ଗୋଟିଏ ଦିନରେ କରୋନା ନେଲା ୫ ମୁଣ୍ଡ  ମୋଟ କରୋନା ମୃତ୍ୟୁସଂଖ୍ୟା ୩୪ ହେଲା  ମୃତକଙ୍କ ମଧ୍ୟରେ ଗଞ୍ଜାମରୁ ୩ ଓ ଖୋରଧାରୁ ୨ଜଣ  ରାଜ୍ୟରେ ୪୯୫ କରୋନା ଆକ୍ରାନ୍ତ ଚିହ୍ନଟ  ଆକ୍ରାନ୍ତଙ୍କ ମଧ୍ୟରୁ ୧୪୦ ଜଣ ସ୍ଥାନୀୟ ସଂକ୍ରମିତ  ସର୍ବାଧିକ ୨୧୬ ଆକ୍ରାନ୍ତ ଗଞ୍ଜାମରୁ ଚିହ୍ନଟ  

ଭୋଜି ଆୟୋଜନକାରୀ ହତାଶ

କରୋନା କଟକଣା ହଟିବା ଆଶାରେ ଜୁଲାଇ ମାସକୁ ବାହାଘର ତିଥି ଘୁଞ୍ଚାଇଥିବା ଅନେକ ବ୍ୟକ୍ତି ହତାଶ ହୋଇଛନ୍ତି । ବାହାଘର ଭୋଜିଭାତରେ ଜନଗହଳି ଉପରେ ରାଜ୍ୟ ସରକାର ପୂର୍ବଭଳି ଜୁଲାଇ ମାସ ପାଇଁ କଟକଣା ଜାରି ଘୋଷଣା କରିବାପରେ ଏଭଳି ଅବସ୍ଥା ସୃଷ୍ଟି ହୋଇଛି ।

କରୋନା ସଂକ୍ରମଣର ମୁକାବିଲା ପାଇଁ ଧର୍ମାନୁଷ୍ଠାନ ସହିତ ସାମାଜିକ କାର୍ଯ୍ୟକ୍ରମ ଉପରେ କଡା କଟକଣା ଜାରି ହୋଇଛି । ପଞ୍ଚମ ପର୍ଯ୍ୟାୟ ଲକ୍‍ଡାଉନ୍‍ରେ ଏହା ଜୁନ୍‍ ୩୦ ତାରିଖ ପର୍ଯ୍ୟନ୍ତ ବଳବତ୍ତର ରହିଥିଲା । କଟକଣା ଅନୁଯାୟୀ ବାହାଘର ଭୋଜିରେ ସର୍ବାଧିକ ୫୦ଜଣ ବ୍ୟକ୍ତି ଯୋଗଦାନ କରିବେ ଓ ଏଥିପାଇଁ ସ୍ଥାନୀୟ ପ୍ରଶାସନ ଠାରୁ ଅନୁମତି ନେବାକୁ ପଡିବ । ତେବେ ମନ୍ଦିର ଗୁଡିକ ବନ୍ଦ ରହିଥିବାରୁ ବାହାଘର ସ୍ଥିର କରିଥିବା ଅନେକ ଅଭିଭାବକ ଜୁଲାଇ ମାସରେ ଥିବା ତିଥିକୁ ବାହାଘର ଓ ଭୋଜିଭାତ ଘୁଞ୍ଚାଇ ଦେଇଥିଲେ । ସେହିଭଳି ଶନିବାର ଓ ରବିବାର ସଟ୍‍ଡାଉନ୍‍ ରହୁଥିବାରୁ ବି ଅନେକ ବିବାହ ତାରିଖ ଜୁଲାଇକୁ ରଖିଥିଲେ ।

