ପାଞ୍ଚଜଣ ବରିଷ୍ଠ ଡାକ୍ତରଙ୍କୁ ନିର୍ଦ୍ଦେଶକ ପାହ୍ୟାକୁ ପଦୋନ୍ନତି  ଡାକ୍ତର ବିଜୟ କୁମାର ମହାପାତ୍ର ହେଲେ ସ୍ୱାସ୍ଥ୍ୟ ନିର୍ଦ୍ଦେଶକ  କଳାହାଣ୍ଡି ସିଡିଏମ୍‍ଓ ଡାକ୍ତର ବନଲତା ଦେବୀ ହେଲେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ସଚିବ  ଗଞ୍ଜାମ ସିଡିଏମ୍‍ଓ ଡାକ୍ତର ବିଜୟ କୁମାର ପାଣିଗ୍ରାହୀଙ୍କୁ ବିଭାଗର ଅତିରିକ୍ତ ସଚିବ ଭାବେ ନିଯୁକ୍ତି  ଡାକ୍ତର ଦୀନବନ୍ଧୁ ପଣ୍ଡା ହେଲେ ରାଉରକେଲା ଆରସିଏଚ୍‍ ନିର୍ଦ୍ଦେଶକ  ଡାକ୍ତର ପ୍ରଦୀପ କୁମାର ମହାପାତ୍ର ହେଲେ ଖାଦ୍ୟ ସୁରକ୍ଷା ନିର୍ଦ୍ଦେଶକ  

ଚାଷୀଙ୍କ ହାତରେ କୃଷି ଯନ୍ତ୍ରପାତି


ଗାଁ ଗହଳର ଚାଷୀମାନଙ୍କ ହାତ ପାଆନ୍ତାରେ କୃଷି ଯନ୍ତ୍ରପାତି ଉପଲବ୍ଧ ସହିତ ସ୍ୱୟଂ ସହାୟକ ଗୋଷ୍ଠି ଗୁଡିକୁ ସ୍ୱାବଲମ୍ବି କରିବାପାଇଁ ରାଜ୍ୟ ସରକାର ଫସଲ ଅମଳରେ ବ୍ୟବହୃତ ସାଜ ସରଞ୍ଜାମ ଯୋଗାଇଦେବେ । ବ୍ରିଙ୍ଗଙ୍ଗ ଗ୍ରିନ୍‍ ରିଭୋଲ୍ୟୁସନ ଇଷ୍ଟର୍ଣ୍ଣ ଇଣ୍ଡିଆ (ବିଜିଆରଇଆଇ) ଯୋଜନାରେ ଏହା ଯୋଗାଇ ଦିଆଯିବ ।

ମିଳିଥିବା ସୂଚନା ଅନୁଯାୟୀ ରାଜ୍ୟ ସରକାର ଫସଲ ଅମଳରେ ବ୍ୟବହୃତ ହେଉଥିବା ଛୋଟ ରାଇସ୍‍ ମିଲ୍‍, ଧାନ ସଫା କରିବାପାଇଁ ଆବଶ୍ୟକ ପଡୁଥିବା କ୍ଲିନର କମ୍‍ ଗ୍ରେଡର, ପାଦ ଚାଳିତ ଧାନ ଅମଳ ଯନ୍ତ୍ର, ହସ୍ତ ଚାଳିତ ପଙ୍ଖା ଓ ଚାଉଳ ଉତ୍ପାଦନ ପାଇଁ ଆବଶ୍ୟକ ପଡୁଥିବା ଧାନ ସିଝା ସାମଗ୍ରୀ ଯୋଗାଇଦେବେ । ତେବେ ସମଗ୍ର ରାଜ୍ୟ ପାଇଁ ୩୨୯ଟି ୟୁନିଟ୍‍ ସାମଗ୍ରୀ ଯୋଗାଣ ପାଇଁ ସ୍ଥିର ହୋଇଥିବାବେଳେ ପ୍ରତି ୟୁନିଟ୍‍ରେ ଉପରୋକ୍ତ ଯନ୍ତ୍ରପାତି ମଧ୍ୟରୁ ଗୋଟିଏ କରି ରହିବ । ତେବେ ଏଥିରୁ ୩୧୪ଟି ବ୍ଲକକୁ ଗୋଟିଏ କରି ୟୁନିଟ୍‍ ଯୋଗାଇ ଦିଆଯିବ ।

ବ୍ଲକ ସ୍ତରରେ ସ୍ୱୟଂ ସହାୟକ ଗୋଷ୍ଠି ଗୁଡିକୁ ଚିହ୍ନଟ କରାଯାଇ ସେମାନଙ୍କୁ ଏହା ଯୋଗାଣ ହେବ । ପଞ୍ଚାୟତ ସ୍ତରରେ ଚାଷୀମାନେ ଆବଶ୍ୟକ ମୁତାବକ ଏହି ସାମଗ୍ରୀ ଏସ୍‍ଏଚ୍‍ଜି ଠାରୁ ନେଇ ନିଜର ଫସଲ ଅମଳ କାର୍ଯ୍ୟରେ ବ୍ୟବହାର କରିପାରିବେ । ଏହି ଯୋଜନାରେ ପ୍ରାୟ ୩କୋଟି ୮୦ ଲକ୍ଷ ଟଙ୍କାର ବ୍ୟୟ ହେବ ।

