ଗୋଟିଏ ଦିନରେ କରୋନାରେ ରେକର୍ଡ ୧୩ ମୃତ  ରାଜ୍ୟରେ ମୋଟ୍‍ କରୋନା ମୃତ୍ୟୁସଂଖ୍ୟା ୨୭୨  ଗଞ୍ଜାମରେ ସର୍ବାଧିକ ୬ଜଣ ମୃତ  ୪୬ହଜାର ଛୁଇଁଲା କରୋନା ଆକ୍ରାନ୍ତଙ୍କ ତାଲିକା  ଗୋଟିଏ ଦିନର ୨୯ ଜିଲ୍ଲାରୁ ୧୭୩୪ ନୂଆ ଆକ୍ରାନ୍ତ ଚିହ୍ନଟ  ମୋଟ ଆକ୍ରାନ୍ତଙ୍କ ସଂଖ୍ୟା ୪୫,୯୨୭  ଖୋରଧାରେ ସର୍ବାଧିକ ୩୪୨ ଆକ୍ରାନ୍ତ ଚିହ୍ନଟ  ଗଞ୍ଜାମରେ ୨୨୨, କଟକରେ ୧୭୭, ସୁନ୍ଦରଗଡରେ ୧୨୬ ଓ ନୟାଗଡରେ ୧୦୬ ଚିହ୍ନଟ  

ଆମଦାନୀ, ରପ୍ତାନିରେ ପାରାଦୀପ୍‍ ଆଗରେ


ରାଜ୍ୟରେ ଥିବା ତିନିଟି ବନ୍ଦର ମଧ୍ୟରୁ ରପ୍ତାନି ଓ ଆମଦାନୀ କ୍ଷେତ୍ରରେ ପାରାଦୀପ ବନ୍ଦର ଢେର ଆଗରେ ରହିଛି । ଏହି ବନ୍ଦର ବାଟ ଦେଇ ୨୯ଟି ଦେଶକୁ ସାମଗ୍ରୀ ରପ୍ତାନି ହେଉଥିବାବେଳେ ୪୩ଟି ଦେଶରୁ ସାମଗ୍ରୀ ଆମଦାନୀ ହେଉଛି । ଏ କ୍ଷେତ୍ରରେ ପଛରେ ରହିଛି ଗୋପାଳପୁର ବନ୍ଦର ।

ବିଧାୟକ ଶଙ୍କର ଓରାମଙ୍କ ଏକ ପ୍ରଶ୍ନର ଉତ୍ତରରେ ଏହି ସୂଚନା ଦେଇଛନ୍ତି ରାଜ୍ୟ ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା । ମନ୍ତ୍ରୀ ଦର୍ଶାଇଛନ୍ତି ଯେ ରାଜ୍ୟରେ ତିନିଟି ବନ୍ଦର ରହିଥିବାବେଳେ ସେଥି ମଧ୍ୟରୁ ପାରାଦୀପ ବୃହତ୍‍ ବନ୍ଦର ହୋଇଥିବାବେଳେ ଧାମରା ଓ ଗୋପାଳପୁର ଛୋଟିଆ ବନ୍ଦର । ତେବେ ରିହାତି ଚୁକ୍ତିନାମାର ସର୍ତ୍ତ ଆଧାରରେ ଚଳିତ ଆର୍ଥିକ ବର୍ଷରେ ଧାମରା ବନ୍ଦର ରାଜସ୍ୱ ବାବଦକୁ ୬୩କୋଟି ୬ଲକ୍ଷ ଟଙ୍କା ପଇଠ କରିଥିବାବେଳେ ଗୋପାଳପୁର ବନ୍ଦର ଦେଇଛି ୬କୋଟି ୭ଲକ୍ଷ ଟଙ୍କା ।

