ପାଞ୍ଚଜଣ ବରିଷ୍ଠ ଡାକ୍ତରଙ୍କୁ ନିର୍ଦ୍ଦେଶକ ପାହ୍ୟାକୁ ପଦୋନ୍ନତି  ଡାକ୍ତର ବିଜୟ କୁମାର ମହାପାତ୍ର ହେଲେ ସ୍ୱାସ୍ଥ୍ୟ ନିର୍ଦ୍ଦେଶକ  କଳାହାଣ୍ଡି ସିଡିଏମ୍‍ଓ ଡାକ୍ତର ବନଲତା ଦେବୀ ହେଲେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ସଚିବ  ଗଞ୍ଜାମ ସିଡିଏମ୍‍ଓ ଡାକ୍ତର ବିଜୟ କୁମାର ପାଣିଗ୍ରାହୀଙ୍କୁ ବିଭାଗର ଅତିରିକ୍ତ ସଚିବ ଭାବେ ନିଯୁକ୍ତି  ଡାକ୍ତର ଦୀନବନ୍ଧୁ ପଣ୍ଡା ହେଲେ ରାଉରକେଲା ଆରସିଏଚ୍‍ ନିର୍ଦ୍ଦେଶକ  ଡାକ୍ତର ପ୍ରଦୀପ କୁମାର ମହାପାତ୍ର ହେଲେ ଖାଦ୍ୟ ସୁରକ୍ଷା ନିର୍ଦ୍ଦେଶକ  

୧୪ରେ ବାତ୍ୟାଞ୍ଚଳ ପରିଦର୍ଶନ


ବୁଲ୍‍ବୁଲ୍‍ କ୍ଷୟକ୍ଷତିର ଆକଳନ ପାଇଁ ୧୪ ତାରିଖରୁ କେନ୍ଦ୍ରୀୟ ପ୍ରତିନିଧିଦଳ ଦୁଇ ଦିନିଆ ଓଡିଶା ଗସ୍ତରେ ଆସିବେ । ଗୁରୁବାର ଦିନ ଅପରାହ୍ନରେ ଆସି ଭୁବନେଶ୍ୱର ଠାରେ ପହଞ୍ଚିବା ପରେ ଭଦ୍ରକ ଗସ୍ତରେ ଯିବେ ବୋଲି ସ୍ୱତନ୍ତ୍ର ରିଲିଫ କମିଶନର ପ୍ରଦୀପ କୁମାର ଜେନା ସୂଚନା ଦେଇଛନ୍ତି ।

ସୂଚନା ଅନୁଯାୟୀ ପ୍ରତିନିଧିଦଳ ଦିନ ଗୋଟାଏ ବେଳେ ନୂଆଦିଲ୍ଲୀରୁ ଆସି ଏଠାରେ ପହଞ୍ଚିବାପରେ ସିଧାସଳଖ ଭଦ୍ରକ ଯାଇ ସେଠାରେ ବାତ୍ୟା କ୍ଷୟକ୍ଷତି ପରିଦର୍ଶନ କରିବେ ।

୧୫ ତାରିଖ ଦିନ କେନ୍ଦ୍ରୀୟ ପ୍ରତିନିଧିଦଳ କେନ୍ଦ୍ରାପଡା ଜିଲ୍ଲାର ବାତ୍ୟାଞ୍ଚଳ ବୁଲି ଦେଖିବା ସହିତ ଅପରାହ୍ନରେ ଭୁବନେଶ୍ୱର ଫେରିଆସିବେ । ସେହିଦିନ ଅପରାହ୍ନ ୫.୩୦ରେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ କେନ୍ଦ୍ରୀୟ ପ୍ରତିନିଧିଦଳର ସଦସ୍ୟମାନେ ଯୋଗଦେବେ । 



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020