ରାଜ୍ୟର ୩୦ ଜିଲ୍ଲାରୁ ୪୧୮୦ ନୂଆ କରୋନା ରୋଗୀ ଚିହ୍ନଟ  ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୭୧,୩୪୧  ନୂଆ ଚିହ୍ନଟଙ୍କ ମଧ୍ୟରେ କ୍ୱାରେଣ୍ଟାଇନରୁ ୨୪୬୬, ଲୋକାଲ କେସ ୧୭୧୪  ଖୋର୍ଦ୍ଧା ଜିଲ୍ଲାରେ ସର୍ବାଧିକ ୬୮୮ ନୂଆ ରୋଗୀ ଚିହ୍ନଟ  କଟକରୁ ୪୯୨, ଯାଜପୁରରୁ ୧୮୪, ସୁନ୍ଦରଗଡ଼ ଓ ପୁରୀରୁ ୧୬୬କରି, ମୟୂରଭଞ୍ଜ ୧୬୩, ରାୟଗଡ଼ାରୁ ୧୬୦, ଅନୁଗୁଳରୁ ୧୫୫, ବାଲେଶ୍ୱରରୁ ୧୩୩, ଜଗତସିଂହପୁରୁ ୧୨୩, କେନ୍ଦ୍ରାପଡ଼ାରୁ ୧୨୧, ବରଗଡ଼ରୁ ୧୦୦  

ଅନ୍‍ଲାଇନରେ ଆରଟିଓ ସେବା


ଆରଟିଓ ଅଫିସରେ ଲୋକେ ଯେଭଳି ଧାଡି ଲଗାଇବେ ନାହିଁ ତାହା ଉପରେ ମୁଖ୍ୟ ଶାସନ ସଚିବ 
ଅସୀତ ତ୍ରିପାଠୀ ଗୁରୁତ୍ୱ ଦେଇଛନ୍ତି । ଏଥିପାଇଁ ଆସନ୍ତା ମାସ ସୁଦ୍ଧା ଡ୍ରାଇଭିଂ ଲାଇସେନ୍ସ, ଗାଡି ପଞ୍ଜିକରଣ ପ୍ରମାଣପତ୍ର, ଗାଡିର ମାଲିକାନା ପରିବର୍ତ୍ତନ ଏବଂ ରାଜସ୍ୱ ଆଦାୟ ଆଦି ସେବାକୁ ଅନ୍‍ଲାଇନ୍‍ ମୋଡ୍‍ରେ ସାଧାରଣ ସେବା କେନ୍ଦ୍ର (ସିଏସ୍‍ସି) ମାନଙ୍କ ସହ ଯୋଡିବାପାଇଁ ମୁଖ୍ୟ ସଚିବ ନିର୍ଦ୍ଦେଶ ଦେଇଛନ୍ତି ।

୫-ଟି କାର୍ଯ୍ୟାନ୍ୱୟନ ସମୀକ୍ଷା ବୈଠକରେ ପରିବହନ ବିଭାଗର ସମୀକ୍ଷା ଅବସରରେ ମୁଖ୍ୟ ସଚିବ ଶ୍ରୀ ତ୍ରିପାଠୀ ଏଭଳି ନିର୍ଦ୍ଦେଶ ଦେଇଛନ୍ତି । ବୈଠକରେ ବାଣିଜ୍ୟ ଓ ପରିବହନ ସଚିବ ଜି.ଶ୍ରୀନିବାସ କହିଛନ୍ତି ଯେ ଏହି ବ୍ୟବସ୍ଥା ମାଧ୍ୟମରେ ରାଜ୍ୟର କୌଣସି ସ୍ଥାନରୁ ଜଣେ ଯୋଗ୍ୟ ଆବେଦକାରୀ ନିଜ ଇଚ୍ଛାନୁଯାୟୀ ଯେକୌଣସି ଆରଟିଓ ଅଫିସରେ ଲାଇସେନ୍ସ ପାଇଁ ଆବେଦନ କରିପାରିବେ ।

ପ୍ରାଥମିକ ଭାବେ ଲର୍ନର ଲାଇସେନ୍ସ ଓ ପରବର୍ତ୍ତୀ ଅବସ୍ଥାରେ ଡ୍ରାଇଭିଂ ଲାଇସେନ୍ସ ଆଦି ପାଇଁ ଦେୟ ମଧ୍ୟ ଅନଲାଇନ୍‍ରେ ପଇଠ କରିପାରିବେ । ଏହା ଫଳରେ ଆରଟିଓ ଅଫିସରେ ଆଉ ଧାଡିରେ ଛିଡା ହେବାକୁ ପଡିବାନାହିଁ । ଏହାଦ୍ୱାରା ରାଜ୍ୟର ପ୍ରାୟ ୧୨ଲକ୍ଷ ନାଗରିକ ଉପକୃତ ହୋଇପାରିବେ ।

