ସଚିବାଳୟ ମାର୍ଗର ନାମ ପରିବର୍ତ୍ତନ  ନୂଆ ନାମ ହେଲା ଲୋକସେବା ମାର୍ଗ  ସଚିବାଳୟର ନାମ ଲୋକସେବା ଭବନ ହେବାପରେ ରାସ୍ତାର ନାମ ବି ବଦଳିଲା  ଏଜି ଛକରୁ ଆଚାର୍ଯ୍ୟ ବିହାର ରାସ୍ତାର ନାମ ଏଣିକି ଲୋକସେବା ମାର୍ଗ  

କାଳିଆ ଯାଞ୍ଚ ସମୟ ବଢ଼ିଲା

କାଳିଆ ହିତାଧିକାରୀଙ୍କ ତାଲିକା ଯାଞ୍ଚ ଅବଧି ବଢାଇ ଦିଆଯାଇଛି । ଏହି ଯାଞ୍ଚର ଶେଷ ତାରିଖ ଥିଲା ୧୪ ଅଗଷ୍ଟ ବୁଧବାର ଥିଲା । କିନ୍ତୁ ଏହି ଅବଧି ବୃଦ୍ଧି ହୋଇ ଅଗଷ୍ଟ ୨୭ ଯାଏଁ ସମୟ ଦିଆଯାଇଛି । କାଳିଆ ଯୋଜନା ସମୀକ୍ଷା ପରେ କୃଷି ଓ କୃଷକ ସଶକ୍ତିକରଣ ମନ୍ତ୍ରୀ ଅରୁଣ କୁମାର ସାହୁ ଆଜି ଏହି ସୂଚନା ଦେଇଛନ୍ତି ।

ରାଜ୍ୟରେ କୃଷକମାନଙ୍କୁ ସହାୟତା ମାଧ୍ୟମରେ ସେମାନଙ୍କର ଆର୍ଥିକ ଓ ସାମାଜିକ ଅଭିବୃଦ୍ଧି ପାଇଁ ରାଜ୍ୟ ସରକାର କାଳିଆ ଯୋଜନା ପ୍ରଚଳନ କରିଛନ୍ତି । କିନ୍ତୁ ଏହି କାଳିଆ ଯୋଜନାରେ ଯେଉଁ ଯୋଗ୍ୟ ହିତାଧିକାରୀଙ୍କ ନାମ ପ୍ରକାଶ ପାଇଥିଲା ସେଥିରେ ଅନେକ ଅଯୋଗ୍ୟ ହିତାଧିକାରୀ ଲାଭ ପାଇଛନ୍ତି ।

ତେଣୁ ଯୋଗ୍ୟ ହିତାଧିକାରୀଙ୍କୁ ଖୋଜି ବାହାର କରି ତାଲିକାରେ ସାମିଲ କରିବାକୁ ପଞ୍ଚାୟତ, ବ୍ଲକ ଓ ଜିଲ୍ଲା ସ୍ତରରେ କମିଟି ଗଠନ କରାଯାଇ ସମୟ ସୀମା ଦିଆଯାଇଥିଲା । କାଳିଆ ଯୋଜନା ଯୋଗ୍ୟ ହିତାଧିକାରୀଙ୍କ ତାଲିକା ଯାଞ୍ଚର ଶେଷ ତାରିଖ ଥିଲା ଅଗଷ୍ଟ ୧୪ । କିନ୍ତୁ ଏହି ଅବଧିକୁ ଆଜି ବଢ଼ାଇ ଅଗଷ୍ଟ ୨୭ ଯାଏଁ ସମୟ ଦିଆଯାଇଛି ।

ଆସନ୍ତା ୨୭ରେ ପଞ୍ଚାୟତ, ୨୯ରେ ବ୍ଲକ ଓ ୩୧ରେ ଜିଲ୍ଲାସ୍ତରରେ ଯାଞ୍ଚ ଶେଷ କରାଯିବ । ବର୍ତମାନ ସୁଦ୍ଧା ୫୧ଲକ୍ଷ ହିତାଧିକାରୀଙ୍କ ମଧ୍ୟରୁ ମାତ୍ର ୧୩ ଲକ୍ଷଙ୍କୁ ଯାଞ୍ଚ କରାଯାଇଛି । ଏହା ସହ ଯେଉଁ ଅଯୋଗ୍ୟ ହିତାଧିକାରୀ ଏହି ତାଲିକାରେ ସ୍ଥାନ ପାଇ ପ୍ରଥମ କିସ୍ତି ଟଙ୍କା ପାଇଛନ୍ତି ସେମାନେ ପରବର୍ତୀ କାଳିଆ କିସ୍ତି ପାଇବେନି ବୋଲି ମନ୍ତ୍ରୀ ଶ୍ରୀ ସାହୁ କହିଛନ୍ତି ।  



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2019