୍ରସବ କ୍ଷେତ୍ରରେ ଅପରେସନ ଠାରୁ ଆରମ୍ଭ କରି ଅନ୍ୟାନ୍ୟ ଚିକିତ୍ସା ସେବା ସମ୍ପୂର୍ଣ୍ଣ ମାଗଣାରେ ଯୋଗାଇ ଦିଆଯାଉଛି । ଏପିରିକ ପ୍ରସୂତୀଙ୍କୁ ଆବଶ୍ୟକ ରକ୍ତ ବି ମାଗଣାରେ ମିଳୁଛି । ପ୍ରସବ ଗୃହ ଠାରୁ ଆରମ୍ଭକରି ଅପରେସନ ଗୃହ ପର୍ଯ୍ୟନ୍ତ ସବୁର ଗୁଣାତ୍ମକ ଉପରେ ଧ୍ୟାନ ଦିଆଯିବାରୁ ଏଭଳି ସଫଳତା ମିଳିପାରିଛି ।

ଏହାଛଡା ପ୍ରସୂତୀଙ୍କୁ ମାଗଣା ପରିବହନ ପାଇଁ କାର୍ଯ୍ୟକାରୀ ହେଉଥିବା ୧୦୨ ଜନନୀ ଏକ୍ସପ୍ରେସ, ଜନନୀ ସୁରକ୍ଷା ଓ ଜନନୀ ଶିଶୁ ସୁରକ୍ଷା କାର୍ଯ୍ୟକ୍ରମ ସହିତ ମମତା ଯୋଜନାରେ ପ୍ରସୂତୀମାନଙ୍କ ଆକାଉଣ୍ଟକୁ ସିଧାସଳଖ ସହାୟତା ରାଶି ପ୍ରଦାନ କରାଯାଉଛି । ଏଥି ସହିତ ଜିଲ୍ଲା ମୁଖ୍ୟ ଚିକିତ୍ସାଳୟ ଗୁଡିକରେ ଜଟିଳ ସ୍ଥିତିରେ ଆସୁଥିବା ପ୍ରସୂତୀମାନଙ୍କ ପାଇଁ ‘ହାଇ ଡିପେଡେନ୍ସି ୟୁନିଟ୍‍’ ସ୍ଥାପନ କରାଯାଇଛି ।  



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020