ବିଜିଆରଇଆଇ ଯୋଜନାରେ ଏହି ସାମଗ୍ରୀ ଖରିଦ ପାଇଁ ଇତି ମଧ୍ୟରେ ରାଜ୍ୟ ସରକାର ଟେଣ୍ଡର ଜାରି କରିଥିବାବେଳେ ଏଥିପାଇଁ ରାଜ୍ୟ ବାହାରୁ ଓ ଭିତରୁ କେତେ ଗୁଡିଏ ସଂସ୍ଥା ଆବେଦନ କରିଥିଲେ । ଚୂଡାନ୍ତ ପର୍ଯ୍ୟାୟରେ ୪ଟି ସଂସ୍ଥା ରହିଥିବା ଜଣାଯାଇଛି । ଏହି ୪ଟି ସଂସ୍ଥା ମଧ୍ୟରୁ ଗୋଟିଏ କର୍ଣ୍ଣାଟକର ହୋଇଥିବାବେଳେ ଅନ୍ୟ ତିନିଟି ଓଡିଶାର ।

ଉଲ୍ଲେଖନୀୟ ଯେ ରାଜ୍ୟ ସରକାର ବିଜିଆରଇଆଇ ଯୋଜନାରେ ଯୋଗାଇଦେବାକୁ ଥିବା କୃଷି ଯନ୍ତ୍ରପାତି ଉପରେ ପୂର୍ବରୁ ମଧ୍ୟ ସବ୍‍ସିଡ୍‍ ପ୍ରଦାନ କରି ଆସୁଛନ୍ତି । ତେବେ ମିନି ରାଇସ୍‍ ମିଲ୍‍ର ଦର ଉପରେ ମୋଟା ଅଙ୍କର ସବ୍‍ସିଡ୍‍ ଥିବାରୁ ରାଜ୍ୟର ବହୁ କୃଷକ ତାହାକୁ ଖରିଦ କରିଛନ୍ତି । କିନ୍ତୁ ଏହି ରାଇସ୍‍ମିଲ୍‍ ଯୋଗାଣ କରୁଥିବା ସଂସ୍ଥାମାନେ ନିଜେ ଏହାକୁ ତିଆରି କରିବା ବଦଳରେ ବାହାରୁ ଆଣି ଯୋଗାଇ ଦେଉଛନ୍ତି । ଏଥିଯୋଗୁଁ ପରବର୍ତ୍ତୀ ସମୟରେ ଏହି ଯନ୍ତ୍ରରେ କୌଣସି ସମସ୍ୟା ଦେଖାଦେଲେ ତାହାର ମରାମତି ସହଜ ହେଉନାହିଁ । ତେଣୁ ଧିରେ ଧିରେ ଏହି ମିନି ରାଇସ୍‍ ମିଲ୍‍ରୁ ଚାଷୀ ମୁହଁ ଫେରାଉଥିବା ବି ଦେଖିବାକୁ ମିଳୁଛି ।

କେବଳ ମିନି ରାଇସ୍‍ ମିଲ୍‍ ନୁହେଁ, ଧାନ ଅମଳ ଠାରୁ ଉଡାଇବା ପର୍ଯ୍ୟନ୍ତ ବିଭିନ୍ନ ସାମଗ୍ରୀ ଉପରେ ସରକାର ସବ୍‍ସିଡ୍‍ ପ୍ରଦାନ କରୁଛନ୍ତି । ଏହାକୁ କିଣିବାପାଇଁ ଚାଷୀମାନେ ଆଗ୍ରହ ପ୍ରକାଶ କରୁଥିବାବେଳେ ଯୋଗାଣକାରୀ ସଂସ୍ଥାମାନେ ସାମଗ୍ରୀ କିଣା ବିକାରେ ଚଞ୍ଚକତା କରୁଥିବା ନଜରକୁ ଆସିଛି ।

ଏପରିକି କୃଷି ଯନ୍ତ୍ରପାତି ଯୋଗାଣ କରୁଥିବା କେତେକ ସଂସ୍ଥା ବଡ ଧରଣର ଜିଏସ୍‍ଟି ଫାଙ୍କି ପଦାକୁ ଆସିବାପରେ ସମଗ୍ର ରାଜ୍ୟରେ ଏହାର ତଦନ୍ତ କରିବାପାଇଁ କୃଷି ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି । ତେଣୁ କରି ଆଗାମୀ ଦିନରେ ସରକାର ଯୋଗାଇବାକୁ ଯାଉଥିବା କୋଟି କୋଟି ଟଙ୍କାର କୃଷି ଯନ୍ତ୍ରପାତି ଖରିଦରେ ସ୍ୱଚ୍ଛତା ବଜାୟ ରଖିବାକୁ ଚାଷୀମାନେ ମତ ଦେଉଛନ୍ତି ।  



ସମ୍ପାଦକ: ବ୍ରଜ କିଶୋର ମିଶ୍ର

©Tathya Media Pvt. Ltd. 2020