ଉଚ୍ଚଶିକ୍ଷା କ୍ଷେତ୍ରରେ ମହିଳା ପଛରେ

ଉଚ୍ଚଶିକ୍ଷା କ୍ଷେତ୍ରରେ ଏବେ ବି ଓଡିଶାର ମହିଳାମାନେ ବହୁ ପଛରେ ରହିଛନ୍ତି । ବିଶେଷକରି ଆଦିବାସୀ ଅଧ୍ୟୁଷିତ ଅଞ୍ଚଳରେ ସଂଖ୍ୟାଧିକ ମହିଳା କଲେଜ ମାଟି ମାଡିନାହାନ୍ତି । ଜାତୀୟ ପରିବାର ସ୍ୱାସ୍ଥ୍ୟ ସର୍ଭେର ସର୍ବଶେଷ ରିପୋର୍ଟରେ ଏହି ଉଦ୍‍ବେଗଜନକ ତଥ୍ୟ ଜଣାପଡିଛି ।

ଏହି ରିପୋର୍ଟରେ ପ୍ରକାଶିତ ବିବରଣୀ ଅନୁଯାୟୀ ଓଡିଶାର ମାତ୍ର ୨୬.୭ ପ୍ରତିଶତ ମହିଳା ୧୦ବର୍ଷ କିମ୍ବା ତଦୁର୍ଦ୍ଧ ସମୟ ସ୍କୁଲରେ ପାଠପଢିଛନ୍ତି । ଅର୍ଥାତ୍‍ ୭୩ ପ୍ରତିଶତରୁ ଅଧିକ ମହିଳା ଆମ ରାଜ୍ୟରେ ଦଶମଶ୍ରେଣୀ ଟପି ନାହାନ୍ତି । ଅନ୍ୟ ପକ୍ଷରେ ଏହି ରିପୋର୍ଟର ତଥ୍ୟ ଅନୁଯାୟୀ ସର୍ବଭାରତୀୟ ସ୍ତରରେ ୩୫.୭ ପ୍ରତିଶତ ମହିଳା ଦଶବର୍ଷ କିମ୍ବା ତଦୁଦ୍ଧ୍ୱର୍ ସମୟ ବିଦ୍ୟାଳୟରେ କାଟିଥିବାବେଳେ ୬୪.୩ ପ୍ରତିଶତ ଏଥିରୁ ବଞ୍ôଚତ ହୋଇଛନ୍ତି । ଆମ ରାଜ୍ୟର ନବରଙ୍ଗପୁର ଜିଲ୍ଲାରେ ଏହି ହାର ୮୯.୩ ପ୍ରତିଶତ ରହିଥିବାବେଳେ ନୂଆପଡାରେ ଏହା ୮୦.୧ ପ୍ରତିଶତ ରହିଛି । ମାଲକାନଗିରି, ରାୟଗଡା, କୋରାପୁଟ, ଗଜପତି, କନ୍ଧମାଳ, ବୌଦ ଓ କଳାହାଣ୍ଡି ଜିଲ୍ଲାରେ ୮୦ ପ୍ରତିଶତରୁ ଅଧିକ ମହିଳା ଦଶବର୍ଷ କିମ୍ବା ତଦୁର୍ଦ୍ଧ ସମୟପାଇଁ ସ୍କୁଲରେ ପଢିପାରିନାହାନ୍ତି ।

