ଅଭିଜିତ ଆୟାର ମିତ୍ରଙ୍କ ମନ୍ତବ୍ୟର ତଦନ୍ତ ଲାଗି ଗୃହ କମିଟି ଗଠିତ   ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ଏହି କମିଟିରେ ଅଛନ୍ତି ୫ ବିଧାୟକ  କମିଟି ତାହାର ରିପୋର୍ଟ ଆସନ୍ତା ବିଧାନସଭା ଅଧିବେଶନର ପ୍ରଥମ କିମ୍ବା ଦ୍ୱିତୀୟ ଦିନ ଦେବାକୁ ବାଚସ୍ପତିଙ୍କ ନିର୍ଦ୍ଦେଶ  ବିଧାନସଭାର ମୌସୁମୀ ଅଧିବେଶନ ଶେଷ  ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖିଲେ ବାଚସ୍ପତି ପ୍ରଦୀପ ଅମାତ  ସେପ୍ଟେମ୍ବର ୪ରୁ ଆରମ୍ଭ ହୋଇଥିଲା ମୌସୁମୀ ଅଧିବେଶନ  

ମାଛର ହେବ ଯାଞ୍ଚ

ଓଡିଶା ବଜାରକୁ ଆସୁଥିବା ମାଛକୁ ରାଜ୍ୟ ସରକାର ଯାଞ୍ଚ କରିବେ । ଆନ୍ଧ୍ରରୁ ମାଛ ଆମଦାନୀ ଉପରେ ଆସାମ ସରକାର କଟକଣା ଲଗାଇବା ପରେ ଓଡିଶା ସରକାର ଏଭଳି ପଦକ୍ଷେପ ନେବାକୁ ଯାଉଥିବା ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ପ୍ରଦୀପ ମହାରଥୀ ସୂଚନା ଦେଇଛନ୍ତି ।

ମନ୍ତ୍ରୀ କହିଛନ୍ତି ଯେ ଏ ସଂକ୍ରାନ୍ତରେ ମତ୍ସ୍ୟ ଓ ପଶୁ ସମ୍ପଦ ବିକାଶ ବିଭାଗ ସଚିବଙ୍କୁ ନିର୍ଦ୍ଦେଶ ଦିଆଯାଇଛି । ବିଭାଗୀୟ ନିର୍ଦ୍ଦେଶକଙ୍କ ସହିତ ଆଲୋଚନା କରି ଏ ଦିଗରେ ପଦକ୍ଷେପ ଗ୍ରହଣ କରିବେ ।

ଏଠାରେ ଉଲ୍ଲେଖ କରାଯାଇପାରେ ଯେ ମାଛକୁ ତାଜା ରଖିବା ପାଇଁ ଶବ ସଂରକ୍ଷଣରେ ବ୍ୟବହାର ହେଉଥିବା ବିଷାକ୍ତ ରସାୟନିକ ପଦାର୍ଥ ‘ଫର୍ମାଲିନ’ ବୋଳା ହେଉଥିବା ଅଭିଯୋଗରେ ଆନ୍ଧ୍ର ଓ ଅନ୍ୟ ରାଜ୍ୟରୁ ଆସୁଥିବା ମାଛ ବିକ୍ରି ଉପରେ ଆସାମ ସରକାର ଆଗାମୀ ୧୦ ଦିନ ପର୍ଯ୍ୟନ୍ତ କଟକଣା ଲଗାଇଛନ୍ତି ।

ବଜାରରେ ମିଳୁଥିବା କେତେକ ମାଛ ନମୂନାକୁ ଆସାମ ସରକାର ପରୀକ୍ଷା କରିବାପରେ ଏଭଳି କଡା ପଦକ୍ଷେପ ଗ୍ରହଣ କରିଛନ୍ତି । ଏଭଳି ମାଛ ବିକ୍ରି ଉପରେ ପଦକ୍ଷେପ ନେବାକୁ ଜିଲ୍ଲାପାଳ ଓ ଖାଦ୍ୟ ସୁରକ୍ଷା ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି ।

ସରକାରୀ ନିର୍ଦ୍ଦେଶ ଅବମାନନା କରି ଯେଉଁମାନେ ସେଠାରେ ମାଛ ବିକ୍ରି କରିବେ ସେମାନଙ୍କୁ ଜେଲ ଦଣ୍ଡ ସହିତ ମୋଟା ଅଙ୍କର ଜୋରିମାନା ଦେବାକୁ ପଡିବ ।

ଫର୍ମାଲିନ ଲେପନ ଦ୍ୱାରା ଶବ ଭଳି ମାଛ ଅଧିକ ଦିନ ସତେଜ ରହୁଥିବାରୁ ମତ୍ସ୍ୟଚାଷୀ ବିଶେଷକରି ମତ୍ସ୍ୟ ରପ୍ତାନୀକାରୀମାନେ ତାହାକୁ ବ୍ୟବହାର କରୁଥିବା ଅଭିଯୋଗ ହେଉଛି ।

ଫର୍ମାଲିନ ଖାଦ୍ୟ ମାଧ୍ୟମରେ ମଣିଷ ଶରୀରରେ ପ୍ରବେଶ କଲେ ଏହା ମାରାତ୍ମକ କର୍କଟ ରୋଗର କାରଣ ହେବବୋଲି ବିଶେଷଜ୍ଞମାନେ ବାରମ୍ବାର ସୂଚାଇବାରେ ଲାଗିଛନ୍ତି ।

ପୂର୍ବରୁ ମଧ୍ୟ ଏ ନେଇ ବିଭିନ୍ନ ସୋସିଆଲ ମିଡିଆ ଓ ଗଣମାଧ୍ୟମରେ ଖବର ପ୍ରକାଶ ପାଇ ଆସୁଥିଲା । ହେଲେ ଏବେ ଆସାମ ସରକାର ଆନ୍ଧ୍ର ମାଛ ଉପରେ କଟକଣା ଲଗାଇବାରେ ଓଡିଶା ସରକାର ତତ୍ପର ହୋଇ ଉଠିଛନ୍ତି ।