୭୬ ଆକ୍ରାନ୍ତଙ୍କ ମଧ୍ୟରୁ ୭୪ କ୍ୱାରେଣ୍ଟାଇନ୍‍ କେନ୍ଦ୍ରର  ମୋଟ ଆକ୍ରାନ୍ତଙ୍କ ସଂଖ୍ୟା ୧୫୯୩  ରାଜ୍ୟରେ ୭୬ ନୂଆ କରୋନା ଆକ୍ରାନ୍ତ ଚିହ୍ନଟ  ନୂଆ ଆକ୍ରାନ୍ତଙ୍କ ମଧ୍ୟରେ ବଲାଙ୍ଗିରରେ ୧୬, ଖୋରଧା ଓ ନୂଆପଡାରେ ୧୩ କରି, କଟକରେ ୧୧ ଓ ଗଞ୍ଜାମରେ ୧୦  

ହଲମାର୍କ ପାଇଁ ବର୍ଷେ ସମୟ

ଜାନୁଆରୀ ୧୫ ତାରିଖରେ ସୁନା ଗହଣରେ ବାଧ୍ୟତାମୂଳକ ହଲମାର୍କିଂ ଲାଗି ବିଜ୍ଞପ୍ତି ପ୍ରକାଶ ପାଇବ । ଏହାର ଠିକ୍‍ ବର୍ଷକ ପରେ ଅର୍ଥାତ୍‍ ଆସନ୍ତା୧୫ ଜାନୁଆରୀ ୨୦୨୧ ତାରିଖଠାରୁ ଏହି ନିୟମ ସମ୍ପୂର୍ଣ୍ଣ ଭାବେ ବାଧ୍ୟତାମୂଳକ ହେବ । ନିୟମ ଲାଗୁକରିବା ନିମନ୍ତେ ଗୋଟିଏ ବର୍ଷର ସମୟ ଦିଆଯିବ ବୋଲି ସୂଚନା ଦେଇଛନ୍ତି କେନ୍ଦ୍ର ଉପଭୋକ୍ତା ବ୍ୟାପାର, ଖାଦ୍ୟ ଓ ସାଧାରଣ ବଂଟନ ମନ୍ତ୍ରୀ ରାମବିଳାସ ପାସୱାନ ।

ଆଜି ଏ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ଶ୍ରୀ ପାସୱାନ କହିଛନ୍ତି ଯେ, ସୁନା ଅଳଙ୍କାର ଓ କଳାକୃତିରେ ହଲମାର୍କିଂକୁ ବାଧ୍ୟତାମୂଳକ କରିବାଲାଗି କେନ୍ଦ୍ର ସରକାର ନିଷ୍ପତି ନେଇଛନ୍ତି । ଏହି ନିଷ୍ପତି ଫଳରେ ଅଳଙ୍କାରର ଶୁଦ୍ଧତା ବଜାୟ ରହିବା ସହିତ ଅଳଙ୍କାର କିଣିବା ସମୟରେ ଗ୍ରାହକମାନେ ଆଉ ଠକାମିରେ ପଡ଼ିବେ ନାହିଁ । ସୁନାର ଶୁଦ୍ଧତା ନେଇ ସେମାନେ ଭଲ ଭାବେ ସୂଚୀତ ହୋଇପାରିବେ ।

ବର୍ତମାନ କେବଳ ତିନୋଟି କ୍ୟାରେଟ ୧୪, ୧୮ ଓ ୨୨ରେ ସୁନା ଅଳଙ୍କାର ମିଳିବ ଓ ଏହାଦ୍ୱାରା ଦୁର୍ନୀତି ଦୂରହେବ । ହଲମାର୍କିଂ ବାଧ୍ୟତାମୂଳକ ହେବା ପରେ ଏହାର ଉଲ୍ଲଙ୍ଘନ କ୍ଷେତ୍ରରେ୧ ଲକ୍ଷ ଟଙ୍କାଠାରୁ ଆରମ୍ଭ କରି ଠକାମି ହୋଇଥିବା ଗହଣାର ୫ ଗୁଣା ମୂଲ୍ୟ ପର୍ଯ୍ୟନ୍ତ ଜୋରିମାନା କିମ୍ବା ଜେଲ ଦଣ୍ଡ ବିଧାନ କରାଯିବବୋଲି ମନ୍ତ୍ରୀ ସୂଚନା ଦେଇଥିଲେ ।

ଏହି ବାଧ୍ୟତାମୂଳକ ନିୟମ ପାଇଁ ୧ବର୍ଷର ସମୟ ଦିଆଯିବା ସମ୍ପର୍କରେ ସୂଚନା ଦେଇ ଶ୍ରୀ ପାସୱାନ କହିଥିଲେ ଯେ, ଏହି ଅବଧି ମଧ୍ୟରେ ଅଳଙ୍କାର ବ୍ୟବସାୟୀମାନେ ସେମାନଙ୍କ ପଞ୍ଜିକରଣ ପ୍ରକ୍ରିୟା ପୂରଣ କରିପାରିବେ । ଏହାଛଡ଼ା ଅଳଙ୍କାର ବ୍ୟବସାୟୀ ଓ ଖୁଚୁରା ବ୍ୟବସାୟୀମାନେ ସେମାନଙ୍କ ପୁରୁଣା ସାମଗ୍ରୀକୁ ବିକ୍ରିକରିବାଲାଗି ସମୟ ପାଇବେ । ଏହି ସମୟ ମଧ୍ୟରେ ବିଭିନ୍ନ ଘରୋଇ ଉଦ୍ୟୋଗୀଙ୍କ ଦ୍ୱାରା ଅତିରିକ୍ତ ଧାତୁ ପରୀକ୍ଷଣ ଓ ହଲମାର୍କିଂ କେନ୍ଦ୍ର ପ୍ରତିଷ୍ଠା କରାଯାଇପାରିବ ।

