ଲଘୁଚାପ ପ୍ରଭାବରେ ୬ଟି ଜିଲ୍ଲାରେ ପ୍ରବଳ ବର୍ଷା ସମ୍ଭାବନା  ସତର୍କ କଲା ଆଞ୍ଚଳିକ ପାଣିପାଗ ବିଭାଗ  ମାଲକାନଗିରି, କୋରାପୁଟ, ରାୟଗଡା, ନବରଙ୍ଗପୁର, କଳାହାଣ୍ଡି ଓ କନ୍ଧମାଳରେ ପ୍ରବଳ ବର୍ଷା ସୂଚନା  ୧୬ ତାରିଖରୁ ଉପକୂଳ ଓଡିଶାର କେତେକ ସ୍ଥାନରେ ବର୍ଷା ସମ୍ଭାବନା  ଗଭୀର ସମୁଦ୍ରକୁ ନଯିବାକୁ ମତ୍ସ୍ୟଜୀବୀଙ୍କୁ ପରାମର୍ଶ  ଫେବୃୟାରୀ ୨୨ ତାରିଖରୁ ମାଟ୍ରିକ ପରୀକ୍ଷା  ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ଚାଲିବ ପରୀକ୍ଷା  ଓଏମ୍‍ଆର ଓ ଲିଖିତ ପରୀକ୍ଷା ଲାଗି ୪ ସେଟ୍‍ର ପ୍ରଶ୍ନପତ୍ର  ପରୀକ୍ଷା ସମୟ ପୂର୍ବାହ୍ନ ୯ଟାରୁ ୧୧ଟା ୩୦ ମିନିଟ୍‍  ଗଣିତ ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ମିଳିବ ଅଧିକ ୧୫ମିନିଟ୍‍  ୧୧ରୁ ୧୬ ଫେବୃୟାରୀ ମଧ୍ୟରେ ଧନ୍ଦାମୂଳକ ପରୀକ୍ଷାର ପ୍ରାକ୍ଟିକାଲ ପରୀକ୍ଷା  

ସହରାଞ୍ଚଳ ପରିବହନ ପାଇଁ ଅର୍ଥ ସଙ୍କଟ

ସହରାଞ୍ଚଳରେ ବସ୍‍ ଚଳାଚଳ ପାଇଁ ଏବେ ଅର୍ଥ ସଙ୍କଟ । ଅମୃତ ଯୋଜନାରେ ଆବଶ୍ୟକ ଅର୍ଥ ମିଳୁନଥିବାରୁ ବସ୍‍ ଚଳାଚଳ ନେଇ ଆଶଙ୍କା ସୃଷ୍ଟି ହୋଇଛି ।

ମିଳିଥିବା ସୂଚନା ଅନୁଯାୟୀ ଜବାହରଲାଲ ନେହେରୁ ଜାତୀୟ ସହରାଞ୍ଚଳ ବିକାଶ ଯୋଜନା (ଜେଏନଏନୟୁଆରଏମ୍‍) ରେ ମଞ୍ଜୁରୀ ପାଇଥିବା ରାଜ୍ୟର କେତେକ ସହରାଞ୍ଚଳରେ ପରିବହନ ବ୍ୟବସ୍ଥା ଲାଗି ଆବଶ୍ୟକ ସଂଖ୍ୟକ ଅର୍ଥ କେନ୍ଦ୍ରରୁ ମିଳୁନାହିଁ । ଏଗୁଡିକ ହେଲା କଟକ-ଚୌଦ୍ୱାର, ଜୟପୁର-କୋରାପୁଟ ଓ ବାଲେଶ୍ୱର-ଭଦ୍ରକ । କେନ୍ଦ୍ରୀୟ ଯୋଜନାର ଅନ୍ତିମ ପର୍ଯ୍ୟାୟରେ ଏହି ପ୍ରକଳ୍ପ ଗୁଡିକୁ ମଞ୍ଜୁରୀ ମିଳିଥିବାବଳେ ପରବର୍ତୀ ସମୟରେ ଏଥିପାଇଁ ଅର୍ଥ ପ୍ରତିବନ୍ଧକ ସାଜିଛି ।