ବଲାଙ୍ଗିର, ନୟାଗଡ, ଗଞ୍ଜାମ, ମୟୁରଭଞ୍ଜ, ବରଗଡ, ଦେବଗଡ, ସମ୍ବଲପୁର, ସୁବର୍ଣ୍ଣପୁର, ଅନୁଗୁଳ ଓ କେନ୍ଦୁଝର ଜିଲ୍ଲାରେ ୨୧ରୁ ୨୮ ପ୍ରତିଶତ ପର୍ଯ୍ୟନ୍ତ ମହିଳା ବିଦ୍ୟାଳୟରେ ୧୦ବର୍ଷ କିମ୍ବା ତଦୁର୍ଦ୍ଧ ସମୟ ପଢିଛନ୍ତି । ଅର୍ଥାତ୍‍ ଏହି ଜିଲ୍ଲା ଗୁଡିକରେ ୭୦ ପ୍ରତିଶତରୁ ଅଧିକ ମହିଳାଙ୍କର କଲେଜ ପଢିବା ସୌଭାଗ୍ୟ ଆସିନାହିଁ । ଜାତୀୟ ପରିବାର ମହିଳା ସର୍ଭେ-୪ ରିପୋର୍ଟର ସର୍ବଶେଷ ତଥ୍ୟ ଅନୁଯାୟୀ ଖୋରଧା, ଜଗତ୍‍ସିଂହପୁର, ଝାରସୁଗୁଡା, ଯାଜପୁର ଜିଲ୍ଲାରେ ଅପେକ୍ଷାକୃତ ଅଧିକ ପ୍ରତିଶତ ମହିଳା ବିଦ୍ୟାଳୟରେ ୧୦ବର୍ଷ କିମ୍ବା ତଦୁର୍ଦ୍ଧ ସମୟ ପଢିଛନ୍ତି । ଖୋରଧା ଓ ଜଗତ୍‍ସିଂହପୁର ଜିଲ୍ଲାରେ ହି ହାର ୩୮ ପ୍ରତିଶତ ଥିବାବେଳେ ଝାରସୁଗୁଡା ଓ ଯାଜପୁରରେ ଏହା ଯଥାକ୍ରମେ ୩୬ ଓ ୩୫ ପ୍ରତିଶତ ରହିଛି । ସୁନ୍ଦରଗଡ ଜିଲ୍ଲାରେ ଏହି ହାର ୩୪.୯ ପ୍ରତିଶତ ଥିବାବେଳେ ଢେଙ୍କାନାଳ, କଟକ, ବାଲେଶ୍ୱର, ଭଦ୍ରକ, ପୁରୀ ଓ କେନ୍ଦ୍ରାପଡା ଜିଲ୍ଲାରେ ଏହା ୩୦ ରୁ ୩୪ ପ୍ରତିଶତ ମଧ୍ୟରେ ରହିଛି । ମୋଟାମୋଟି ଭାବେ ଏହି ୧୧ଟି ଜିଲ୍ଲାର ୬୧ରୁ ୬୯ ପ୍ରତିଶତ ପର୍ଯ୍ୟନ୍ତ ମହିଳା ଉଚ୍ଚଶିକ୍ଷା ସୁଯୋଗରୁ ବଞ୍ôଚତ ହୋଇଥିବା ଉକ୍ତ ରିପୋର୍ଟ ବିଶ୍ଳେଷଣରୁ ସ୍ପଷ୍ଟ ଜଣାପଡୁଛି ।

ଏଠାରେ ଉଲ୍ଲେଖନୀୟ ଆମ ଦେଶର ସର୍ବଶେଷ ଜନଗଣନା ଅନୁଯାୟୀ ଓଡିଶାରେ କୋଟିଏରୁ ଅଧିକ ଲୋକ ନିରକ୍ଷର ଥିବାବେଳେ ସେମାନଙ୍କ ମଧ୍ୟରୁ ସଂଖ୍ୟାଧିକ ହେଉଛନ୍ତି ମହିଳା । ଏହି ହିସାବ ମୁତାବକ ରାଜ୍ୟରେ ମହିଳା ନିରକ୍ଷରଙ୍କ ହାର ପ୍ରାୟ ୩୬ପ୍ରତିଶତ । ସେହିପରି ରାଜ୍ୟରେ ପ୍ରଥମରୁ ଦଶମଶ୍ରେଣୀ ମଧ୍ୟରେ ପ୍ରାୟ ୩୦ ପ୍ରତିଶତ ପିଲା ଅଧାରୁ ପାଠ ଛାଡୁଛନ୍ତି ବୋଲି ବିଦ୍ୟାଳୟ ଓ ଗଣଶିକ୍ଷା ବିଭାଗର ତଥ୍ୟ କହୁଥିବାବେଳେ ଏହି ପାଠ ଛାଡୁଥିବା ପିଲାଙ୍କ ମଧ୍ୟରେ ଅନୁସୂଚିତ ଜନଜାତିବର୍ଗର ବାଳିକାଙ୍କ ହାର ଅତ୍ୟନ୍ତ ଉଦ୍‍ବେଗଜନକ । (ତଥ୍ୟ) 



Powered by Catalyst IT Solutions Pvt. Ltd.