ଗୋଟିଏ ଦିନରେ କରୋନାରେ ରେକର୍ଡ ୧୩ ମୃତ  ରାଜ୍ୟରେ ମୋଟ୍‍ କରୋନା ମୃତ୍ୟୁସଂଖ୍ୟା ୨୭୨  ଗଞ୍ଜାମରେ ସର୍ବାଧିକ ୬ଜଣ ମୃତ  ୪୬ହଜାର ଛୁଇଁଲା କରୋନା ଆକ୍ରାନ୍ତଙ୍କ ତାଲିକା  ଗୋଟିଏ ଦିନର ୨୯ ଜିଲ୍ଲାରୁ ୧୭୩୪ ନୂଆ ଆକ୍ରାନ୍ତ ଚିହ୍ନଟ  ମୋଟ ଆକ୍ରାନ୍ତଙ୍କ ସଂଖ୍ୟା ୪୫,୯୨୭  ଖୋରଧାରେ ସର୍ବାଧିକ ୩୪୨ ଆକ୍ରାନ୍ତ ଚିହ୍ନଟ  ଗଞ୍ଜାମରେ ୨୨୨, କଟକରେ ୧୭୭, ସୁନ୍ଦରଗଡରେ ୧୨୬ ଓ ନୟାଗଡରେ ୧୦୬ ଚିହ୍ନଟ  

୬ଟି ଶିଳ୍ପକୁ ସବୁଜ ସଙ୍କେତ


ରାଜ୍ୟ ସରକାର ଆଜି ୧୭୫୩ କୋଟି ୮୨ଲକ୍ଷ ଟଙ୍କାର ପୁଞ୍ଜିବିନିଯୋଗରେ ନିର୍ମାଣ ହେବାକୁ ୬ଟି ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଛନ୍ତି । ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ଅଧ୍ୟକ୍ଷତାରେ ବସିଥିବା ୮୭ତମ ରାଜ୍ୟ ସିଙ୍ଗଲ ୱିଣ୍ଡୋ କମିଟି ବୈଠକରେ ଏହି ପ୍ରକଳ୍ପ ଗୁଡିକୁ ସବୁଜ ସଙ୍କେତ ମିଳିଥିବାବେଳେ ଏଥିରେ ମୋଟ୍‍ ୫୫୬୬ ଜଣ ନିଯୁକ୍ତି ପାଇବେ ।

ପ୍ରକଳ୍ପ ଗୁଡିକ ମଧ୍ୟରେ ୮୩୫କୋଟି ୩୪ ଲକ୍ଷ ଟଙ୍କା ପୁଞ୍ଜିବିନିଯୋଗରେ ଶ୍ରୀ ଜଗନ୍ନାଥ ଷ୍ଟିଲ ଆଣ୍ଡ ପାୱାର ଲିମିଟେଡର କେନ୍ଦୁଝର ବଡବିଲ ଠାରେ ପ୍ରସ୍ତାବିତ ଇସ୍ପାତ କାରଖାନା ରହିଛି । ଏହି ଇସ୍ପାତ ପ୍ରକଳ୍ପର ବାର୍ଷିକ ଉତ୍ପାଦନ କ୍ଷମତା ୦.୧ ନିୟୁତ ମେଟ୍ରିକ ଟନ୍‍ରୁ ୦.୩ ନିୟୁତ ମେଟ୍ରିକ ଟନ୍‍କୁ ବୃଦ୍ଧି କରାଯାଇ ପାରିବ । ଏହି ପ୍ରକଳ୍ପରେ ୫୦୧ ଜଣ କର୍ମନିଯୁକ୍ତି ପାଇପାରିବେ ।