ନୂଆ ଗାଡିର ପଞ୍ଜିକରଣ, ଋଣ-ବନ୍ଧକ ଏବଂ ବନ୍ଧକମୁକ୍ତ ସ୍ୱୀକୃତି, ଠିକଣା ପରିବର୍ତ୍ତନ, ଫିଟ୍‍ନେସ୍‍ ପ୍ରମାଣପତ୍ର ଏବଂ ପଞ୍ଜିକରଣ ନବୀକରଣ ଆଦି ବ୍ୟବସ୍ଥାକୁ ଅନ୍‍ଲାଇନ୍‍ ମୋଡ୍‍ରେ ସିଏସ୍‍ସିମାନଙ୍କ ସହ ଯୋଡାଯିବ । ଏଥିରେ ଅନ୍‍ଲାଇନ୍‍ ଦସ୍ତାବିଜ୍‍ ଦାଖଲ ବ୍ୟବସ୍ଥା ମଧ୍ୟ ରହିବ ।

ସମୀକ୍ଷାରୁ ଜଣାପଡିଛି ଯେ ସମସ୍ତ ପରିବହନ ସେବା ଦେୟକୁ ଅନ୍‍ଲାଇନ୍‍ ବ୍ୟବସ୍ଥାରେ ଦିଆଯାଇପାରିବ । ବର୍ତ୍ତମାନ ସଂଗୃହୀତ ହୋଇଥିବା ରାଜସ୍ୱର ପ୍ରାୟ ୬୫ ଭାଗ ଅନ୍‍ଲାଇନ୍‍ରେ ଆଦାୟ ହେଉଥିବା ବିଭାଗୀୟ ସଚିବ କହିଛନ୍ତି । ୨୦୨୦ ସୁଦ୍ଧା ଅନ୍‍ଲାଇନ୍‍ ରାଜସ୍ୱ ଆଦାୟ ସଂଗ୍ରହ ୯୦ ପ୍ରତିଶତକୁ ବଢାଇବା ପାଇଁ ମୁଖ୍ୟ ଶାସନ ସଚିବ ଶ୍ରୀ ତ୍ରିପାଠୀ ନିର୍ଦ୍ଦେଶ ଦେଇଛନ୍ତି ।

ବଜାର ମାନ୍ଦାବସ୍ଥା ସତ୍ୱେ ଚଳିତ ଆର୍ଥିକ ବର୍ଷ ଅକ୍ଟୋବର ଶେଷସୁଦ୍ଧା ପରିବହନ ବିଭାଗ ୧୦୦୪ କୋଟି ଟଙ୍କାର ରାଜସ୍ୱ ସଂଗ୍ରହ କରିଛି । ଗତବର୍ଷ ଏହି ସମୟ ସୁଦ୍ଧା ୧୦୦୧ କୋଟି ଟଙ୍କାର ରାଜସ୍ୱ ମିଳିଥିଲା । ଚଳିତବର୍ଷ ମିଳିଥିବା ରାଜସ୍ୱ ମଧ୍ୟରୁ ଶତକଡା ୮୦ ଭାଗ ନୂତନ ଗାଡି ପଞ୍ଜିକରଣ ଏବଂ ସଡକ ଟିକସ ବାବଦରେ ଆଦାୟ ହୋଇଥିବା ବିଭାଗୀୟ ସ୍ୱତନ୍ତ୍ର ସଚିବ ମନୋଜ ମିଶ୍ର ଅବଗତ କରିଥିଲେ ।

ବୈଠକରେ ଅନ୍ୟମାନଙ୍କ ମଧ୍ୟରେ ପରିବହନ କମିଶନର ସଞ୍ଜୀବ ପଣ୍ଡା, ମୁଖ୍ୟ ସଚିବଙ୍କ ଓଏସ୍‍ଡି ଦିଲ୍ଲୀପ ରାଉତରାୟଙ୍କ ସମେତ ବିଭାଗୀୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । 



Mayfair Lagoon
SOA


AMRI Hospital Bhubaneswar
M/s S N MOHANTY -->

ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020