ଗୋଟିଏ ଦିନରେ କରୋନାରେ ରେକର୍ଡ ୧୩ ମୃତ  ରାଜ୍ୟରେ ମୋଟ୍‍ କରୋନା ମୃତ୍ୟୁସଂଖ୍ୟା ୨୭୨  ଗଞ୍ଜାମରେ ସର୍ବାଧିକ ୬ଜଣ ମୃତ  ୪୬ହଜାର ଛୁଇଁଲା କରୋନା ଆକ୍ରାନ୍ତଙ୍କ ତାଲିକା  ଗୋଟିଏ ଦିନର ୨୯ ଜିଲ୍ଲାରୁ ୧୭୩୪ ନୂଆ ଆକ୍ରାନ୍ତ ଚିହ୍ନଟ  ମୋଟ ଆକ୍ରାନ୍ତଙ୍କ ସଂଖ୍ୟା ୪୫,୯୨୭  ଖୋରଧାରେ ସର୍ବାଧିକ ୩୪୨ ଆକ୍ରାନ୍ତ ଚିହ୍ନଟ  ଗଞ୍ଜାମରେ ୨୨୨, କଟକରେ ୧୭୭, ସୁନ୍ଦରଗଡରେ ୧୨୬ ଓ ନୟାଗଡରେ ୧୦୬ ଚିହ୍ନଟ  

ପୁଞ୍ଜି ଖଟାଇବ ଏଚ୍‍ପିଏଲ୍‍


ହଳଦିଆ ପେଟ୍ରୋ କେମିକାଲ୍ସ (ଏଚ୍‍ପିଏଲ୍‍) ପକ୍ଷରୁ ଓଡିଶାରେ ପ୍ରାୟ ୭୮ହଜାର କୋଟି ଟଙ୍କାର ପୁଞ୍ଜି ବିନିଯୋଗ ହେବ । ବାଲେଶ୍ୱର ଜିଲ୍ଲାରେ ହାଇଡ୍ରୋକାର୍ବନ ପ୍ରକ୍ରିୟାକରଣ କମ୍ପେ୍ଲକ୍ସ ନିର୍ମାଣ ଲାଗି ଏଚ୍‍ପିଏଲ ଏହି ଅର୍ଥ ଖଟାଇବ ।

ଦେଶର ଅନ୍ୟତମ ବୃହତମ ପେଟ୍ରୋକେମିକାଲ ସଂସ୍ଥା ଏଚ୍‍ପିଏଲ୍‍ ବାଲେଶ୍ୱରରେ ନିର୍ମାଣ ହେବାକୁ ଥିବା ସୁବର୍ଣ୍ଣରେଖା ବନ୍ଦର ନିକଟରେ ଲାଇଟ କ୍ରୁଡ୍‍ ଅଏଲ ରିଫାଇନାରୀ, ଆରୋମାଟିକ କମ୍ପେ୍ଲକ୍ସ ଏବଂ ଇଥାନଲ କ୍ରାକର କମ୍ପେ୍ଲକ୍ସ ଆଦି ନିର୍ମାଣ କରିବାର ପ୍ରସ୍ତାବ ରହିଛି । ପଶ୍ଚିମବଙ୍ଗର ପୂର୍ବ ମେଦିନାପୁର ଜିଲ୍ଲାରେ ଥିବା ଏଚ୍‍ପିଏଲ୍‍ ଏବେ ଓଡିଶାରେ ବଡ ପୁଞ୍ଜି ବିନିଯୋଗ ପାଇଁ ଆଖି ପକାଇଛି ।

ଏଚ୍‍ପିଏଲ୍‍ର ବାର୍ଷିକ କାରବାର ୧୩ହଜାର କୋଟି ଟଙ୍କା ହୋଇଥିବାବେଳେ ଏହି ଗ୍ରୁପ୍‍ ୧୮ହଜାର କୋଟି ଟଙ୍କାରୁ ଅଧିକ ବ୍ୟବସାୟ କରୁଛି । ପୂର୍ବରୁ ଏଚ୍‍ପିଏଲ୍‍ ପକ୍ଷରୁ ୨୮,୭୦୦ କୋଟି ଟଙ୍କା ବ୍ୟୟରେ ସମନ୍ୱିତ ରିଫାଇନାରୀ କମ୍ପେ୍ଲକ୍ସ ନିର୍ମାଣ ପାଇଁ ପ୍ରସ୍ତାବ ଥବବାବେଳେ ତାହା ସଂଶୋଧିତ ହୋଇ ଏବେ ୭୮,୨୨୫କୋଟି ଟଙ୍କାରେ ପହଞ୍ଚିଛି । ଏହି ବୃହତ୍‍ ପ୍ରକଳ୍ପରେ ପ୍ରତ୍ୟକ୍ଷ ଓ ପରୋକ୍ଷ ଭାବେ ୧୦ହଜାର ଲୋକ ନିଯୁକ୍ତି ପାଇପାରିବେ । ଏଚ୍‍ପିଏଲ୍‍ର ପ୍ରସ୍ତାବିତ କାରଖାନା ନିର୍ମାଣ ହେଲେ ଏହାଉପରେ ନିର୍ଭର କରୁଥିବା ଆନୁଷଙ୍ଗିକ ପେଟ୍ରୋଲିୟମ ଶିଳ୍ପ ମଧ୍ୟ ଗଢିଉଠିବ ।