ହେଲେ ରାଜ୍ୟ ସରକାର ଆଜି ଜୁଲାଇ ମାସପାଇଁ କଟକଣା ଜାରି ଘୋଷଣା କରିବାପରେ ଅନେକ ହତାଶ ହୋଇଛନ୍ତି । ଭୋଜିଭାତ ପାଇଁ ଟେଣ୍ଟହାଉସ୍‍, ମାଛ, ମାଂସ ଠାରୁ ଆରମ୍ଭକରି ବାଜା, ବାଣ ଆଦି ପାଇଁ ବଇନା ଦେଇଥିବା ଲୋକେ ମୁଣ୍ଡରେ ହାତଦେଇ ବସିଛନ୍ତି । କାରଣ ରାଜ୍ୟ ସରକାର ଜୁଲାଇ ମାସରେ ଧରପଗଡକୁ ଜୋରଦାର ହେବବୋଲି ଖୋଲାଖୋଲି ଭାବେ କହିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଜୁଲାଇ ମାସ ପାଇଁ ରଣନୀତି ଘୋଷଣା ସମୟରେ ଏଭଳି ସୂଚନା ଦେଇଥିଲେ ।

ଚଳିତ ମାସରେ ଏକାଧିକ ବିବାହ ତିଥି ଥିବାରୁ ଅନେକ ବର ଓ କନ୍ୟା ପିତା ମଣ୍ଡପ ଓ ହୋଟେଲ ଆଦି ବୁକିଂ କରିଦେଇଥିଲେ । ବନ୍ଧୁ ବାନ୍ଧବଙ୍କୁ ବି ଖବର ଦେଇଥିଲେ । ବଡ ଆଶା ଥିଲା ଭୋଜିରେ ଏକାଧିକ ବନ୍ଧୁବାନ୍ଧବ ଯୋଗ ଦେବେ । ତେବେ ରାଜ୍ୟ ସରକାର ଯେଭଳି ଭାବେ ରାତ୍ରୀକାଳୀନ କର୍ଫ୍ୟୁରେ ୨ଘଣ୍ଟା କୋହଳ କରିଛନ୍ତି ଓ ରାଜ୍ୟର ୧୦ଟି ଜିଲ୍ଲାରେ ଜୁନ୍‍ ମାସ ଭଳି ଶନିବାର ଓ ରବିବାର ସଟ୍‍ଡାଉନ୍‍ ରହିବ ବୋଲି ଘୋଷଣା କରିଛନ୍ତି ତାହା ବାହାଘର ପାଇଁ ପ୍ରସ୍ତୁତ ହେଉଥିବା ଲୋକଙ୍କୁ ଅଡୁଆ ସ୍ଥିତିରେ ପକାଇ ଦେଇଛି ।

ଚଳିତମାସରେ ବାହାଘର ଭୋଜିଭାତ ପାଇଁ ଆଗୁଆ ବଇନା ଦେଇଥିବା ବ୍ୟକ୍ତି ଏବେ ସେମାନଙ୍କ ଅର୍ଥ କିଭଳି ଫେରି ପାଇବେ ଓ ଅଳ୍ପ ବନ୍ଧୁବାନ୍ଧବରେ କିଭଳି କେଉଁଠି ବାହାଘର କରିବେ ସେହି ଚିନ୍ତାରେ ପଡିଛନ୍ତି । ମନ୍ଦିର ଖୋଲାଥିଲେ ଅଳ୍ପ ଲୋକରେ ବାହାଘର ସମ୍ପନ୍ନ ହୋଇଥାନ୍ତା ବୋଲି ଅନେକ ବ୍ୟକ୍ତି ମତ ଦେଉଥିବାବେଳେ ଧର୍ମାନୁଷ୍ଠାନ ଉପରେ ସରକାରଙ୍କ କଟକଣା ଯୋଗୁଁ ତାହା ହୋଇପାରୁ ନାହିଁ । ସେହିଭଳି ଜୋନ୍‍ ୧ରେ ଥିବା ଜିଲ୍ଲା ଗୁଡିକ ମଧ୍ୟରେ ଗାଡି ଚଳାଚଳରେ କଟକଣା ବଳବତ୍ତର ରହିବ ବୋଲି ସରକାର ଘୋଷଣା କରିବାପରେ ଅନେକ ହତାଶ ହୋଇପଡିଛନ୍ତି ।  



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020