ବାତ୍ୟା କ୍ଷୟକ୍ଷତି ପାଇଁ କେନ୍ଦ୍ରରୁ ସହାୟତା ଲୋଡିଲେ ରାଜ୍ୟ ସରକାର  ୧୦୦୦ କୋଟି ଟଙ୍କାର ମଧ୍ୟବର୍ତିକାଳୀନ ସହାୟତା ପାଇଁ ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଲେ ମୁଖ୍ୟମନ୍ତ୍ରୀ  କ୍ଷତି ଭରଣା ଲାଗି ୨୭୭୦ କୋଟି ୨୮ଲକ୍ଷ ଟଙ୍କା ଆବଶ୍ୟକ ଦର୍ଶାଇଲେ ରାଜ୍ୟ ସରକାର  ଜାତୀୟ ବିପର୍ଯ୍ୟୟ ପାଣ୍ଠିରୁ ୨୦୧୪ କୋଟି ଯୋଗାଇବାକୁ କେନ୍ଦ୍ରକୁ ଅନୁରୋଧ  ପ୍ରଧାନମନ୍ତ୍ରୀ ଆବାସ ଯୋଜନାରେ ସ୍ୱତନ୍ତ୍ର ଭାବେ ୫୭,୧୩୧ ଘର ଯେଗାଇକୁ କେନ୍ଦ୍ରକୁ କୁହାଗଲା  ବାତ୍ୟାରେ ୬୦ଲକ୍ଷ ୧୧ ହଜାର ଲୋକ ପ୍ରଭାବିତ  ବାତ୍ୟାରେ ୫୭ ଜଣ ମରିଥିବାବେଳେ ୧୦ଜଣ ନିଖୋଜ ଥିବା କେନ୍ଦ୍ରକୁ ଜଣାଇଲେ ରାଜ୍ୟ ସରକାର  

ଜୁନ୍‍ରୁ ସବୁଜ ମହାନଦୀ ମିଶନ

ଆସନ୍ତା ଜୁନ୍‍ ପ୍ରଥମ ସପ୍ତାହରୁ ଆରମ୍ଭ ହେବ ସବୁଜ ମହାନଦୀ ମିଶନ । ଏହି ଯୋଜନାରେ ମହାନଦୀ ଓ ଇବ୍‍ ନଦୀ କୂଳରେ ଥିବା ଉଭୟ ସରକାରୀ ଓ ଘରୋଇ ଜମିରେ ବ୍ୟାପକ ବୃକ୍ଷରୋପଣ କରାଯାଇ ସବୁଜ ବଳୟ ସୃଷ୍ଟିହେବ ।

ରାଜ୍ୟ ସରକାରଙ୍କ ସବୁଜ ମହାନଦୀ ମିଶନ ନେଇ ଏହି ସୂଚନା ଦେଇଛନ୍ତି ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ । ସେ କହିଛନ୍ତି ଯେ ଏହି ଯୋଜନାରେ ୧୬,୫୦୦ ହେକ୍ଟର ଜମିରେ ବୃକ୍ଷରୋପଣ ଲାଗି ନିଷ୍ପତ୍ତି ହୋଇଥିବାବେଳେ ଏଥିରେ ଉଭୟ ସରକାରୀ ଓ ଘରୋଇ ଜମି ରହିଛି । ଜୁନ୍‍ ପ୍ରଥମ ସପ୍ତାହରୁ ମୌସୁମୀ ବର୍ଷା ଆରମ୍ଭ ହେଉଥିବାରୁ ସେହି ସମୟରେ ଏହିସବୁ ଅଞ୍ଚଳରେ ବୃକ୍ଷରୋପଣ କରାଯିବ ।