ଏଚ୍‍ପିଏଲ୍‍ର ପ୍ରସ୍ତାବିତ ପ୍ରକଳ୍ପ ଲାଗି ମଧ୍ୟପୂର୍ବ ଦେଶରୁ କଞ୍ଚାମାଲ ଆସିବାକୁ ଥିବାବେଳେ ଏଥିପାଇଁ ୨୫୦୦ ଏକର ଜମି ଆବଶ୍ୟକ ପଡିବ । ଏହାବାଦ୍‍ ୪୫୦ ମେଗାୱାଟ ବିଜୁଳି ଓ ୩୯ କ୍ୟୁସେକ ଜଳ ମଧ୍ୟ ଏଥିପାଇଁ ଦରକାର । ରାଜ୍ୟରେ ଅଧିକ ସାନ୍ଧ୍ରତା ଥିବା ପିଲିଥିନ୍‍, ପଲିପ୍ରୋପେଲିନ୍‍, ପଲିଭିନ କ୍ଲୋରାଇଡ୍‍ ଏବଂ ପଲିଥିନ୍‍ ଟେରିପାଥଲେଟ୍‍ର ବିପୁଳ ଚାହିଦା ରହିଛି ।

ସ୍ଥାନୀୟ ଚାହିଦାକୁ ଦୃଷ୍ଟିରେ ରଖି ଏଚ୍‍ପିଏଲ୍‍ ଏହି ପ୍ରକଳ୍ପ ବସାଇବାକୁ ସ୍ଥିର କରିଛି । ପଶ୍ଚିମବଙ୍ଗରେ ଏଚ୍‍ପିଏଲ୍‍ର ଥିବା ଅନୁରୂପ ପ୍ରକଳ୍ପରେ ବ୍ୟାପକ ନିଯୁକ୍ତି ସୁଯୋଗ ସୃଷ୍ଟି ହୋଇଛି । ଓଡିଶାରେ ଅନୁରୂପ ପ୍ରକଳ୍ପ ବସାଇବାପାଇଁ ଏଚ୍‍ପିଏଲ୍‍ ଚାହୁଁଥିବାବେଳେ ଏଥିପାଇଁ ହୋଇଥିବା ପ୍ରାରମ୍ଭିକ ସର୍ଭେରୁ ସକରାକ୍ରମ ଫଳ ମିଳିଛି ।

ଉଦାହରଣ ସ୍ୱରୂପ ୨୦୨୫ ସୁଦ୍ଧା ଓଡିଶାରେ ଉଚ୍ଚ ସାନ୍ଧ୍ରତା ଥିବା ପଲିଥିନ୍‍ର ଚାହିଦା ବାର୍ଷିକ ୧୦୦ କିଲୋ ଟନ୍‍ ରହିବ । ଅନୁରୂପ ଭାବେ ପଲିପ୍ରୋପେଲିନ୍‍ର ଚାହିଦା ବାର୍ଷିକ ୩୫୦କିଲୋ ଟନ୍‍ ଏବଂ ପିଭିସିର ଚାହିଦା ୨୦୦ କିଲୋ ଟନ୍‍ ଚାହିଦା ରହିବ ବୋଲି ସୂଚନା ମିଳିଛି । ପଲିଷ୍ଟର ଫାଇବର ଏବଂ ସୂତାର ଚାହିଦା ପ୍ରାୟ ୩୫୦ କିଲୋ ଟନ୍‍ ରହିବାକୁ ଥିବାବେଳେ ଏହା ମାଧ୍ୟମରେ ଏମ୍‍ଏସ୍‍ଏମ୍‍ଇ କ୍ଷେତ୍ରରେ ବ୍ୟାପକ ବିକାଶ ହୋଇପାରିବ ।

ଏମ୍‍ଏସ୍‍ଏମ୍‍ଇ ମନ୍ତ୍ରାଳୟ ପକ୍ଷରୁ ବାଲେଶ୍ୱରରେ ଏମ୍‍ଏସ୍‍ଏମ୍‍ଇ ଶିଳ୍ପର ବିକାଶ ଉପରେ ଗୁରୁତ୍ୱ ଦିଆଯାଉଥିବା ବିଭାଗୀୟ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ପେଟ୍ରୋକେମିକାଲ୍ସ ଶିଳ୍ପର ସ୍ଥାପନ ମାଧ୍ୟମରେ ଏମ୍‍ଏସ୍‍ଏମ୍‍ଇ କ୍ଷେତ୍ରର ବିକାଶ ଉପରେ ଗୁରୁତ୍ୱ ଦେଉଛନ୍ତି । ଓଡିଶାରେ ଏଭଳି ବୃହତ୍‍ ଶିଳ୍ପ ସ୍ଥାପନ ପାଇଁ ଆନ୍ତଃ ମନ୍ତ୍ରାଳୟ ସ୍ତରରେ ସମନ୍ୱୟର ଜରୁରୀ ଥିବାବେଳେ ଏଚ୍‍ପିଏଲ୍‍ର ପରିଚାଳନା ନିର୍ଦ୍ଦେଶକ ପୁର୍ଣ୍ଣେନ୍ଦୁ ଚାଟାର୍ଜୀ ଓଡିଶା ସରକାରଙ୍କ ବରିଷ୍ଠ ଅଧିକାରୀମାନଙ୍କ ସହ ସମ୍ପର୍କରେ ଥିବା ସୂଚନା ମିଳିଛି । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020