କନ୍ଧମାଳ ଜିଲ୍ଲା ବାଲିଗୁଡ଼ାଠାରେ ଏକ ସଡ଼କ ଦୁର୍ଘଟଣାରେ ୮ ଜଣ ଯାତ୍ରୀ ମୃତ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗଭୀର ଦୁଃଖ ପ୍ରକାଶ ଓ ସହାୟତା ଘୋଷଣା  ମୃତ ବ୍ୟକ୍ତିଙ୍କ ନିକଟତମ ଆତ୍ମୀୟଙ୍କ ନିମନ୍ତେ ୨ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ଘୋଷଣା  ଆହତ ବ୍ୟକ୍ତିମାନଙ୍କୁ ମାଗଣାରେ ଚିକିତ୍ସା ସହାୟତା ଯୋଗାଇବା ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ  

ମେଧାବୀଙ୍କୁ ପୁସ୍ତକ ବଣ୍ଟନ

ମେଧାବୀ ଛାତ୍ରୀମାନଙ୍କୁ ଶିକ୍ଷା କ୍ଷେତ୍ରରେ ସହାୟତାର ହାତ ବଢାଇଛି ରୋଟାରୀ କ୍ଲବ ହେରିଟେଜ୍‍ ଭୁବନେଶ୍ୱର ଓ ସ୍ୱେଚ୍ଛାସେବୀ ସଂସ୍ଥା ପିକ୍‍କ । ଏହି ଦୁଇ ସଂଗଠନ ମିଳିତ ଭାବେ ସ୍ଥାନୀୟ ୬ନମ୍ବର ଉଚ୍ଚ ବାଳିକା ବିଦ୍ୟାଳୟରେ ୧୯ ଜଣ ଛାତ୍ରୀଙ୍କୁ ମାଗଣା ପୁସ୍ତକ ପ୍ରଦାନ କରିଛନ୍ତି ।

ଗତକାଲି ବିଦ୍ୟାଳୟରେ ପ୍ରଧାନ ଶିକ୍ଷୟତ୍ରୀ ନିରୂପା ବେହେରାଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ପିକ୍‍କର କାର୍ଯ୍ୟନିର୍ବାହୀ ନିର୍ଦ୍ଦେଶିକା ଅନୁରାଧା ମହାନ୍ତି ସମେତ ରୋଟାରୀଆନ୍‍ ବି.ବି.ସାମନ୍ତ, ଦିବ୍ୟ ରଞ୍ଜନ ଦାସ, ପି.ଶ୍ରୀନିବାସ, ବି.କେସାହୁ ପ୍ରମୁଖ ଉପସ୍ଥିତ ଥିଲେ ।

ଶିଶୁଙ୍କ ସହାୟତା ପାଇଁ କାର୍ଯ୍ୟକାରୀ ହେଉଥିବା ମାସୁମ୍‍ ଯୋଜନାରେ ବିଦ୍ୟାଳୟର ଛାତ୍ରୀମାନଙ୍କୁ ଏହି ପୁସ୍ତକ ବଣ୍ଟନ ହୋଇଥିବାବେଲେ ଉତ୍ସବରେ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ଓ ବହୁ ଛାତ୍ରଛାତ୍ରୀ ଉପସ୍ଥିତ ଥିଲେ ।

ଉପସ୍ଥିତ ଅତିଥିମାନେ ଛାତ୍ରୀମାନଙ୍କୁ ଆଗକୁ ବଢିବାଲାଗି ସଫଳତାର ମନ୍ତ୍ର ଦେବା ସ୍ୱପ୍ନ ସାକାର ଲାଗି କଠିନ ପରିଶ୍ରମ ପାଇଁ ପରାମର୍ଶ ଦେଇଥିଲେ । ସେହିଭଳି ଆଗାମୀ ପୀଢିର ସୁରକ୍ଷା ଲାଗି ପ୍ରତ୍ୟେକ ଛାତ୍ରୀ ଯେଭଳି ବୃକ୍ଷ ରୋପଣ କରନ୍ତି ସେଥିଲାଗି ବୁଝାଇଥିଲେ ।

ଉପସ୍ଥିତ ଛାତ୍ରୀମାନେ ମଧ୍ୟ ଅତିଥିମାନଙ୍କ ସହିତ ସେମାନଙ୍କର ଶିକ୍ଷାଦାନ ଓ ଅନ୍ୟାନ୍ୟ ପ୍ରସଙ୍ଗ ନେଇ ଖୋଲା ଆଲୋଚନା କରିଥିଲେ ।

ଆଗାମୀ ଦିନରେ ଏହି ଯୋଜନାରେ ଅଧିକରୁ ଅଧିକ ମେଧାବୀ ଛାତ୍ରୀମାନଙ୍କୁ ପାଠ୍ୟୋପକରଣ ସହିତ ଅନ୍ୟାନ୍ୟ ସହାୟତା ଯୋଗାଇ ଦିଆଯିବ ବୋଲି ପିକକ୍‍ର ନିର୍ଦ୍ଦେଶିକା ଶ୍ରୀ ମହାନ୍ତି ଏହି ଅବସରରେ କହିଥିଲେ । ପିକକ୍‍ର ପାଣୁ ବେହେରା ଧନ୍ୟବାଦ ଅର୍ପଣ କରିଥିଲେ ।