ଲଘୁଚାପ ପ୍ରଭାବରେ ୬ଟି ଜିଲ୍ଲାରେ ପ୍ରବଳ ବର୍ଷା ସମ୍ଭାବନା  ସତର୍କ କଲା ଆଞ୍ଚଳିକ ପାଣିପାଗ ବିଭାଗ  ମାଲକାନଗିରି, କୋରାପୁଟ, ରାୟଗଡା, ନବରଙ୍ଗପୁର, କଳାହାଣ୍ଡି ଓ କନ୍ଧମାଳରେ ପ୍ରବଳ ବର୍ଷା ସୂଚନା  ୧୬ ତାରିଖରୁ ଉପକୂଳ ଓଡିଶାର କେତେକ ସ୍ଥାନରେ ବର୍ଷା ସମ୍ଭାବନା  ଗଭୀର ସମୁଦ୍ରକୁ ନଯିବାକୁ ମତ୍ସ୍ୟଜୀବୀଙ୍କୁ ପରାମର୍ଶ  ଫେବୃୟାରୀ ୨୨ ତାରିଖରୁ ମାଟ୍ରିକ ପରୀକ୍ଷା  ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ଚାଲିବ ପରୀକ୍ଷା  ଓଏମ୍‍ଆର ଓ ଲିଖିତ ପରୀକ୍ଷା ଲାଗି ୪ ସେଟ୍‍ର ପ୍ରଶ୍ନପତ୍ର  ପରୀକ୍ଷା ସମୟ ପୂର୍ବାହ୍ନ ୯ଟାରୁ ୧୧ଟା ୩୦ ମିନିଟ୍‍  ଗଣିତ ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ମିଳିବ ଅଧିକ ୧୫ମିନିଟ୍‍  ୧୧ରୁ ୧୬ ଫେବୃୟାରୀ ମଧ୍ୟରେ ଧନ୍ଦାମୂଳକ ପରୀକ୍ଷାର ପ୍ରାକ୍ଟିକାଲ ପରୀକ୍ଷା  

ନୂଆ ମଦଦୋକାନ ପାଇଁ ଗ୍ରାମସଭା ସହମତି ଜରୁରୀ

ରାଜ୍ୟର ସିଡ୍ୟୁଲ ଅଞ୍ଚଳରେ ମଦଦୋକାନ ଖୋଲିବାପାଇଁ ଗ୍ରାମସଭାର ସହମତି ଆବଶ୍ୟକ । ଏଥିପାଇଁ ଆଇନ୍‍ଗତ ବ୍ୟବସ୍ଥା ରହିଛି । ଏହାକୁ କଡାକଡି ଭାବେ ଅନୁପାଳନ କରିବାଲାଗି ସରକାର ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି ।

ବିଧାୟକ ମାନସ ମାଡକାମୀଙ୍କ ଏକ ପ୍ରଶ୍ନର ଉତ୍ତରରେ ସ୍ପଷ୍ଟଭାବେ ବିଧାନସଭାରେ ଏହା ଉଲ୍ଲେଖ କରିଛନ୍ତି ଅବକାରୀମନ୍ତ୍ରୀ ଶଶୀଭୂଷଣ ବେହେରା । ସେ କହିଛନ୍ତି ଯେ ମଦ ବିକ୍ରିକୁ ପ୍ରୋତ୍ସାହନ ଦେବା ସରକାରଙ୍କ ଉଦ୍ଦେଶ୍ୟ ନୁହେଁ । ମଦର ଉତ୍ପାଦନ, ବଣ୍ଟନ ଓ ବିକ୍ରୟକୁ ସୁନିୟନ୍ତ୍ରିତ କରିବା ହେଉଛି ସରକାରଙ୍କ ଦାୟିତ୍ୱ ।

ବିଧାୟକ ସାଇବା ସୁଶୀଲ ହାଂସଦାଙ୍କ ଅନ୍ୟଏକ ପ୍ରଶ୍ନର ଉତ୍ତରରେ ଅବକାରୀମନ୍ତ୍ରୀ କହିଛନ୍ତି ଯେ ଗତବର୍ଷ ଓଡିଶାରେ ପ୍ରାୟ ୧୮ହଜାର ଲିଟର ଦେଶୀମଦ ଓ ୧୩୦୦ଲିଟର ବିଦେଶୀ ମଦ ସମେତ ପ୍ରାୟ ୨୭ହଜାର ଲିଟର ଚୋରାମଦ ଜବତ କରାଯାଇଛି ।

ଗତବର୍ଷ ଏ ସଂକ୍ରାନ୍ତରେ ୨୦୧୬ଟି ମାମଲା ରୁଜୁ କରାଯିବା ସଂଗେ ସଂଗେ ୧୮୭୬ ଜଣଙ୍କୁ ଗିରଫ କରାଯାଇଛି । ରାଜ୍ୟର ଅନୁଗୁଳ ଜିଲ୍ଲା ସମେତ ପଶ୍ଚିମାଞ୍ଚଳ ଜିଲ୍ଲାର ଅଗମ୍ୟ ଅଞ୍ଚଳରେ କେତେକ ଅସାଧୁ ଲୋକ ବେଆଇନ୍‍ ଭାବେ ଗଞ୍ଜେଇଚାଷରେ ଲିପ୍ତ ଥିବା ଅବକାରୀମନ୍ତ୍ରୀ ସ୍ୱୀକାର କରିଛନ୍ତି ।

ବିଧାୟକ ସଞ୍ଜୀବ ସାହୁଙ୍କ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ବେଆଇନ୍‍ ଗଞ୍ଜେଇଚାଷକୁ ସମ୍ପୂର୍ଣ୍ଣ ବନ୍ଦ କରିବା ଲାଗି ଘନ ଘନ ଚଢାଉ ସହିତ ପ୍ରତିବର୍ଷ ବହୁ ପରିମାଣର ଗଞ୍ଜେଇଗଛ ନଷ୍ଟ କରାଯାଉଛି ଓ ସମ୍ପୃକ୍ତ ବ୍ୟକ୍ତିଙ୍କୁ ଏନ୍‍ଡିପିଏସ୍‍ ଆଇନ୍‍ ବଳରେ ମଧ୍ୟ ଗିରଫ କରାଯାଉଛି । (ତଥ୍ୟ)