ଏଗୁଡ଼ିକ ଚାହିଦା ଅନୁଯାୟୀ ଦେଶର ବିଭିନ୍ନ ସ୍ଥାନରେ ପ୍ରତିଷ୍ଠା କରାଯିବ । ତେବେ ଯେଉଁଠି ଏହି କେନ୍ଦ୍ର ନଥିବ ସେହି ଅଂଚଳକୁ ଅଧିକ ପ୍ରାଥମିକତା ଦିଆଯିବ । ୩୧ ଡିସେମ୍ବର, ୨୦୧୯ ସୁଦ୍ଧା ମିଳିଥିବା ତଥ୍ୟ ଅନୁଯାୟୀ ଦେଶର ୨୩୪ଟି ଜିଲ୍ଲାରେ ୮୯୨ଟି ଧାତୁ ପରୀକ୍ଷଣ ଏବଂ ହଲମାର୍କ କେନ୍ଦ୍ର ରହିଛି ଏବଂ ୨୮,୮୪୯ ଜଣ ଅଳଙ୍କାର ବ୍ୟବସାୟୀ ଭାରତୀୟ ମାନକବ୍ୟୁରୋ (ବିଆଇଏସ)ରେ ପଞ୍ଜିକୃତ ହୋଇ ସାରିଛନ୍ତି ।

୨୦୧୮ ଜୁନ୍‍ମାସରୁ ବିଆଇଏସ (ହଲମାର୍କିଂ) ନିୟାମକ, ୨୦୧୮ ବିଜ୍ଞପ୍ତି ଜାରି ହୋଇଥିଲା । ଏପ୍ରିଲ ୨୦୦୦ ପରଠାରୁ ବିଆଇଏସ ପକ୍ଷରୁ ସୁନା ଅଳଙ୍କାରର ହଲମାର୍କିଂ ବ୍ୟବସ୍ଥା କରାଯାଇଛି । ବିଆଇଏସ ଆଇନ ୨୦୧୬ର ଧାରା ୧୪ ଏବଂ ଧାରା ୧୬ ଅନ୍ତର୍ଗତ କେନ୍ଦ୍ର ସରକାରଙ୍କ ଦ୍ୱାରା ସୁନା ଅଳଙ୍କାର ଓ କଳାକୃତି ଗୁଡ଼ିକର ହଲମାର୍କିଂକୁ ବାଧ୍ୟତାମୂଳକ କରାଯାଇଛି । ଫଳରେ କେବଳ ହଲମାର୍କଯୁକ୍ତ ସୁନାଅଳଙ୍କାର ଓ କଳାକୃତି ବିକ୍ରିକରିବା ବିଆଇଏସରେ ପଞ୍ଜିକୃତ ହେବାକୁ ସମସ୍ତ ଅଳଙ୍କାର ବ୍ୟବସାୟୀଙ୍କ ପାଇଁ ବାଧ୍ୟତାମୂଳକ କରି ଦିଆଯାଇଛି ।

ଗ୍ରାହକଙ୍କ ଜାଣିବାଲାଗି ଅଳଙ୍କାର ଉପରେ କ୍ୟାରେଟ ଉଲ୍ଲେଖ କରାଯିବ- ୨୨ କ୍ୟାରେଟ ଅଳଙ୍କାର ପାଇଁ ୨୨କେ ସହିତ ୯୧୬, ୧୮ କ୍ୟାରେଟ ପାଇଁ ୧୮କେ ସହିତ ୭୫୦ ଏବଂ ୧୪ କ୍ୟାରେଟ ଅଳଙ୍କାର ପାଇଁ ୧୪ କେ ସହିତ ୫୮୫ ରହିବ । ହଲମାର୍କ ଯୁକ୍ତ ସୁନା ଅଳଙ୍କାର ଉପରେ ୪ଟି ଚିହ୍ନ ରହିବ, ଯଥା-ବିଆଇଏସ ଚିହ୍ନ, କ୍ୟାରେଟରେ ଶୁଦ୍ଧତା ଓ ସ୍ୱଚ୍ଛତା, ପରୀକ୍ଷଣକେନ୍ଦ୍ରର ପରିଚୟ ଚିହ୍ନଏବଂ ଅଳଙ୍କାର ବ୍ୟବସାୟୀଙ୍କ ଚିହ୍ନ ।

ସୁନା ଅଳଙ୍କାରରେ ହଲମାର୍କିଂକୁ ବାଧ୍ୟତାମୂଳକ କରିବାଲାଗି ଗ୍ରାହକ ଓ ଅଳଙ୍କାର ବ୍ୟବସାୟୀଙ୍କ ପାଇଁ ଦେଶର ବିଭିନ୍ନ ସ୍ଥାନରେ ସଚେତନତା କାର୍ଯ୍ୟକ୍ରମ ଆୟୋଜନ କରାଯିବ । ସୋସିଆଲ ମିଡିଆ ଓ ଅନ୍ୟ ମଂଚ ଜରିଆରେ ବିଆଇଏସ ଗ୍ରାହକଙ୍କ ପାଖରେ ପହଁଚିବା ଲାଗି ମଧ୍ୟ ଯୋଜନା କରୁଛି । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020