ସେହିଭଳି ଯାଜପୁରର କଳିଙ୍ଗନଗର ଠାରେ ଇମ୍ଫା ପକ୍ଷରୁ ୫୪୭କୋଟି ୧୯ଲକ୍ଷ ଟଙ୍କା ବ୍ୟୟରେ ପ୍ରସ୍ତାବିତ ଆନୁଷଙ୍ଗିକ ଇସ୍ପାତ ଶିଳ୍ପକୁ ମଧ୍ୟ ମଞ୍ଜୁରୀ ମିଳିଛି । ପ୍ରସ୍ତାବିତ ଏହି ପ୍ରକଳ୍ପରୁ ବାର୍ଷିକ ୯୬ହଜାର ମେଟ୍ରିକ ଟନ୍‍ ଫେରୋକ୍ରୋମ ସହିତ ୧୦ ମେଗାୱାଟର ତାପଜ କେନ୍ଦ୍ର ପ୍ରତିଷ୍ଠା ହେବ । ଏହି କାରଖାନାରେ ୯୦୦ ଜଣ ନିଯୁକ୍ତି ପାଇବେ ।

ସେହିଭଳି ଖୋରଧା ଠାରେ ଜକି ଗାର୍ମେଣ୍ଟ ପକ୍ଷରୁ ୨୫୭କୋଟି ୫୦ଲକ୍ଷ ଟଙ୍କାରେ ପ୍ରସ୍ତାବିତ ଟେକ୍ସଟାଇଲ୍‍ ପ୍ରକଳ୍ପକୁ ସବୁଜ ସଙ୍କେତ ମିଳିଛି । ଏଥିରେ ସର୍ବାଧବକ ୩୫୦୦ ବ୍ୟକ୍ତି କର୍ମନିଯୁକ୍ତି ପାଇବେ । କଟକ ଜିଲ୍ଲାର ରାମଦାଶପୁର ଠାରେ ଜୟ ଭାରତ ମସଲା କମ୍ପାନୀ ପକ୍ଷରୁ ୫୦କୋଟି ୧୦ଲକ୍ଷ ଟଙ୍କା ବ୍ୟୟରେ ପ୍ରସ୍ତାବିତ ଖାଦ୍ୟ ପ୍ରକ୍ରିୟାକରଣ ଶିଳ୍ପରେ ୫୫୦ ଜଣଙ୍କ ପାଇଁ ନିଯୁକ୍ତି ସୁଯୋଗ ରହିଛି । ଏହି କାରଖାନାରେ ଆଳୁ ଚିପ୍ସ, ପ୍ୟାକେଜିଂ ଓ ଗୋଦାମ ଆଦି ରହିବ ।

ଶ୍ରୀ ମାଲାନି ଫୋମ୍‍ ପକ୍ଷରୁ ଖୋରଧା ଠାରେ ୧୦କୋଟି ଟଙ୍କା ବ୍ୟୟରେ ପ୍ରସ୍ତାବିତ ପ୍ଲାଷ୍ଟିକ କାରଖାନାକୁ ମଞ୍ଜୁରୀ ମିଳିଛି । ଏଥିରେ ୨୫ଜଣଙ୍କୁ କର୍ମସଂସ୍ଥାନ ମିଳିପାରିବ । ଏହି କାରଖାନାରେ ବାର୍ଷିକ ୫ ଟନ୍‍ କ୍ଷମତା ବିଶିଷ୍ଟ ଆରବିଏଫ୍‍ ରହିବ । ସେହିଭଳି ଯାଜପୁର ଜିଲ୍ଲା କଳିଙ୍ଗନଗରର ବାରଗାଡିଆ ଠାରେ ଦେଓ ରେସିଡେନ୍ସି ଆଣ୍ଡ ରିସର୍ଟ ୫୩କୋଟି ୬୯ଲକ୍ଷ ଟଙ୍କା ବ୍ୟୟରେ ତାହାର ହୋଟେଲକୁ ସମ୍ପ୍ରସାରଣ ପାଇଁ ଥିବା ପ୍ରସ୍ତାବକୁ ବି ମଞ୍ଜୁରୀ ମିଳିଛି । ଏହି ପର୍ଯ୍ୟଟନ ପ୍ରକଳ୍ପରେ ୯୦ ଜଣଙ୍କୁ ନିଯୁକ୍ତି ମିଳିବ । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020