ପାଞ୍ଚଜଣ ବରିଷ୍ଠ ଡାକ୍ତରଙ୍କୁ ନିର୍ଦ୍ଦେଶକ ପାହ୍ୟାକୁ ପଦୋନ୍ନତି  ଡାକ୍ତର ବିଜୟ କୁମାର ମହାପାତ୍ର ହେଲେ ସ୍ୱାସ୍ଥ୍ୟ ନିର୍ଦ୍ଦେଶକ  କଳାହାଣ୍ଡି ସିଡିଏମ୍‍ଓ ଡାକ୍ତର ବନଲତା ଦେବୀ ହେଲେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ସଚିବ  ଗଞ୍ଜାମ ସିଡିଏମ୍‍ଓ ଡାକ୍ତର ବିଜୟ କୁମାର ପାଣିଗ୍ରାହୀଙ୍କୁ ବିଭାଗର ଅତିରିକ୍ତ ସଚିବ ଭାବେ ନିଯୁକ୍ତି  ଡାକ୍ତର ଦୀନବନ୍ଧୁ ପଣ୍ଡା ହେଲେ ରାଉରକେଲା ଆରସିଏଚ୍‍ ନିର୍ଦ୍ଦେଶକ  ଡାକ୍ତର ପ୍ରଦୀପ କୁମାର ମହାପାତ୍ର ହେଲେ ଖାଦ୍ୟ ସୁରକ୍ଷା ନିର୍ଦ୍ଦେଶକ  

ଫୁଡ୍‍ ପାର୍କ ନିର୍ମାଣ ମନ୍ଥର


ରାଜଧାନୀ ଉପକଣ୍ଠରେ ଥିବା ଡେରାସରେ ମେଗା ଫୁଡ୍‍ ପାର୍କ ପ୍ରକଳ୍ପ ପ୍ରତିଷ୍ଠା ପାଇଁ କେନ୍ଦ୍ର ସରକାର ୨୦୧୫ରୁ ଅନୁମୋଦନ ଦେବା ସହ ଅନୁଦାନ ରାଶି ଯୋଗାଇ ଦେଇଥିବାବେଳେ ଚାରିବର୍ଷ ମଧ୍ୟରେ ଏହି ପ୍ରକଳ୍ପ କାମ ବିଶେଷ ଆଗେଇ ପାରିନାହିଁ । ଏଥିଘେନି କେନ୍ଦ୍ର ଉଦ୍‍ବେଗ ପ୍ରକାଶ କରୁଥିବାବେଳେ ଖୁବ୍‍ଶୀଘ୍ର ପ୍ରକଳ୍ପ କାର୍ଯ୍ୟ ତ୍ୱରାନ୍ୱିତ ହେବବୋଲି ରାଜ୍ୟ ସରକାରଙ୍କ ବରିଷ୍ଠ ଅଧିକାରୀମାନେ କହୁଛନ୍ତି ।

କେନ୍ଦ୍ର ସରକାରଙ୍କ ଖାଦ୍ୟ ପ୍ରକ୍ରିୟାକରଣ ମନ୍ତ୍ରାଳୟ ଡେରାସ ପ୍ରକଳ୍ପ ପାଇଁ ଯେଉଁ ଅନୁମୋଦନ ଦେଇଥିଲେ ତଦନୁଯାୟୀ ଏଠାରେ ୧୩୫କୋଟି ଟଙ୍କା ବ୍ୟୟ ଅଟକଳରେ ଫୁଡ୍‍ପାର୍କ ପ୍ରତିଷ୍ଠିତ ହେବାକଥା । ଏଥିପାଇଁ କେନ୍ଦ୍ର ମଧ୍ୟ ୫୦କୋଟି ଟଙ୍କାର ଅନୁଦାନ ମଞ୍ଜୁର କରିଥିଲା । କିନ୍ତୁ ଏଯାବତ୍‍ ଏହି ପ୍ରକଳ୍ପ ନିର୍ମାଣ କାର୍ଯ୍ୟ ଅତ୍ୟନ୍ତ ଶିଥିଳ ଗତିରେ ଚାଲୁଛି ।

ଇତି ମଧ୍ୟରେ କେନ୍ଦ୍ର ଖାଦ୍ୟ ପ୍ରକ୍ରିୟାକରଣ ମନ୍ତ୍ରାଳୟ ବିଭିନ୍ନ ରାଜ୍ୟର ମେଗା ଫୁଡ୍‍ ପାର୍କ ପ୍ରକଳ୍ପ ଗୁଡିକ ସମ୍ପର୍କରେ ଅନୁଧ୍ୟାନ କରିବାବେଳେ ଓଡିଶାରେ ଏହି କାମ ଅତି ଧିମା ଗତିରେ ଚାଲିଥିବା ନଜରକୁ ଆସିଥିଲା । ଏ ପ୍ରସଙ୍ଗରେ ସମ୍ପୃକ୍ତ ମନ୍ତ୍ରାଳୟ ରାଜ୍ୟ ସରକାରଙ୍କୁ ଚିଠି ଲେଖିଛି । ପ୍ରକଳ୍ପ ନିର୍ମାଣ କାର୍ଯ୍ୟ ବିଳମ୍ବ ହେଉଥିବାରୁ କେନ୍ଦ୍ରରୁ ଏ ବାବଦରେ ଅଧିକ ଅର୍ଥ ମିଳିବାରେ ବିଳମ୍ବ ହେଉଛି ।

