ତଥ୍ୟ ଡଟ୍‍ ଇନ୍‍ ସୂଚନା ଦୁନିଆରେ ଏକ ଅଗ୍ରଣୀ ସଂସ୍ଥା । ଓଡିଶା ସମ୍ପର୍କରେ ଏହା ତଥ୍ୟ ଭିତିକ ନିଚ୍ଛକ ଓ ନିରପେକ୍ଷ ଖବର ପ୍ରସାରଣ କରିଆସୁଛି ।

ତଥ୍ୟ ଏକ ଦ୍ୱିଭାଷି ଆଞ୍ଚଳିକ ସମ୍ବାଦ ସରବରାହ ସଂସ୍ଥା । ଓଡିଶାର ରାଜଧାନୀ ଭୁବନେଶ୍ୱରରେ ଏହାର ମୁଖ୍ୟ କାର୍ଯ୍ୟାଳୟ । ତେବେ ଦେଶର ପୂର୍ବାଞ୍ଚଳର ଅନ୍ୟତମ ରାଜ୍ୟ ଓଡିଶା ସମ୍ପର୍କରେ ବିଶ୍ୱର ଓଡିଆପ୍ରେମୀଙ୍କୁ ସଠିକ୍‍ ତଥ୍ୟ ଏହା ନିୟମିତ ଯୋଗାଇଥାଏ । ରାଜ୍ୟର କୋଣ ଅନୁକୋଣରେ ତଥ୍ୟର ସୂଚନାଦାତାମାନେ ରହିଛନ୍ତି ।

ଭାରତର ରାଜଧାନୀ ନୂଆଦିଲ୍ଲୀ ସମେତ ଦେଶର ଅନ୍ୟ ପ୍ରମୁଖ ସହରମାନଙ୍କରେ ବି ଏହାର ସମ୍ବାଦଦାତା ଅଛନ୍ତି । ରାଜ୍ୟର ବିଭିନ୍ନ ଉନ୍ନୟନମୂଳକ କାର୍ଯ୍ୟ ସଂକ୍ରାନ୍ତରେ ତଥ୍ୟ ସଠିକ୍‍ ସମାଚାର ସହିତ ଫଟୋ ସେବା ମଧ୍ୟ ଯୋଗାଇଥାଏ । କୌଣସି ସମାଚାର ଉପରେ ତଥ୍ୟ ନିଜର ମତକୁ ଲଦି ଦିଏନାହିଁ । କେବଳ ସତ ଉପରେ ଆଧାରିତ ସୂଚନା ଅନୁସନ୍ଧିତ୍ସୁମାନଙ୍କୁ ନିଖୁଣ ଭାବେ ଜଣାଇବା ହେଉଛି ତଥ୍ୟର କାମ ।

ତଥ୍ୟ ମିଡିଆ ପ୍ରାଇଭେଟ ଲିମିଟେଡରେ ଗଣମାଧ୍ୟମ ସହ ଦୀର୍ଘ ଅଭିଜ୍ଞତା ଥିବା ବହୁ ସକ୍ରିୟ ସାଥି ଯୋଡି ହୋଇଛନ୍ତି । ତେଣୁ ଦେଶର ପୂର୍ବାଞ୍ଚଳ ବିଶେଷକରି ଓଡିଶାରେ ସମ୍ବାଦ ଓ ସୂଚନା ପହଞ୍ଚାଇବା କ୍ଷେତ୍ରରେ ତଥ୍ୟ ସମ୍ବାଦ ସରବରାହ ସଂସ୍ଥା ଦୀର୍ଘବର୍ଷ ଧରି ଅଗ୍ରଣୀ ଭୂମିକା ନିଭାଇ ଆସୁଛି । ସମାଚାର ସହିତ ତଥ୍ୟ ବି ବିଷୟ ଭିତିକ ଫିଚର ସର୍ଭିସ୍‍ ସାମ୍ପ୍ରତିକ ଘଟଣାବଳୀ, ପରିବେଶ, ବିକାଶ ଆଦି ବିଭିନ୍ନ ପ୍ରସଙ୍ଗରେ ରଖିଥାଏ ।

ତଥ୍ୟ ଭଳି ଅଗ୍ରଣୀ ସମ୍ବାଦ ସରବରାହ ସଂସ୍ଥାର ସେବା ଆଗଧାଡିର ବହୁ ସମ୍ବାଦପତ୍ର, ସାପ୍ତାହିକୀ, ପାକ୍ଷିକ ଓ ମାସିକ ପତ୍ରିକା ଗ୍ରହଣ କରିଥାନ୍ତି । ଏହାର ସତ୍ୟ, ନିରପେକ୍ଷ ସମାଚାରକୁ ଅଗ୍ରଣୀ ଖବରକାଗଜମାନେ ଗୁରୁତ୍ୱର ସହ ପ୍ରକାଶ କରନ୍ତି ।

www.tathya.in ହେଉଛି ତଥ୍ୟ ମିଡିଆ ପ୍ରାଇଭେଟ ଲିମିଟେଡର ୱେବସାଇଟ୍‍ । ନିଚ୍ଛକ ସତ ଉପରେ ଆଧାରିତ ବିଶ୍ୱସନୀୟ ଓ ସମୟପଯୋଗୀ ସମାଚାର ପରିବେଷଣ କ୍ଷେତ୍ରରେ ତଥ୍ୟର ସୁନାମ ଥିବାରୁ ବର୍ଷକୁ ବର୍ଷ ଏହାର ପାଠକୀୟ ଆଦୃତି ବଢିବାରେ ଲାଗିଛି ।