ସଚିବାଳୟ ମାର୍ଗର ନାମ ପରିବର୍ତ୍ତନ  ନୂଆ ନାମ ହେଲା ଲୋକସେବା ମାର୍ଗ  ସଚିବାଳୟର ନାମ ଲୋକସେବା ଭବନ ହେବାପରେ ରାସ୍ତାର ନାମ ବି ବଦଳିଲା  ଏଜି ଛକରୁ ଆଚାର୍ଯ୍ୟ ବିହାର ରାସ୍ତାର ନାମ ଏଣିକି ଲୋକସେବା ମାର୍ଗ  

ରକ୍ତ ଦାନ କଲେ ମନ୍ତ୍ରୀ


ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ଆଜି ତାଙ୍କ ୨୨ତମ ବିବାହ ବାର୍ଷିକୀ ଅବସରରେ ରକ୍ତଦାନ କରିଛନ୍ତି । କ୍ୟାପିଟାଲ ହସ୍ପିଟାଲ ରକ୍ତଭଣ୍ଡାରର ନିର୍ଦ୍ଦେଶକ ଡାକ୍ତର ଦେବାଶିଷ ମିଶ୍ର ଓ ତାଙ୍କ ସହକର୍ମୀ ଅନୀଲ ମହାନ୍ତି ପ୍ରମୁଖ ମନ୍ତ୍ରୀଙ୍କ ଠାରୁ ରକ୍ତ ସଂଗ୍ରହରେ ସାହାଯ୍ୟ କରିଥିଲେ ।

ଏହି ଅବସରରେ ପତ୍ନୀଙ୍କ ସମେତ ବହୁ ଶୁଭେଚ୍ଛୁ ଓ ସମର୍ଥକ ଉପସ୍ଥିତ ରହି ତାଙ୍କୁ ବିବାହ ବାର୍ଷିକୀର ଶୁଭେଚ୍ଛା ଜଣାଇଥିଲେ । ରକ୍ତଦାନ ପାଇଁ ମନ୍ତ୍ରୀ ଆଜି ଆସିବା ପରିପ୍ରେକ୍ଷୀରେ ତାଙ୍କ ଉପସ୍ଥିତିରେ ଆଉ କେତେକ ଯୁବକ ଯୁବତୀ ମଧ୍ୟ ସ୍ୱେଚ୍ଛାକୃତ ଭାବେ ଏହି ଅବସରରେ ରକ୍ତଦାନ କରିଥିଲେ ।

ଏଠାରେ ଉଲ୍ଲେଖନୀୟ ଯେ ଜାତୀୟ ଯୁବ ପ୍ରକଳ୍ପର ଅନେକ ସ୍ୱେଚ୍ଛାସେବୀ ସେମାନଙ୍କ ଜନ୍ମଦିନ ଓ ବିବାହ ବାର୍ଷିକୀରେ କ୍ୟାପିଟାଲ ହସ୍ପିଟାଲ ରକ୍ତଭଣ୍ଡାରରେ ରକ୍ତଦାନ କରି ନିଆରା ପରମ୍ପରା ସୃଷ୍ଟି କରୁଛନ୍ତି । ଯୁବ ପ୍ରକଳ୍ପର ହର ପ୍ରସାଦ ମହାପାତ୍ର, ବିକ୍ରମ ନାଏକ ପ୍ରମୁଖ ଉପସ୍ଥିତ ରହି ବିବାହ ବାର୍ଷିକୀରେ ରକ୍ତଦାନ କରିଥିବା ମନ୍ତ୍ରୀ ଶ୍ରୀ ଦାସ ଓ ଅନ୍ୟମାନଙ୍କୁ ଅଭିନନ୍ଦନ ଜଣାଇଛନ୍ତି । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2019