ସରକାରୀ ଜମିରେ ବିଭିନ୍ନ ପ୍ରକାର ବୃକ୍ଷରୋପଣ ହେବାକୁ ଥିବାବେଳେ ୨୦୦ ବର୍ଗକିଲୋମିଟର ଘରୋଇ ଜମିରେ ଫଳଗଛ ଲାଗିବ । ଏହାଦ୍ୱାରା ୧୩୦୩ ଟି ଗାଁର ଲୋକେ ଉପକୃତ ହେବେ । କେବଳ ମହାନଦୀ ନୁହେଁ ଅନୁରୂପ ଭାବେ ଇବ୍‍ ଓ ତେଲ୍‍ ନଦୀର ଦୁଇପାଶ୍ୱର୍ରେ ସବୁଜ ବଳୟ ସୃଷ୍ଟି ପାଇଁ ସରକାରଙ୍କର ଯୋଜନା ରହିଛି ।

ସବୁଜ ମହାନଦୀ ଯୋଜନା ଲାଗି ରାଜ୍ୟ ସରକାର ୨୦୧୭-୧୮ ବର୍ଷରେ ୨୧ କୋଟି ଟଙ୍କାର ବ୍ୟୟବରାଦ କରିଥିବାବେଳେ ୨୦୧୮-୧୯ ବର୍ଷରେ ଏଥିପାଇଁ ୫୯କୋଟି ୮ଲକ୍ଷ ଟଙ୍କା ଖର୍ଚ୍ଚ କରିବାର ଲକ୍ଷ୍ୟ ରହିଛି ।

ସରକାରଙ୍କର ଏହି ସବୁଜ ବଳୟ ଯୋଜନା ୧୫ଟି ଜିଲ୍ଲାରେ କାର୍ଯ୍ୟକାରୀ ହେବାକୁ ଥିବାବେଳେ ଏହାର କାର୍ଯ୍ୟକାରିତା ଲାଗି ଲୋକପ୍ରତିନିଧି ଓ ସମସ୍ତ ଅଂଶୀଦାରଙ୍କ ସହଯୋଗ ଲୋଡାଯାଇଛି । ଏହି ଇଲାକା ମଧ୍ୟରେ ୧୯ଟି ବନଖଣ୍ଡ ଅଞ୍ଚଳ ରହିଥିବା ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ସୂଚନା ଦିଆଯାଇଛି ।

ଏଠାରେ ଉଲ୍ଲେଖ କରାଯାଇପାରେ ଯେ ଉଭୟ ମହାନଦୀ, ଇବ୍‍ ଓ ତେଲ୍‍ ନଦୀ କୂଳରୁ ଏକ କିଲୋମିଟର ପରିମିତ ଅଞ୍ଚଳରେ ବୃକ୍ଷ ରୋପଣ ଲାଗି ଏହି ମିଶନ ପ୍ରସ୍ତୁତ ହୋଇଛି ।

ସେହିଭଳି ରାଜ୍ୟର ଜଙ୍ଗଲରେ ବାଘ ସଂଖ୍ୟା ବୃଦ୍ଧି ଲାଗି ମଧ୍ୟପ୍ରଦେଶରୁ ୬ଟି ବାଘ ଆଣିବାଲାଗି ସରକାର ଯୋଜନା କରିଛନ୍ତି । ପ୍ରଥମ ପର୍ଯ୍ୟାୟରେ ଗୋଟିଏ ବାଘ ଅଣାଯାଇ ସାତକୋଶିଆ ଅଭୟାରଣ୍ୟରେ ଛାଡିବାପାଇଁ ଯୋଜନା ହୋଇଛି । ମହାବଳ ବାଘଟିକୁ ପ୍ରଥମେ ଆଣି ସାତକୋଶିଆରେ ନିର୍ମିତ ସ୍ୱତନ୍ତ୍ର ଖୁଆଡରେ ଛଡାଯିବ ଓ ପରେ ତାହାକୁ ଜଙ୍ଗଲରେ ଛାଡି ଦିଆଯିବ ବୋଲି ମନ୍ତ୍ରୀ କହିଛନ୍ତି ।