ସଚିବାଳୟ ମାର୍ଗର ନାମ ପରିବର୍ତ୍ତନ  ନୂଆ ନାମ ହେଲା ଲୋକସେବା ମାର୍ଗ  ସଚିବାଳୟର ନାମ ଲୋକସେବା ଭବନ ହେବାପରେ ରାସ୍ତାର ନାମ ବି ବଦଳିଲା  ଏଜି ଛକରୁ ଆଚାର୍ଯ୍ୟ ବିହାର ରାସ୍ତାର ନାମ ଏଣିକି ଲୋକସେବା ମାର୍ଗ  

ରେଳବାଇ ଜମି ଜବରଦଖଲ

ରାଉରକେଲା-ଝାରସୁଗୁଡ଼ା ମଧ୍ୟରେ ତୃତୀୟ ରେଳ ଲାଇନ ନିର୍ମାଣ କାର୍ଯ୍ୟ ବ୍ୟାପକ ଜବରଦଖଲ ଯୋଗୁ ବିଳମ୍ବିତ ହୋଇଛି ବୋଲି ଆଜି ଲୋକସଭାରେ ସୂଚନା ଦେଇଛନ୍ତି କେନ୍ଦ୍ର ରେଳ ମନ୍ତ୍ରୀ ପୀୟୂଷ ଗୋୟଲ ।

ସୁନ୍ଦରଗଡ଼ ସାଂସଦ ଜୁଏଲ ଓରାମଙ୍କ ପ୍ରଶ୍ନର ଲିଖିତ ଉତ୍ତର ଦେଇ ଶ୍ରୀ ଗୋୟଲ କହିଛନ୍ତି ଯେ ୧୦୧ କିମି ଲମ୍ବ ରାଉରକେଲା-ଝାରସୁଗୁଡ଼ା ତୃତୀୟ ରେଳ ପଥ ନିର୍ମାଣ ପ୍ରସ୍ତାବକୁ ୨୦୧୫-୧୬ ଆର୍ଥିକ ବର୍ଷରେ ମଞ୍ଜୁରି ମିଳିଥିଲା । ବର୍ତମାନ ଏହି ରେଳପଥର ନିର୍ମାଣ ଅଟକଳ ୧୩୧୨.୯୭ କୋଟି ଟଙ୍କାରେ ପହଞ୍ଚିଛି ।

ମାର୍ଚ୍ଚ ୨୦୧୯ ସୁଦ୍ଧା ଏହି ରେଳପଥ ଲାଗି ୪୫୩.୯୪ କୋଟି ଟଙ୍କା ବ୍ୟୟ କରାଯାଇସାରିଲାଣି । ୨୦୧୯-୨୦ ଆର୍ଥିକ ବର୍ଷରେ ଏହି ରେଳଲାଇନ ପାଇଁ ୧୫୦ କୋଟି ଟଙ୍କା ବ୍ୟୟବରାଦ କରାଯାଇଛି । ତେବେ ଏହି ରେଳ ଲାଇନର ରାଉରକେଲା-ପାନପୋଷ ଖଣ୍ଡରେ ବ୍ୟାପକ ଜବରଦଖଲ (୮୦୧ ସଂଖ୍ୟକ) ଯୋଗୁ ନିର୍ମାଣ କାର୍ଯ୍ୟ ଗୁରୁତର ବାଧାପ୍ରାପ୍ତ ହୋଇଛି ଏବଂ ପ୍ରକଳ୍ପ ଝୁଲା ଅବସ୍ଥାରେ ରହିଛି ।

୮୦୧ଟି ଜମିରୁ ଜବରଦଖଲ ଉଚ୍ଛେଦ ପାଇଁ ୪୭୪ ପରିବାରର ପାଖାପାଖି ୪ ହଜାର ଲୋକଙ୍କୁ ସ୍ଥାନାନ୍ତର କରିବାକୁ ପଡ଼ିବ । ଏହି ଜମି ରେଳ ବିଭାଗର ଏବଂ ଜବରଦଖଲକାରୀମାନେ ଏହାକୁ ବେଆଇନ ଭାବେ ଦଖଲ କରି ରହିଛନ୍ତି । ଜବରଦଖଲକାରୀଙ୍କ ଥଇଥାନ ପାଇଁ କୌଣସି ପ୍ରସ୍ତାବ ନାହିଁ ଏବଂ ଏ ସମ୍ପର୍କରେ ରାଜ୍ୟ ସରକାରଙ୍କୁ ଅବଗତ କରାଯାଇସାରିଥିବା ଶ୍ରୀ ଗୋୟଲ ପ୍ରକାଶ କରିଛନ୍ତି । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2019