୨୦୦୫ ମସିହାରେ ଜେଏନ୍‍ଏନ୍‍ୟୁଆରଏମ୍‍ ଯୋଜନା ଆରମ୍ଭ ହୋଇଥିବାବେଳେ ଏଥିରେ ସହରାଞ୍ଚଳ ପରିବହନ ବ୍ୟବସ୍ଥାକୁ ଅଗ୍ରାଧିକାର ଦିଆଯାଇଥିଲା । ତଦନୁଯାୟୀ ଭୁବନେଶ୍ୱର-ପୁରୀ ବସ୍‍ ପରିବହନ ସେବା ଆରମ୍ଭ ହୋଇଥିବାବେଳେ କେନ୍ଦ୍ର ସରକାର ଏଥିପାଇଁ ୧୫କୋଟି ୮୪ ଲକ୍ଷ ଟଙ୍କା ଯୋଗାଇ ଦେଇଥିଲେ । ଏହି ଯୋଜନାରେ କେନ୍ଦ୍ର ସରକାର ୮୦ ପ୍ରତିଶତ ଓ ରାଜ୍ୟ ସରକାର ୨୦ ପ୍ରତିଶତ ଅର୍ଥ ପ୍ରଦାନ କରିଥିଲେ ।

କେନ୍ଦ୍ରୀୟ ଯୋଜନାର ଅବଧି ୨୦୧୨ ମାର୍ଚ୍ଚ ମାସରେ ସରିଥିବାବେଳେ ବିଭିନ୍ନ ପ୍ରକଳ୍ପର କାର୍ଯ୍ୟ ସାରିବାଲାଗି ଏହାକୁ ଆଉ ଦୁଇବର୍ଷ ବଢାଇ ଦିଆଯାଇଥିଲା । ଏହି ପରବର୍ଦ୍ଧିତ ସମୟ ମଧ୍ୟରେ ଓଡିଶା ତିନିଟି ନୂଆ ଜୋନ୍‍ରେ ସହରାଞ୍ଚଳ ପରିବହନ ସେବା ଆରମ୍ଭକୁ ମଞ୍ଜୁରୀ ମିଳିଥିଲା । ତେବେ ୨୦୧୪ ମାର୍ଚ୍ଚ ମାସରେ ଜେଏନ୍‍ଏନ୍‍ୟୁଆରଏମ୍‍ ଯୋଜନା ବନ୍ଦ ହୋଇଯାଇଥିଲା ।

ସହରାଞ୍ଚଳରେ ବିଭିନ୍ନ ବିକାଶ କାର୍ଯ୍ୟ ଚଳାଇବାଲାଗି ୨୦୧୫ ମସିହାରେ ଅମୃତ ଯୋଜନା ଆରମ୍ଭ ହୋଇଥିବାବେଳେ ଏଥିରେ ବି ସହରାଞ୍ଚଳ ପରିବହନ ସେବାକୁ ସାମିଲ କରାଯାଇଛି । ତେବେ ଅମୃତ ଯୋଜନାରେ ଜଳଯୋଗାଣ, ସ୍ୱରେଜ ଓ ଡ୍ରେନେଜକୁ ଅଗ୍ରାଧିକାର ଦିଆଯାଇଥିବାବେଳେ ପରିବହନ ବ୍ୟବସ୍ଥାକୁ ଚତୁର୍ଥ ସ୍ଥାନରେ ରଖାଯାଇଛି । ତେଣୁ ଏଥିପାଇଁ ଆବଶ୍ୟକ ଅର୍ଥ ମିଳିପାରୁନ।।ହିଁ । ଫଳରେ ରାଜ୍ୟର ଯେଉଁ ତିନିଟି ଜୋନ୍‍ରେ କେନ୍ଦ୍ରୀୟ ଯୋଜନାରେ ପରିବହନ ପାଇଁ ଅନୁମତି ମିଳିଥିଲା ତାହା ଚଳାଇବା କଷ୍ଟକର ହୋଇପଡିଛି । ଇତି ମଧ୍ୟରେ ସହରାଞ୍ଚଳ ପରିହବନ ସେବାକୁ ରାଜ୍ୟ ସରକାରମାନେ ନିଜ ଖର୍ଚ୍ଚରେ ତୁଲାଇବାପାଇଁ କେନ୍ଦ୍ର ସରକାର କହିଛନ୍ତି । ଏଭଳି ସ୍ଥଳେ ମଞ୍ଜୁର ହୋଇଥିବା ଜୋନ୍‍ରେ କିଭଳି ଗାଡି ଚଳାଚଳ କରିବ ତାହା ଏବେ ଚିନ୍ତାର କାରଣ ହୋଇଛି । (ତଥ୍ୟ)