ଡେରାସ ଫୁଡ୍‍ପାର୍କ ୧୫୦ଏକର ଜମି ଉପରେ ପ୍ରତିଷ୍ଠିତ ହେବବୋଲି ମୂଳରୁ ପ୍ରସ୍ତାବ ଥିଲା । ଏଠାରେ ଅନ୍ୟାନ୍ୟ ଖାଦ୍ୟ ପ୍ରକ୍ରିୟାକରଣ ଶିଳ୍ପ ସହିତ ୫୦ରୁ ଅଧିକ ସାମୁଦ୍ରିକ ଖାଦ୍ୟଶିଳ୍ପ ୟୁନିଟ୍‍ ବସାଇବାର ଯୋଜନା ରହିଛି । ସାମୁଦ୍ରିକ ମାଛ, କଙ୍କଡା, ଚିଙ୍ଗୁଡି ଆଦିର ପ୍ରକ୍ରିୟାକରଣ, ସଂରକ୍ଷଣ, ପ୍ୟାକେଜିଂ ଓ ପରିବହନ ଆଦି ପାଇଁ ଆଉ ଅନେକ ଗୁଡିଏ ସହାୟକ ଶିଳ୍ପ ପୁଞ୍ଜ ଏଠାରେ ଗଢି ଉଠିବା କଥା । ଏହାଛଡା ଆବଶ୍ୟକତାକୁ ଆଖିଆଗରେ ରଖି ଏଠାରେ ଶୀତଳଭଣ୍ଡାର ଓ ବରଫକଳ ଆଦି ମଧ୍ୟ ପ୍ରତିଷ୍ଠା କରାଯିବା ଯୋଜନା ଥିଲା ।

ଏଠାରେ ଉଲ୍ଲେଖନୀୟ ଯେ ଡେରାସ ଅଞ୍ଚଳରେ ସରକାରଙ୍କ କୃଷି ବିଭାଗର ଏକ ବଡ ଧରଣର ଫାର୍ମ ସହିତ ଜଳସେଚନ ପ୍ରକଳ୍ପ ମଧ୍ୟ ରହିଥିଲା । ତେବେ ବର୍ଷ ବର୍ଷ ଧରି ଏହି କୃଷିଫାର୍ମ ଏକ ପ୍ରକାର ଅଚଳ ହୋଇ ପଡିବା ଫଳରେ ତାହା ମୁଖ୍ୟତଃ ଜଙ୍ଗଲି ହାତୀଙ୍କ ଚରାଭୁଇଁରେ ପରିଣତ ହୋଇଛି । ଏହି ଫାର୍ମ ସମେତ ଆଉ କେତେକ ଜମିକୁ ନେଇ ଏଠାରେ ମେଗା ଫୁଡ୍‍ ପାର୍କ ପ୍ରତିଷ୍ଠାର ଯେଉଁ ଯୋଜନା ରହିଛି ତାହା ସଫଳ ହେଲେ ବ୍ୟାପକ କର୍ମନିଯୁକ୍ତିର ସମ୍ଭାବନା ସୃଷ୍ଟିହେବ ।

ଏଠାରେ ଯେଉଁ ସାମୁଦ୍ରିକ ଖାଦ୍ୟ ପ୍ରକ୍ରିୟାକରଣ ଶିଳ୍ପ ପ୍ରତିଷ୍ଠା ହେବାର ଅଛି ସେଥିରୁ ୯୦ହଜାର ମେଟ୍ରିକ ଟନ୍‍ରୁ ଅଧିକ ସାମଗ୍ରୀ ଦେଶ ବିଦେଶର ବଜାରରେ ବିପ୍ପଣନ ହୋଇପାରିବ । ଏଥିରୁ ବିଦେଶକୁ କେବଳ ୨୦ହଜାର କୋଟି ଟଙ୍କାର ସାମଗ୍ରୀ ୫ବର୍ଷ ମଧ୍ୟରେ ପଠାଯାଇ ପାରିବ । ଏବେ ରାଜ୍ୟ ସରକାରଙ୍କ ବିଭାଗୀୟ ଅଧିକାରୀମାନେ ଏହି ପ୍ରକଳ୍ପ କାର୍ଯ୍ୟ ବିଳମ୍ବ ହେବାର କାରଣ ଖୋଜିବା ସଂଗେ ସଂଗେ କିପରି ତାହା ତ୍ୱରାନ୍ୱିତ ହେବ ସେଥିଘେନି ଚିନ୍ତିତ । ପ୍ରକଳ୍ପ ନିର୍ମାଣ କାର୍ଯ୍ୟ ବିଳମ୍ବ ହେବା ଫଳରେ ଏ ବାବଦରେ ବ୍ୟୟ ବୃଦ୍ଧିପାଇବା ଏହି ମେଗା ଫୁଡ୍‍ ପାର୍କ ପାଇଁ ବଡ ଆହ୍ୱାନ ହୋଇଛି ।  



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020