ଅଭିଜିତ ଆୟାର ମିତ୍ରଙ୍କ ମନ୍ତବ୍ୟର ତଦନ୍ତ ଲାଗି ଗୃହ କମିଟି ଗଠିତ   ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ଏହି କମିଟିରେ ଅଛନ୍ତି ୫ ବିଧାୟକ  କମିଟି ତାହାର ରିପୋର୍ଟ ଆସନ୍ତା ବିଧାନସଭା ଅଧିବେଶନର ପ୍ରଥମ କିମ୍ବା ଦ୍ୱିତୀୟ ଦିନ ଦେବାକୁ ବାଚସ୍ପତିଙ୍କ ନିର୍ଦ୍ଦେଶ  ବିଧାନସଭାର ମୌସୁମୀ ଅଧିବେଶନ ଶେଷ  ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖିଲେ ବାଚସ୍ପତି ପ୍ରଦୀପ ଅମାତ  ସେପ୍ଟେମ୍ବର ୪ରୁ ଆରମ୍ଭ ହୋଇଥିଲା ମୌସୁମୀ ଅଧିବେଶନ  

ଗଠନ ହେଲା ମହାନଦୀ ଟ୍ରିବ୍ୟୁନାଲ

ଓଡିଶା ଓ ଛତିଶଗଡ ମଧ୍ୟରେ ଦେଖା ଦେଇଥିବା ଜଳ ବିବାଦର ସମାଧାନ ଲାଗି ସୁପ୍ରିମ୍‍କୋର୍ଟଙ୍କ ନିର୍ଦ୍ଦେଶ ଅନୁଯାୟୀ କେନ୍ଦ୍ର ସରକାର ଟ୍ରିବ୍ୟୁନାଲ ଗଠନ କରିଛନ୍ତି । ଅଧ୍ୟକ୍ଷଙ୍କ ସମେତ ଦୁଇ ସଦସ୍ୟଙ୍କୁ ନେଇ ଗଠିତ ଏହି ଟ୍ରିବ୍ୟୁନାଲ ନାମ ରହିଛି ‘ ଦି ମହାନଦୀ ୱାଟର ଡିସ୍‍ପ୍ୟୁଟ୍‍ ଟ୍ରିବ୍ୟୁନାଲ’ ।

ଆନ୍ତଃରାଜ୍ୟ ଜଳ ବିବାଦ ଆଇନ୍‍ ୧୯୫୬ ଅନୁଯାୟୀ ଛତିଶଗଡ ସହିତ ଲାଗି ରହିଥିବା ଜଳ ବିବାଦର ସମାଧାନ ପାଇଁ ଓଡିଶା ସରକାର ଆବେଦନ କରିଥିଲେ । ଗତବର୍ଷ ସୁପ୍ରିମ୍‍କୋର୍ଟରେ ରାଜ୍ୟ ସରକାରଙ୍କ ପକ୍ଷରୁ ଅରିଜିନାଲ ସୁଟ୍‍ ଦାଖଲ ହୋଇଥିଲା । ଏହାକୁ ବିଚାରକରି ସୁପ୍ରିମ୍‍କୋର୍ଟ ଚଳିତବର୍ଷ ଜାନୁୟାରୀ ୨୩ ତାରିଖରେ ୱାଟର ଡିସ୍‍ପ୍ୟୁଟ ଟ୍ରିବ୍ୟୁନାଲ ଗଠନ ପାଇଁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଥିଲେ ।

ତଦନୁଯାୟୀ କେନ୍ଦ୍ର ସରକାର ଏହି ଟ୍ରବ୍ୟୁନାଲ ଗଠନ କରିଛନ୍ତି । ଏହାର ମୁଖ୍ୟାଳୟ ନୂଆ ଦିଲ୍ଲୀରେ ରହିବା ସହିତ ଏହାର ଅଧ୍ୟକ୍ଷ ଓ ସଦସ୍ୟମାନଙ୍କ ନାମ ତାଲିକା ପ୍ରକାଶ ପାଇଛି । ଟ୍ରିବ୍ୟୁନାଲର ଅଧ୍ୟକ୍ଷ ଭାବେ ସୁପ୍ରିମ୍‍କୋର୍ଟର ବିଚାରପତି ଜଷ୍ଟିସ୍‍ ଏ.ଏମ୍‍.ଖାନ୍‍ୱିଲକରଙ୍କୁ ନିଯୁକ୍ତି ମିଳିଥିବାବେଳେ ପାଟନା ହାଇକୋର୍ଟର ବିଚାରପତି ଜଷ୍ଟିସ ରବି ରଞ୍ଜନ ଓ ଦିଲ୍ଲୀ ହାଇକୋର୍ଟର ବିଚାରପତି ଜଷ୍ଟିସ୍‍ ଇନ୍ଦରମିତ୍‍ କୌର କୋଚର ସଦସ୍ୟ ଭାବେ ଏଥିରେ ସ୍ଥାନ ପାଇଛନ୍ତି ।

ଏଠାରେ ଉଲ୍ଲେଖ କରାଯାଇପାରେ ଯେ ମହାନଦୀର ଉପରମୁଣ୍ଡରେ ଛତିଶଗଡ ସରକାର ଛୋଟ ବଡ କରି ୧୨ଟି ବ୍ୟାରେଜ ନିର୍ମାଣ କରିବା ଫଳରେ ଭବିଷ୍ୟତରେ ମହାନଦୀରେ ଜଳସଙ୍କଟର ଆଶଙ୍କାକରି ବ୍ୟାରେଜ ନିର୍ମାଣ ବନ୍ଦପାଇଁ ଓଡିଶା ସରକାର ଦାବିକରି ଆସୁଛନ୍ତି । ପ୍ରଥମେ ଏ ନେଇ କେନ୍ଦ୍ର ସରକାରଙ୍କ ନିକଟରେ ଆପତ୍ତି ଉଠାଇ ବିଫଳ ହେବାପରେ ପରବର୍ତ୍ତୀ ସମୟରେ ରାଜ୍ୟ ସରକାର ଅଦାଲତର ଆଶ୍ରୟ ନେଇଥିଲେ । ମହାନଦୀ ଜଳ ବିବାଦକୁ ନେଇ ଓଡିଶାରେ ବ୍ୟାପକ ଆନ୍ଦୋଳନ ଚାଲିଥିବାବେଳେ ଛତିଶଗଡ ସରକାର ମଧ୍ୟ ବ୍ୟାରେଜ ନିର୍ମାଣ ସପକ୍ଷରେ ଯୁକ୍ତି ବାଢି ଆସୁଛନ୍ତି । ଆଜି ଟ୍ରିବ୍ୟୁନାଲ ଗଠନ ନେଇ କେନ୍ଦ୍ର ଜଳସମ୍ପଦ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇବାରେ ମାମଲାର ସମାଧାନ ନେଇ ଆଶା ସଞ୍ଚାର ହୋଇଛି ।