ଉଭୟ ଆମଦାନୀ ଓ ରପ୍ତାନି କ୍ଷେତ୍ରରେ ପାରାଦୀପ ବନ୍ଦର ସବୁଠାରୁ ଆଗରେ ରହିଛି । ଏହି ବନ୍ଦର ବାଟଦେଇ ୨୯ଟି ଦେଶକୁ ୪୫.୯ ନିୟୁତ ମେଟ୍ରିକ ଟନ୍‍ ସାମଗ୍ରୀ ରପ୍ତାନି ହେଉଛି । ଏହିସବୁ ଦେଶ ମଧ୍ୟରେ ସିଙ୍ଗାପୁର, ଇଂଲଣ୍ଡ, ଭିଏତନାମ, ଦକ୍ଷିଣକୋରିଆ, ସୁଇଜରଲ୍ୟାଣ୍ଡ, ମଙ୍ଗୋଲିଆ, ନରୱେ, ତୁର୍କି, ଡେନମାର୍କ, ଇଜିପ୍ଟ ଆଦି ରହିଛନ୍ତି । ଏହିସବୁ ଦେଶକୁ ପାରାଦୀପ ବାଟ ଦେଇ ଚୂନପଥର, ମାଙ୍ଗାନିଜ୍‍, କୋଇଲା, ଷ୍ଟିଲ୍‍ ପ୍ଲେଟ, ୟୁରିଆ, ଡୋଲୋମାଇଟ ଓ ପ୍ରୋଜେକ୍ଟ ମେଟେରିଆଲ୍ସ ଆଦି ରହିଛି । ସେହିଭଳି ଏହି ବନ୍ଦର ବାଟଦେଇ ୬୩.୩ ନିୟୁତ ଟନ୍‍ ସାମଗ୍ରୀ ୪୩ଟି ଦେଶରୁ ଆମଦାନୀ ହେଉଛି । ଏହିସବୁ ଦେଶ ମଧ୍ୟରେ ଜାପାନ, ଋଷିଆ, ସ୍ପେନ ଓ ଶ୍ରୀଲଙ୍କା ଭଳି ଦେଶ ଅଛନ୍ତି । ଆମଦାନୀ ସାମଗ୍ରୀ ମଧ୍ୟରେ କୋକିଙ୍ଗ କୋଲ୍‍, ଫେରୋକ୍ରୋମ, ପିଗ୍‍ ଆଇରନ୍‍ ଆଦି ସାମଗ୍ରୀ ରହିଛି ।

ପାରାଦୀପ ବନ୍ଦର ପଛକୁ ରହିଛି ଧାମରା ବନ୍ଦର । ଏହି ବନ୍ଦର ବାଟ ଦେଇ ୧୪ଟି ଦେଶକୁ ୫.୯୬ନିୟୁତ ଟନ୍‍ ସାମଗ୍ରୀ ରପ୍ତାନି କରାଯାଇଛି । ରପ୍ତାନି ହୋଇଥିବା ସାମଗ୍ରୀ ମଧ୍ୟରେ ଲୁହାପଥର ପେଲେଟସ୍‍, ଇସ୍ପାତ କଏଲ, ଥର୍ମାଲ କୋଲ୍‍ ଓ କୁକିଙ୍ଗ କୋଲ୍‍ ଆଦି ରହିଥିବାବେଳେ ସାମଗ୍ରୀ ଯାଉଥିବା ଦେଶ ମଧ୍ୟରେ ଇଟାଲୀ, ଜାପାନ, ମାଲେସିଆ, ଥାଇଲ୍ୟାଣ୍ଡ ଓ ଚୀନ୍‍ ଆଦି ରହିଛନ୍ତି । ସେହିଭଳି ଏହି ବନ୍ଦର ବାଟଦେଇ ୨୧ଟି ଦେଶରୁ ପ୍ରାୟ ୮ ପ୍ରକାରର ୯.୭୭ ନିୟୁତ ଟନ୍‍ ସାମଗ୍ରୀ ଆମଦାନୀ ହେଉଛି । ଆମଦାନୀ ସାମଗ୍ରୀ ମଧ୍ୟରେ ସାର, କୋଇଲା, ଚୂନପଥର, ଡୋଲୋମାଇଟ୍‍ ଆଦି ରହିଥିବାବେଳେ ଦେଶ ମଧ୍ୟରେ ଅଷ୍ଟ୍ରେଲିଆ, କାନାଡା, ଜାପାନ, ଇସ୍ରାଏଲ, ଋଷିଆ ଓ ମେକ୍ସିକୋ ଆଦି ରହିଛନ୍ତି ।

ସେହିଭଳି ଗୋପାଳପୁର ବନ୍ଦର ଦେଇ ୬ଟିଦେଶରୁ ୧.୬୫ ନିୟୁତ ଟନ୍‍ର ସାମଗ୍ରୀ ରପ୍ତାନି ହେଉଛି । ରପ୍ତାନି ହେଉଥିବା ସାମଗ୍ରୀ ମଧ୍ୟରେ ଲୁହାପଥର, ଲୁହାପଥର ଫାଇନ୍ସ, ଇଲୁମନାଇଟ ଆଦି ରହିଛି । ସେହିଭଳି ଏହି ବନ୍ଦର ବାଟଦେଇ ଦୁଇଟି ଦେଶରୁ ସିମେଣ୍ଟ, ଚୂନପଥର ଓ କୁକିଙ୍ଗ କୋଲ୍‍ ଭଳି ୧.୦୭ ନିୟୁତ ଟନ୍‍ର ସାମଗ୍ରୀ ଆମଦାନୀ କରାଯାଇଥିବା ମନ୍ତ୍ରୀ ତାଙ୍କ ଉତ୍ତରରେ ଦର୍ଶାଇଛନ୍ତି । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020