ଗୋଟିଏ ଦିନରେ କରୋନାରେ ରେକର୍ଡ ୧୩ ମୃତ  ରାଜ୍ୟରେ ମୋଟ୍‍ କରୋନା ମୃତ୍ୟୁସଂଖ୍ୟା ୨୭୨  ଗଞ୍ଜାମରେ ସର୍ବାଧିକ ୬ଜଣ ମୃତ  ୪୬ହଜାର ଛୁଇଁଲା କରୋନା ଆକ୍ରାନ୍ତଙ୍କ ତାଲିକା  ଗୋଟିଏ ଦିନର ୨୯ ଜିଲ୍ଲାରୁ ୧୭୩୪ ନୂଆ ଆକ୍ରାନ୍ତ ଚିହ୍ନଟ  ମୋଟ ଆକ୍ରାନ୍ତଙ୍କ ସଂଖ୍ୟା ୪୫,୯୨୭  ଖୋରଧାରେ ସର୍ବାଧିକ ୩୪୨ ଆକ୍ରାନ୍ତ ଚିହ୍ନଟ  ଗଞ୍ଜାମରେ ୨୨୨, କଟକରେ ୧୭୭, ସୁନ୍ଦରଗଡରେ ୧୨୬ ଓ ନୟାଗଡରେ ୧୦୬ ଚିହ୍ନଟ  

ସମବାୟ ଦାୟିତ୍ୱରେ ପ୍ରଶାସକ

କରୋନା ମହାମାରୀ ଯୋଗୁଁ ରାଜ୍ୟର ଶୀର୍ଷ ସମବାୟ ସମିତିଗୁଡିକର ନିର୍ବାଚନ ସମ୍ଭବ ନହେବାରୁ ପ୍ରଶାସକମାନଙ୍କ ହାତରେ ଏହାର ଦାୟିତ୍ୱ ଦିଆଯାଇଛି । ଅଧିକାଂଶ ଶୀର୍ଷ ସମବାୟ ସମିତି ପରିଚାଳନା କମିଟିର ଅବଧି ଶେଷ ହୋଇଥିବାରୁ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ରାଜ୍ୟ ସମବାୟ ସମିତି ସମୂହର ନିବନ୍ଧକ ପ୍ରଶାସକମାନଙ୍କୁ ନିଯୁକ୍ତ କରିଛନ୍ତି ।

ଓଡିଶା ସମବାୟ ସମିତି ଆଇନ୍‍ ୧୯୬୨ ର ଧାରା ୨୩(୧)ଅନୁଯାୟୀ ପରିଚାଳନା କମିଟିର ଅବଧି ଶେଷ ପୂର୍ବରୁ ନିର୍ବାଚନ ହୋଇନପାରିଲେ ଏହା ତୁରନ୍ତ ସମବାୟ ନିବନ୍ଧକଙ୍କ ଅଧିନକୁ ଆସିବ । ତଦନୁଯାୟୀ ସମବାୟ ସମିତି ସମୂହର ନିବନ୍ଧକ ଆଜି ସୁଦ୍ଧା ୧୩ ଶୀର୍ଷ ସମବାୟ ସମିତିରେ ପ୍ରଶାସକମାନଙ୍କୁ ନିଯୁକ୍ତ କରିଥିବା ଜଣାଯାଇଛି ।

ଓମ୍‍ଫେଡ୍‍ର ପରିଚାଳନା ପାଇଁ ପ୍ରଶାସକ ଭାବେ ଉନ୍ନୟନ କମିଶନରଙ୍କୁ ନିଯୁକ୍ତି ଦିଆଯାଇଥିବାେଳେ ଓଡିଶା ରାଜ୍ୟ ସମବାୟ ବ୍ୟାଙ୍କ୍‍ରେ ସମବାୟ ସଚିବଙ୍କୁ ନିଯୁକ୍ତି ମିଳିଛି । ସେହିଭଳି ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ବିଭାଗର ସଚିବଙ୍କୁ ବୟନିକା ଏବଂ ସେରିଫେଡ୍‍ର ପ୍ରଶାସକ ଭାବେ ନିଯୁକ୍ତ କରାଯାଇଛି । ସମବାୟ ବିଭାଗର ଅତିରିକ୍ତ ସଚିବଙ୍କୁ ମାର୍କଫେଡ୍‍ ପ୍ରଶାସକ ଭାବେ ନିଯୁକ୍ତି ଦିଆଯାଇଛି ।

ନିର୍ବାଚନ ହୋଇପାରି ନଥିବାରୁ ହସ୍ତଶିଳ୍ପ ଓ କୁଟୀରଶିଳ୍ପ ନିର୍ଦ୍ଦେଶକଙ୍କୁ ଓଡିଶା ରାଜ୍ୟ ହସ୍ତଶିଳ୍ପ ସମବାୟ ନିଗମର ପରିଚାଳନା ଦାୟିତ୍ୱ ଦିଆଯାଇଥିବାବେଳେ ଶିଳ୍ପ ନିର୍ଦ୍ଦେଶକଙ୍କୁ ଓଡିଶା କତା ଶିଳ୍ପ ନିଗମ ଏବଂ ଓଡିଶା ରାଜ୍ୟ ତାଳ ଗୁଡ ସମବାୟ ସଂଘର ପରିଚାଳନା ଦାୟିତ୍ୱ ପ୍ରଦାନ କରାଯାଇଛି । ମତ୍ସ୍ୟ ନିର୍ଦ୍ଦେଶକଙ୍କୁ ଓଡିଶା ରାଜ୍ୟ ମତ୍ସ୍ୟ ସମବାୟ ମହାସଂଘ (ଫିସ୍‍ଫେଡ୍‍)ର ପ୍ରଶାସକ ଭାବେ ନିଯୁକ୍ତି ଦିଆଯାଇଥିବାବେଳେ ପଶୁ ସମ୍ପଦ ଓ ପଶୁ ସେବା ନିର୍ଦ୍ଦେଶକଙ୍କୁ ଓପଲଫେଡ୍‍ର ପ୍ରଶାସକ ଭାବେ ନିଯୁକ୍ତି ମିଳିଛି ।

ଓଡିଶା ଅନୁସୂଚିତ ଜାତି ଓ ଜନଜାତି ଉନ୍ନୟନ ଅର୍ଥ ସମବାୟ ନିଗମର ପରିଚାଳନା ଦାୟିତ୍ୱ ଅନୁସୂଚିତ ଜାତି ନିର୍ଦ୍ଦେଶକଙ୍କୁ ନିଯୁକ୍ତି ଦିଆଯାଇଛି । ସେହିଭଳି ଓସ୍‍କାର୍ଡ ବ୍ୟାଙ୍କ୍‍ର ପରିଚାଳନା ଦାୟିତ୍ୱ ସମବାୟ ନିବନ୍ଧକଙ୍କ ଦପ୍ତରରେ ଥିବା ସମବାୟ ସମିତି ନିର୍ଦ୍ଦେଶକଙ୍କୁ ଦିଆଯାଇଛି ।  



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020