ଲଘୁଚାପ ପ୍ରଭାବରେ ୬ଟି ଜିଲ୍ଲାରେ ପ୍ରବଳ ବର୍ଷା ସମ୍ଭାବନା  ସତର୍କ କଲା ଆଞ୍ଚଳିକ ପାଣିପାଗ ବିଭାଗ  ମାଲକାନଗିରି, କୋରାପୁଟ, ରାୟଗଡା, ନବରଙ୍ଗପୁର, କଳାହାଣ୍ଡି ଓ କନ୍ଧମାଳରେ ପ୍ରବଳ ବର୍ଷା ସୂଚନା  ୧୬ ତାରିଖରୁ ଉପକୂଳ ଓଡିଶାର କେତେକ ସ୍ଥାନରେ ବର୍ଷା ସମ୍ଭାବନା  ଗଭୀର ସମୁଦ୍ରକୁ ନଯିବାକୁ ମତ୍ସ୍ୟଜୀବୀଙ୍କୁ ପରାମର୍ଶ  ଫେବୃୟାରୀ ୨୨ ତାରିଖରୁ ମାଟ୍ରିକ ପରୀକ୍ଷା  ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ଚାଲିବ ପରୀକ୍ଷା  ଓଏମ୍‍ଆର ଓ ଲିଖିତ ପରୀକ୍ଷା ଲାଗି ୪ ସେଟ୍‍ର ପ୍ରଶ୍ନପତ୍ର  ପରୀକ୍ଷା ସମୟ ପୂର୍ବାହ୍ନ ୯ଟାରୁ ୧୧ଟା ୩୦ ମିନିଟ୍‍  ଗଣିତ ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ମିଳିବ ଅଧିକ ୧୫ମିନିଟ୍‍  ୧୧ରୁ ୧୬ ଫେବୃୟାରୀ ମଧ୍ୟରେ ଧନ୍ଦାମୂଳକ ପରୀକ୍ଷାର ପ୍ରାକ୍ଟିକାଲ ପରୀକ୍ଷା  

ବିନା ଲୋକପାଳରେ ବ୍ୟୟ ୨କୋଟି ୬୫ଲକ୍ଷ ଟଙ୍କା

୨୦୧୩ ଜାନୁୟାରୀ ମାସରୁ ଖାଲି ପଡିଛି ଓଡିଶାର ଲୋକପାଳ ପଦବୀ । ଓଡିଶା ଲୋକାୟୁକ୍ତ ବିଲ୍‍ ଇତି ମଧ୍ୟରେ ରାଷ୍ଟ୍ରପତିଙ୍କ ଅନୁମୋଦନ ଲାଭ କରିଥିଲେ ମଧ୍ୟ ଏହି ବିଲ୍‍ ଆଇନ୍‍ରେ ପରିଣତ ହେବାପରେ ନୂତନ ଲୋକାୟୁକ୍ତ ନିଯୁକ୍ତି ନିମନ୍ତେ ବିହିତ ପଦକ୍ଷେପ ନିଆଯିବ ।

ଓଡିଶାରେ ଲୋକପାଳ ପଦବୀ କେବେ ଠାରୁ ଖାଲି ପଡିଛି, ନୂତନ ଲୋକପାଳ/ଲୋକାୟୁକ୍ତ କେବେ ସୁଦ୍ଧା ନିଯୁକ୍ତ ହେବେ ଏବଂ ବିନା ଲୋକପାଳରେ ଲୋକପାଳଙ୍କ ଦପ୍ତର ପାଇଁ କେତେ ଅର୍ଥ ରାଜକୋଷରୁ ବ୍ୟୟ ହୋଇଛି ସେ ସଂକ୍ରାନ୍ତରେ ବିଧାୟକ ଦିଲ୍ଲୀପ ରାୟ ବିଧାନସଭାରେ ଏକ ପ୍ରଶ୍ନ ପଚାରିଥିଲେ । ତାହାର ଉତ୍ତରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେଇଥିବା ତଥ୍ୟରୁ ଏହା ଜଣାପଡିଛି ।

