ଅଭିଜିତ ଆୟାର ମିତ୍ରଙ୍କ ମନ୍ତବ୍ୟର ତଦନ୍ତ ଲାଗି ଗୃହ କମିଟି ଗଠିତ   ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ଏହି କମିଟିରେ ଅଛନ୍ତି ୫ ବିଧାୟକ  କମିଟି ତାହାର ରିପୋର୍ଟ ଆସନ୍ତା ବିଧାନସଭା ଅଧିବେଶନର ପ୍ରଥମ କିମ୍ବା ଦ୍ୱିତୀୟ ଦିନ ଦେବାକୁ ବାଚସ୍ପତିଙ୍କ ନିର୍ଦ୍ଦେଶ  ବିଧାନସଭାର ମୌସୁମୀ ଅଧିବେଶନ ଶେଷ  ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖିଲେ ବାଚସ୍ପତି ପ୍ରଦୀପ ଅମାତ  ସେପ୍ଟେମ୍ବର ୪ରୁ ଆରମ୍ଭ ହୋଇଥିଲା ମୌସୁମୀ ଅଧିବେଶନ  

ବିଶ୍ୱ ତାଲିକାରେ ଭୁବନେଶ୍ୱର

ବିଶ୍ୱର ୫୦ଟି ସ୍ମାର୍ଟସିଟି ତାଲିକାରେ ସ୍ଥାନପାଇଛି ଭୁବନେଶ୍ୱର ସହର । ଇଡେନ୍‍ ଷ୍ଟ୍ରାଟେଜି ଇନ୍‍ଷ୍ଟିଟ୍ୟୁଟ ଦ୍ୱାରା ବିଶ୍ୱର ୧୪୦ଟି ବିକଶିତ ସ୍ମାର୍ଟସିଟିକୁ ନେଇ ଏହି ସର୍ଭେ କରାଯାଇଥିଲା ।

ତାଲିକାର ପ୍ରଥମ ସ୍ଥାନରେ ଲଣ୍ଡନ ଥିବାବେଳେ ଦ୍ୱିତୀୟ ସ୍ଥାନରେ ସିଙ୍ଗାପୁର ରହିଛି । ତୃତୀୟ ସ୍ଥାନରେ ଦକ୍ଷିଣ କୋରିଆର ସିଓଲ ସ୍ମାର୍ଟସିଟି ସ୍ଥାନ ପାଇଛି । ଚତୁର୍ଥ ସ୍ଥାନରେ ନ୍ୟୁୟର୍କ ସହର ରହିଛି ।

ଏହି ତାଲିକାର ୩୨ତମ ସ୍ଥାନରେ ଅହମଦାବାଦ ସହିତ ମିଳିତ ଭାବେ ଭୁବନେଶ୍ୱର ସ୍ମାର୍ଟସିଟି ସ୍ଥାନ ପାଇଛି । ତାଲିକାର ୨୩ତମ ସ୍ଥାନରେ ନୂଆଦିଲ୍ଲୀ ଥିବାବେଳେ ୨୭ତମ ସ୍ଥାନରେ ସୁରଟ ରହିଛି । ୩୪ତମ ସ୍ଥାନରେ ଜୟପୁର ଥିବାବେଳେ ପୁଣେକୁ ୩୬ତମ ସ୍ଥାନ ମିଳିଛି ।

ବିଶ୍ୱ ସ୍ତରରେ କରାଯାଇଥିବା ଏହି ସର୍ବେକ୍ଷଣରେ ପ୍ୟାରିସ୍‍ ଭଳି ସହରକୁ ୪୬ ନମ୍ବରରେ ସ୍ଥାନ ମିଳିଥିବାବେଳେ ଦୁବାଇ ରହିଛି ୪୦ତମ ସ୍ଥାନରେ ।

ମୋଟ୍‍ ୧୦ଟି ମାନଦଣ୍ଡ ଆଧାରରେ ଏହି ସର୍ବେକ୍ଷଣ ହୋଇଥିବାବେଳେ ଏଥି ମଧ୍ୟରେ ସ୍ମାର୍ଟସିଟିର ଲକ୍ଷ୍ୟ, ନେତୃତ୍ୱ, ବଜେଟ୍‍ ବ୍ୟବସ୍ଥା, ବିଭିନ୍ନ ଯୋଜନାକୁ ସହାୟତା, ଜନମଙ୍ଗଳକାରୀ ପଦକ୍ଷେପ ଓ ସ୍ମାର୍ଟ ପୁଲିସ୍‍ ବ୍ୟବସ୍ଥା ଆଦି ରହିଛି ।

ଏଠାରେ ଉଲ୍ଲେଖ କରାଯାଇପାରେ ଯେ ପୂର୍ବରୁ ଭୁବନେଶ୍ୱର ସ୍ମାର୍ଟସିଟି ଜାତୀୟ ସ୍ତରରେ ଏକ ନମ୍ବର ପୁରସ୍କାର ହାସଲରେ ସକ୍ଷମ ହୋଇସାରିଛି ।