ମୁଖ୍ୟମନ୍ତ୍ରୀ ଉଲ୍ଲେଖ କରିଛନ୍ତି ଯେ ଓଡିଶାର ଲୋକପାଳ ପଦବୀ ୨୩.୧.୨୦୧୩ ତାରିଖରୁ ଖାଲି ପଡିଛି । ଓଡିଶା ଲୋକାୟୁକ୍ତ ବିଲ୍‍, ୨୦୧୪ ରାଷ୍ଟ୍ରପତିଙ୍କ ଅନୁମୋଦନ ଲାଭ କରିଛି । ଏହି ବିଲ୍‍ ଆଇନ୍‍ରେ ପରିଣତ ହେବାପରେ ନୂତନ ଲୋକାୟୁକ୍ତ ନିଯୁକ୍ତି ନିମନ୍ତେ ବିହିତ ପଦକ୍ଷେପ ନିଆଯିବ ।

୨୦୧୩ ମସିହାରୁ ଏଯାବତ୍‍ ଲୋକପାଳଙ୍କ ଅନୁପସ୍ଥିତରେ ତାଙ୍କ ଦପ୍ତରରେ ୭୭୩ଟି ମାମଲା ଗ୍ରହଣ ହୋଇଛି । ସେଥି ମଧ୍ୟରୁ କୌଣସି ମାମଲା ବର୍ତ୍ତମାନ ସୁଦ୍ଧା ଫଏସଲା ହୋଇନଥିବା ମୁଖ୍ୟମନ୍ତ୍ରୀ ଦର୍ଶାଇଛନ୍ତି ।

ସେ ପୁଣି ଉଲ୍ଲେଖ କରିଛନ୍ତି ଯେ ଲୋକପାଳଙ୍କ ଦପ୍ତର ପରିଚାଳନା ତଥା ଏହାର କର୍ମଚାରୀଙ୍କ ବେତନ ଭତ୍ତା ଆଦି ଲାଗି ୨୦୧୩-୧୪ ବର୍ଷରେ ୬୬ଲକ୍ଷ ୧୪ ହଜାର ଟଙ୍କାର ଖର୍ଚ୍ଚ ହୋଇଥିବାବେଳେ ୨୦୧୪-୧୫ରେ ୪୩ଲକ୍ଷ ୪୭ହଜାର, ୨୦୧୫-୧୬ ରେ ୪୧ଲକ୍ଷ ୯୨ ହଜାର, ୨୦୧୬-୧୭ରେ ୫୪ଲକ୍ଷ ୩୨ ହଜାର ଓ ୨୦୧୭-୧୮ରେ ୫୯ଲକ୍ଷ ୮୪ ହଜାର ଟଙ୍କା ଖର୍ଚ୍ଚ ହୋଇଛି । ମୋଟାମୋଟି ଭାବେ ଲୋକପାଳ ପଦବୀଟି ଖାଲି ପଡିଥିଲେ ମଧ୍ୟ ୫ବର୍ଷରେ ଏହି ଦପ୍ତର ପରିଚାଳନା ଲାଗି ରାଜକୋଷରୁ ୨୬୫ଲକ୍ଷ ଟଙ୍କାରୁ ଉଦ୍ଧ୍ୱର୍ ଅର୍ଥ ବ୍ୟୟ ହୋଇସାରିଲାଣି ।

ଏଠାରେ ଉଲ୍ଲେଖନୀୟ ଯେ ଦୀର୍ଘଦିନ ଅସୁସ୍ଥ ରହିବାପରେ ତକ୍ରାଳୀନ ଲୋକପାଳ ଜଷ୍ଟିସ ପି.କେ.ପାତ୍ରଙ୍କର ୨୦୧୩ ଜାନୁୟାରୀ ମାସରେ ଦେହାନ୍ତ ହୋଇଥିଲା । ସେବେଠାରୁ ଏହି ଗୁରୁତ୍ୱପୂର୍ଣ୍ଣ ପଦବୀଟି ଖାଲି ପଡିଛି । ଲୋକପାଳ ସଂସ୍ଥାକୁ ଉଚ୍ଛେଦ କରି ବହୁ ସଦସ୍ୟ ବିଶିଷ୍ଟ ଲୋକାୟୁକ୍ତ ପ୍ରତିଷ୍ଠାପାଇଁ ରାଜ୍ୟ ସରକାର ବିଧାନସଭାରେ ଆଣିଥିବା ବିଲ୍‍ ଗୃହୀତ ହୋଇ ପରେ ରାଜ୍ୟପାଳ ଓ ରାଷ୍ଟ୍ରପତିଙ୍କ ଅନୁମୋଦନ ଲାଭ କରି ସାରିଛି ।